ВАТАНИМ АСКАРЛАРИ

Қадди-басти келишган,
Чабдаст, жасур, довюрак,
Жанговор машқда пишган,
Доимо ҳушёр, сергак -
Ватаним аскарлари.

Мангубердига издош,
Темурбекка чин ўғлон,
Дўсту ёрга қон-қардош,
Халқига кўкси қалқон -
Ватаним аскарлари.

Бурчига содиқ, маҳкам,
Ақлу идрокда тенгсиз,
Қадами ўтли, шаҳдам,
Қалби мисоли денгиз -
Ватаним аскарлари.

Жазирама, қаҳратон,
Чўт эмас, писанд эмас.
Марду майдон, қаҳрамон,
Барчага бирдай ҳавас -
Ватаним аскарлари.

Муҳиддин ОМАД.