M. M. Madazimov | Rasmiy kanal

Institut rektori ADTI klinikasida olib borilayotgan qurilish, rekonstruksiya ishlari bilan tanishdi

Xabaringiz bor, Andijon davlat tibbiyot instituti klinikasi O‘zbekiston Respublikasi Vazirlar Mahkamasining 2021-yil 25-noyabrdagi 713-sonli Qarori bilan rekonstruksiya qilinishi belgilangan.

Ushbu maqsadlar uchun 350 milliard so‘m mablag‘ga loyiha-smeta qilingan bo‘lib, 2021-2023-yillarda 119 milliard so‘mlik (36%) qurilish rekonstruksiya ishlari olib borilgan. 2024-yilga 74 milliard so‘m ajratilib, yil yakuni bo‘yicha to‘liq moliyalashtirildi.

Bugungi kunda qurilish va rekonstruksiya ishlariga jami 84 nafar ishchilar jalb etilgan. Hozirda qurilish ishlari ayni avjida.

Bugun, 3-yanvar kuni institut rektori M.Madazimov institut va uning klinikasi, quruvchi hamda OKS xodimlari bilan uchrashib, jarayonlar bilan yaqindan tanishdi. Muloqot davomida klinikada bajarilgan ishlar va kelgusi 2 oy ichida amalga oshirishi lozim bo‘lgan qurilish rekonstruksiya ishlari bo‘yicha yana bir bor kelishib olindi.

Shuningdek, klinikada amalga oshirilayotgan ishlar bilan yaqindan tanishgan holda institut rektori kerakli tavsiyalarni berdi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

🟦🟦🟦

ANDIJON DAVLAT TIBBIYOT INSTITUTI REKTORI M.M.MADAZIMOVNING YANGI YIL TABRIGI

Assalomu alaykum, aziz instiutimiz jamoasi, qadrli professor-o‘qituvchilar, ilmga chanqoq talaba-yoshlar! Kirib kelayotgan yangi yil bayrami barchangizga qutlug‘ bo‘lsin!

Yangi yil yangi orzular, yangi maqsadlar ayyomi. Bu kunni barchamiz intiq bo‘lib kutamiz. O‘tgan yil sarhisobini qilib, yangi yilga katta rejalarni maqsad qilamiz.

Shu qatorda aytib o‘tishimiz joizki, o‘tgan 2024-yil Andijon davlat tibbiyot institutiga ham muvaffaqiyatli keldi. Boisi, bu yil yangi o‘quv yilini yangi o‘quv binosi bilan qarshi oldik. Institut klinikasi ham to‘liq ravishda bizning tasarrufimizga o‘tdi, hozirda klinikada qurilish-bunyodkorlik ishlari ayni avjida.

Yangi va zamonaviy 2000 o‘rinli o‘quv binoyimiz 7 qavatdan iborat bo‘lib, har bir qavatda 28 ta xona mavjud. Binoda umumiy 12 ta maʼruza zali mavjud. Binoning 2-qavatida jahon standartlariga mos katta imkoniyatlarga ega simulyatsiya markazi joylashgan. Zamon talablariga to‘la mos keladigan Simulyatsiya markazidan esa zamonaviy robot simulyatorlar o‘rin olgan.

Shuningdek, institutning Markaziy ilmiy-tekshirish laboratoriyasi ham qurib bitkazildi. Ushbu bino 4 qavatdan iborat bo‘lib, 400 o‘ringa mo‘ljallangan. Binoda 30 ta o‘quv xonalari, 21 ta laboratoriya xonasi, 1 ta maʼruza zali, 28 ta kafedra mudiri va yordamchi xonalari mavjud. 1 qavatli vivariy binolari, tashqi yordamchi bino va inshootlarida qurilish ishlari yakunlanish arafasida.

Talabalarni turar joy bilan taʼminlash borasida navbatma navbat yangi turar joylarni qurib bitkazmoqdamiz. Joriy yilda ham Davlat xususiy sherikchiligi asosida yangi 400 o‘ringa mo‘ljallangan talabalar turar joyi foydalanishga topshirildi.

