I love Korea

Seul 🚔 Yo’l-patrul xizmati xodimi yo’l-transporti hodisasi sodir qilgani uchun politsiya tomonidan qo’lga olindi.

🇰🇷 Seul politsiyasi xabar berishicha, A-33 shossesida yo’l qoidalarini qo’pol ravishda buzib, 🍾 mast holatda avtomobil boshqargan va avtohalokatga sababchi bo’lgan Yo’l-patrul xizmati xodimi so’roq qilinmoqda.

Oldingi qatorda svetofor chirog’ini kutib to’xtab turgan transport vositasini orqadan kelib urib yuborgan mazkur xodimning qoni tarkibida alkogol miqdori 💧 0.08% ni tashkil qilgani aytilmoqda. Bu miqdor avtomobil haydash huquqidan mahrum qilish uchun yetarli hisoblanadi.💥🚙 Avtohalokat jiddiy oqibatlar va tan jarohatiga olib kelmagan.

Janubiy Koreya prezidenti aprelda O‘zbekistonga keladi

Janubiy Koreya prezidenti Mun Chje In O‘zbekistonga aprel o‘rtasida tashrif buyuradi. Bu haqda “Podrobno.uz” ayni paytda Toshkentda bo‘lib turgan Janubiy Koreya delegatsiyasi a’zosiga tayanib xabar bermoqda.

Uning so‘zlariga ko‘ra, Janubiy Koreya rahbarining Toshkentga tashrifi chog‘ida yirik biznes-forum tashkil etiladi, qator hujjatlar, shu jumladan, elektron hukumat sohasidagi hujjatlar imzolanishi rejalashtirilmoqda.

“Oliy darajadagi tadbirlar davomida sanoat va qishloq xo‘jalik ishlab chiqarish, energetika, logistika va infratuzilmani rivojlantirish, atrof-muhit va texnologiyalar sohasidagi hamkorliklar, millatlararo aloqalarni mustahkamlash masalalari muhokama qilinadi”, — dedi u.
@Koreysmadaniyati

#Korea #info #Malumot #Diplom #student
Xorijliklar uchun Koreys tili
bo’yicha “22-notiqlik musobaqasi” Seuldagi Kyunghee universitetida joriy yilning 14-may sanasida bo’lib o’tadi.

Chet ellik shaxslar koreys tilidan muloqot va raqobatga kirishadigan ushbu musobaqa tashkilotchilari Kyunghee xalqaro ta’lim markazi va Yonhap News agentligi hisoblanadi.

Musobaqa bo’yicha qisqacha ma’lumot:
- Sana & vaqti: 14-May 2019-yil, 14:00 ~ 16:00.
- Kim ishtirok eta oladi: Koreys tilida so’zlasha oladigan xorijlik shaxs.
- Mavzusi: “Koreya men uchun tinchlik va dunyo hamjihatligi yo’lidagi o’zgacha davlat”.
- Ariza berish muddati: 18-Mart 2019-yildan - 11-Aprel 2019-yilgacha.
- Registratsiya usuli: (http://speechinkorean.iie.ac.kr) saytidan.
- Zarur hujjatlar: 1 dona ariza blankasi, 1 dona qo’lyozma (3 minutlik prezentatsiya yoki 1 dona A4 formatda)
- Aloqa uchun: Kyunghee xalqaro ta’lim markazi - 02) 961 - 0081 ~ 2

Hurmatli yurtdoshlar, ishtirok etib bilim va omadingizni sinab ko’ring!

@koreysmadaniyati

#Korea #info #Malumot #student #Qabul_2019 #
Жанубий Корея хорижий талабалар учун виза талабларини кучайтирди

Шу йилнинг 18 мартидан бошлаб Корея Республикаси ҳукумати мамлакатга Корейс тилини ўрганиш мақсадида келаётган талабалар учун виза бериш талабларини кучайтирди. Бу тўғрида Korea Times нашри Адлия вазирлигига таяниб хабар тарқатмоқда.

Маълум қилинишича, Жанубий Кореяга халқаро талабаларни олиб келиш билан шуғулланувчи воситачиларнинг тил алмашинуви дастури учун жорий қилинган виза тизими қоидаларини бузиш ҳолатлари тобора кўпайиб бормоқда. Хусусан, Корея Республикасига тил ўрганиш ниятида келиб, ноқонуний қолиб кетаётган талабалар сони кескин ошиб кетган. Жумладан, 2015 йилда бундай мигрантлар сони 4,294 тани ташкил қилган бўлса, 2018 йилда улар 12,526 нафарга етган.

"Шу кунгача хорижий талабаларни саралаб олиш масаласида университетларга максимал эркинлик бердик. Аммо улар томонидан йўл қўйилган камчиликлар, хусусан номзодларнинг иқтисодий ва академик имкониятларини баҳолашдаги хатоликлар натижасида ноқонуний муҳожирлар сони кўпайиб кетди", дейилади Адлия вазирлигининг баёнотида.

Режалаштирилган чора-тадбирларда, айниқса, вьетнамлик талабалар диққат-марказида бўладилар. Сабаби, 2018 йилги маълумотларга кўра, тил ўрганиш дастури учун жорий қилинган D-4 визасини олиб мамлакатга кирган хорижликларнинг 70 фоизи Вьетнамдан.

Шу вақтгача D-4 визасини олиш учун номзодлар ҳисобларида $9,000 доллар мавжудлигини тасдиқлайдиган банк маълумотномасини тақдим қилар эдилар. Талабалар виза олгач, бу маблағнинг бир қисмини воситачига ўтказиб берган.

Янги қоидаларга кўра, энди талабаларнинг банкдаги чегараланган ҳисобларида $10,000 доллар бўлиши керак. Чегараланган ҳисоб рақамдан ҳар олти ойда 5 миллион вон ($4,400) ечиб олиш мумкин бўлади. Яъни, шу орқали D-4 визаси қўлга киритилгач, талабалар томонидан воситачига тўланадиган бир марталик яхлит тўловнинг ечиб олинишига чек қўйилади.

Шунингдек, баёнотда Гвинея, Мали, Уганда, Эфиопия ҳамда Камерундан ташриф буюраётган ёшлар тил ўрганиш курсларини чала қолдириб кетиш, ўзларини ноқонуний меҳнат бозорига уришда етакчилик қилаётгани таъкидланади. Энди бу мамлакатлардан ташриф буюрмоқчи бўлган ёшларнинг Корейс тилини "TOPIK 3" даражасида билишлари ёки TOEFL тестларида 530 балл тўплашлари мажбурий этиб белгиланади.

Бир муддат аввал Жанубий Кореяда халқаро талабаларнинг ишлаб чиқариш секторида қисман меҳнат қилишларини чеклаш ноқонуний меҳнатга сабаб бўлиши қаттиқ танқид остига олинган эди. Шу боис, ҳукумат бу борадаги талабларни бир оз юмшатган. Бироқ, энди хорижий талаба ишлаб чиқариш секторида расман меҳнат қилиши учун Корейс тилидан "TOPIK 4" гувоҳномасига эга бўлиши керак.
@koreysmadaniyati

Biz ham nihoyat,
🇰🇷 Koreya degan joyga
Aytib beray hikoya,
💰Tez aylantirar boyga!

🛠 Ishga ham tushdik mana,
Bizning zavod yagona.
🌅 Kunni bog'laymiz tunga,
Mehr qo'yganman unga!

Sajangimga hayronman,
Palli-palli demaydi.
Aytar har kun u menga-
Joning berib jabborga,
Ishlab nima qilasan?!
Borliging o'zi davlat,
Sen bor, men bor bilasan!

Gar kech qolsam ertalab,
Eshik yonida Pujang
Qo'limga kofe tutib,
Kutib olar erkalab!

Og'ir ko'tarma deydi,
Sog'lig'ingni avayla,
Shiljangimiz shunaqa,
Doim g'amimni yeydi!

So'zlarim tuyilsa gar,
Yolg'onday yoki lofday
Aksiga o'girib ko'ring
Koreyslar qanday biling

Hullas do'st-u birodar,
So'zim mag'zini aytsam
Biz kerakmiz vatanga
Ozor bermang jon-tanga.

Jonni bermang jabborga,
Vafo qilishmas sizga
Yuz yil ishlab bersak ham
Haykal qo'ymaydi bizga

Muallif: Ulug'bek Rustamovich
(Maxsus OVOZA uchun)