Just notes

Istaklar, xohishlar juda muhim. Lekin reallikni hech qachon inkor etib bo'lmaydi. Ya'ni siz xohlaganingiz uchun aslida yo'q narsani bor deb ko'rsatib bo'lmaydi. Hammasi yaxshi, ideal bo'lishiga ishonchingiz taqsinga sazovor. Har qanday holatda optimistik fikrlash vaqtinchalik halovat bag'ishlashi mumkin, xolos.

Yaxshi narsaga ishonish istagi uni haqiqatga aylantirmaydi

@Just_notes

-«O‘rtacha statistika» nima degani?
-Qara, men go‘sht, sen non, anavi esa piyoz yeydi. Shuni jamlab, odamlar qiyma kabob yeyapti deyilishi o‘rtacha statistikadir.(#)

Ancha qo'pol, lekin juda zoʻr o'xshatish. 😐

@Just_notes

Allaev to'g'ri yozyapti. Pul baxtni kafolatlamasligi mumkin, lekin siz xohlaysizmi yoki yo'qmi unga asosiy instrument sifatida qarashga majbursiz. Kamida uni shunday qabul qilishga sizni moslashtiradi. (#)

Lekin Firuz akani postidagi "uzoq muddatli baxt" degan qismiga qo'shilmayman. Chunki, baxt birinchidan o'ta subyektiv, keyin esa oniy(temporary) tushuncha. Baxt fenomenini uzluksizlik bilan bog'lash nisbatan xato qarashdir.

@Just_notes

Toʻgʻri yoki notoʻgʻri yoʻl har doim mavjud. Lekin uni bilmaganiz tufayli, odatda, qaysi yoʻl toʻgʻri ekanini tekshirib koʻrish imkoni boʻlmaydi. Ya'ni siz tanlagan yo'l o'z-o'zidan toʻgʻri yoki notoʻgʻri boʻlib qolmaydi.

Hammasi juda sodda va tushunarli

@Just_notes

Tushunarsiz holat

Rikardu Kaka - braziliyalik sobiq futbol yulduzi. U futbol bo'yicha jahon chempioni, chempionlar ligasi g'olibi, oltin to'p sohibi.

Kakaning sobiq xotini(10 yildan ortiq turmush) u bilan ajrashishini juda qiziqarli izohlaydi:
"Kaka menga hech qachon xiyonat qilmagan, u menga doim yaxshi munosabatda bo'lgan, menga juda zo'r oila bergan. U hech qachon "chap ko'cha"ga yurmagan, doim oilasiga o'zini bag'ishlagan. Lekin men baribir xursand emasdim. Muammo shundaki, Kaka men uchun juda ideal juftlik edi"

Ha sal g'alati, lekin bu haqiqat, shunaqasi ham bo'lib turarkan 😁

@Just_notes

Qiziq jarayon

Kimdirga, shunchaki nimadir berish, hattoki u odam sizning tanishingiz boʻlsa ham bu juda qiyin. Rostan juda murakkab, oʻzimda boʻldi bunday holat. Eng qizigʻi bizda "xohish" argument emas. Ya'ni siz shunchaki sovgʻa berish uchun ham sabab kerak)))

Jamiyatda, kimdir, oʻz xohishi bilan, balki oʻzi uchun yetarlicha sababi ham bordir, boshqa bir kishiga nimadir berishi bu normal holat boʻlishi kerak. Bilmadim, balki bu jarayon ham vaqt oʻtishi bilan oʻzgarsa kerak, kamida shunga umid qilaman.

@Just_notes

Man shunaqaman, boshqacha bo'lolmayman

Odam har doim o'rganadi, har bir o'tayotgan kun, soat sari nimadirni bevosita yoki bilvosita informatsiya shaklida qabul qiladi. Qabul qilingan ma'lumotlar asosida o'zligini shakllantirib boradi. Bu jarayonda har kim o'zi uchun o'zi filtr vazifasini bajara olishi kerak, chunki bu tabiiy jarayon. Ya'ni oʻtmish vaziyatlaridan qilingan xulosalar, keyingi qadamlarning ishonchli va minimal risklardan iborat boʻlishini ta'minlashi kerak.

Xato qilish - inson tabiatining ajralmas qismi (#) va bu narsani o'zi anglab yetib shu joyni o'zida yoki keyingi safar to'g'irlashi alohida taqsinga sazovor, ammo bu nisbatan kamyob hodisa. Chunki psixologik jihatdan ham inson o'z xatosini qabul qilishga o'rganmagan. Bunga har kim o'zidan kelib chiqib subyektiv sabablar keltirishi mumkin.