Xalqaro hamkorliklarni rivojlantirish borasida ham yakunlanayotgan yil samarali bo‘ldi deb bemalol ayta olaman. Chunki biz AQSH, Germaniya, Rossiya Federatsiyasi, Xitoy, Koreya davlatlarining nufuzli oliy taʼlim muassasalari bilan ilmiy, o‘quv, klinik amaliyot masalalarida yangi hamkorlik memorandumlarini imzolandik.

Ayniqsa, yil yakuni xushxabarlarga boy bo‘ldi. Institutimiz davolash ishi (o‘zbek, rus va ingliz tilida), stomatologiya fakultetlari taʼlim dasturlari Qozog‘iston Respublikasining ECAQA markazi tomonidan xalqaro akkreditatsiyadan o‘tkazildi. Xalqaro akkreditatsiyadan o‘tganlik to‘g‘risidagi guvohnomalar markaz tomonidan taqdim qilindi. Bu esa institutimiz uchun yuqori natija albatta! Niyat qilamanki, bu kabi yutuqlarimiz kelayotgan yilda yana-da bardavom bo‘ladi.

Aziz hamkasblar, Sizlarni Yangi yil bayrami bilan yana bir bor qutlab, barchangizga sihat-salomatlik, oilaviy baxt, xonadonlaringizga tinchlik va fayz-u baraka tilayman. Yurtimiz farovon, dasturxonlarimiz to‘kin bo‘lsin! Go‘zal Vatanimizga ko‘z tegmasin! Kelayotgan 2025-yil – “Atrof-muhitni asrash va “yashil” iqtisodiyot yili”da tabiatimiz yashillik, qalbimiz esa yaxshilikka to‘la bo‘lsin!

Batafsil: havolada

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#live
#bayram_shukuhi

Yangi yil bayram tantanasi ko‘tarinki ruhda davom etmoqda. Xalqaro, respublika hamda institutda o‘tkzilgan ilmiy, ma'naviy-ma'rifiy tadbirlar, olimpiadalarda faol ishtirok etib, yutuqlarga erishgan talabalar institut rahbariyati tomonidan diplom hamda pul mukofotlari bilan taqdirlandi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

INSTITUTDA MUHIM MASALALARGA BAG'ISHLANGAN YIG'ILISH O'TKAZILDI

Andijon davlat tibbiyot institutida Korrupsiyaga qarshi kurashish va talabalarning qishki ta’til vaqtlarini mazmunli o‘tkazishlari borasida yig‘ilish bo‘lib o‘tdi. Unda institut rektori, prorektorlar, bo‘lim boshliqlari ishtirok etishdi.

Dastavval institut rektori barchani kirib kelayotgan yangi 2025-yil bilan muborakbod etdi. Undan so‘ng yil davomida erishilgan yutuqlar, qurilish-bunyodkorlik ishlari, qolaversa, bartaraf etilmay qolgan amaliy ishlarga to‘xtalib o‘tdi. Yil yakunida Korrupsiyaga qarshi kurashish va Komplayens nazorat tizimini boshqarish bo‘limi tomonidan talabalar o‘rtasida so‘rovnoma olib borilgan bo‘lib, unda talabalarning fikr-mulohazalari o‘rganilgan edi. Mazkur so‘rovnoma natijalari o‘qib eshittirilib, rektor tomonidan ko‘rsatilgan kamchiliklarni bartaraf etish yuzasidan mas’ullarga kerakli topshiriq va vazifalar berildi.

Yig‘ilish davomida Korrupsiyaga qarshi kurashish va Komplayens nazorat tizimini boshqarish bo‘limi boshlig‘i S.Asqarovning yillik hisoboti tinglandi. Unda bo‘lim tomonidan yil davomida amalga oshirilgan ishlar, xodimlar va talabalar o‘rtasida o‘tkazilgan profilaktik tadbirlar, mazkur ishlarning samarasi borasida so‘z yuritildi.

Shundan so‘ng Yoshlar masalalari va ma’naviy-ma’rifiy ishlar bo‘yicha birinchi prorektor S.Salohiddinov joriy yilning 25-dekabrdan 2025-yilning 7-yanvarigacha o‘tadigan qishki ta’til, ta’tilni mazmunli tashkil etish, betalofat o‘tkazish, iqtidorli talabalarni kashf etish borasida ma’lumotlar berib o‘tdi. Bu borada taklif va mulohazalar o‘rtaga tashlandi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter