Xohish — bu faqat boshlanish nuqtasi, natija uchun ilk qadamdir. Ammo u mustahkam iroda va intizom bilan qo‘llab-quvvatlanmaguncha, u shunchaki ba'zida eslanib turadigan orzuga aylanib qoladi. Haqiqiy o‘zgarish xohishning amaliy harakatga aylanishi bilan boshlanadi. Chunki xohlagan narsaga erishish yo‘lida to‘siqlar va qiyinchiliklar doimo uchraydi. Ushbu mashaqqatlarni yengib o‘tish uchun inson nafaqat istak bildirishi, balki intilishi, harakat qilishi, sabr bilan bardosh berishi kerak.

Shuningdek, xohishning o‘zi noto‘g‘ri yo‘nalishda bo‘lsa yoki uni amalga oshirishda inson yetarli bilim va tajribaga ega bo‘lmasa, u kutilgan natijani bermasligi mumkin. Shu boisdan xohishning ortida maqsadning aniq belgilanganligi, rejali harakat va doimiy o‘zgarishlarga nisbatan reaksiya bera olish turishi kerak. Inson o‘z istaklarini haqiqatga aylantirish uchun avvalo o‘zini o‘zgartirishi, dunyoni idrok etish tarzini kengaytirishi, bilim va tajribasini oshirishi lozim. Shundagina xohish kuchga aylanishi va asta-sekin o‘zgarishlarga zamin yaratishi mumkin.

Xullas, birgina xohishning oʻzi bilan dunyoni oʻzgartirib boʻlmaydi

@Just_notes