Lekin man tushunmaydigan narsa. absolyut bir xil xatolikni davomiy takrorlanishi. Bu fenomen qandaydir jahon miqyosidagi yoki aynan kimdirning ta'siri ostida majburlikdan chiqariladigan xato qaror emas balki, shaxsning faqat o'ziga tegishli holatlarda qilanidigan noto'g'ri yurishlardir. Eng qizig'i esa "men shunaqaman, boshqacha bo'lolmayman'' ko'rinishidagi shablon fraza ishlatishadi. Bu bilan odam kamchilikni to'g'irlashni emas, balki uni qayta takrorlashi uchun o'zini sug'urtalashni maqsad qiladi. Agar shaxsda kichik bir o'sish uchun imkoniyat bo'lsa, odam o'zi uni rad etadi, bu juda qiziq va tushunarsiz paradoks.

To'g'ri mukammal inson bo'lmaydi, bu tortishadigan mavzu emas, lekin kamida shuning uchun harakat qilish kerak, menimcha. Inson o'z ta'sir doirasidagi muammolarni hal qila olishi zarur.

@Just_notes

Hayot zo'r, kun yaxshi kayfiyat bilan boshlangan, aktiv turmush tarzi, bir qarashda hammasi o'z joyida, hamma o'z sevimli ishi bilan shug'ullanyapti, lekin ...

Qaysidir "parallel olam"dan asabiylashish, ritmni buzishga sabab bo'ladigan energiya oqimi kelib qoladi, keyin maraz odamchaning Susambil haqidagi azaliy orzusi esiga tushib ketadi.

Mayli, hayot davom etadi, gazini bosilar

@Just_notes

Dunyoda, insonga har qanday holatda ham yordam berishi mumkin bo'lgan bitta odam bo'lsa, o'sha ham uning o'zidir

@Just_notes

Yolg‘izlik

Insoniyat tarixida muhim ahamiyatga ega bo‘lgan hissiyotlardan biri bu yolg'izlik. Bugungi kunda texnologiya va ijtimoiy tarmoqlar rivojlanishi bilan odamlar o‘rtasidagi aloqalar yuzaki bo‘lib qolmoqda, bu esa yolg‘izlik hissini kuchaytiradi.

Yolg‘izlikning salomatlikka salbiy ta’siri mavjud. U stress gormonlari darajasini oshiradi, uyqu sifatini yomonlashtiradi va immunitet tizimini zaiflashtiradi. Uzoq muddatli yolg‘izlik esa yurak-qon tomir kasalliklari va erta o‘lim xavfini oshiradi.(#)

Bu hissiyotni yengish uchun ijtimoiy aloqalarni chuqurlashtirish muhim. Do‘stlar va oila bilan sifatli vaqt o‘tkazish, yangi odamlar bilan tanishish yoki jamoat tadbirlarida qatnashish orqali bunga erishish mumkin. Yolg‘izlikni kamaytirish uchun ijtimoiy ko‘nikmalarni rivojlantirish va o‘z-o‘zini anglash ustida ishlash ham samarali usullardan.

Yolg‘izlikni yengish nafaqat ruhiy, balki jismoniy salomatlik uchun ham foydali. Ijtimoiy aloqalarni mustahkamlash orqali hayot sifatini yaxshilash mumkin.

@Just_notes

O'sha eski, lekin har doimgidek aktual gap. Ishonch ham hurmat ham juda muhim narsalar. Ularga erishish uchun juda katta mehnat, vaqt talab etiladi, ammo noto'g'ri qo'yilgan kichik qadam evaziga hammasi o'z ahamiyati va qiymatini yo'qotadi. Ba'zi paytlarda shu darajada yo'qotiladiki, qaytib tiklab bo'lmaydi.

To'g'ri hamma adashadi, xato qilish insoniyatga begona emas. Lekin qayta va qayta adashishlar, chuqur ishonchsizlik hissini uyg'otadi. Bu esa eng yomon ssenariy bo'lsa kerak.

@Just_notes

Bu hayotda hamma o'zicha haq. Asl haqiqat esa bir chekkada "chekib" o'tiribdi

@Just_notes

Yangi yil muborak bo'lsin!

@Just_notes

Bozorda sotuvchi bilan buyumning narxini savdolashayotgan paytda siz aytgan birinchi summaga u rozi boʻlgan bo'lsa, tabriklayman "yeb qo'ydiz"

Endi siz o'z-o'zingizni "azoblashga" majbursiz 😅😅😅