Магар айби бор деб бировни билдим,
Боқмадилар ҳатто бу сўзга бирров.
Қачонки ўзимга насиҳат қилдим,
Аччиқ пандларимни англади биров.

Етмоқчи бўлгандим ботиний дилга,
Атрофга пичирлаб таралди нолам --
Ўзим сарҳад бўлдим ҳар қайси йўлга,
Ўзимдан бошланди жами бу олам.

Ҳа, шундай йўсинда бор эмиш таъсир,
Аввало ўзимни ўзгартир, сўзим:
Сенинг ислоҳингга олам мунтазир,
Нима қилсам экан сени, эй ўзим?!

@xayrulla_hamidov_adabiyot