Qashqadaryoda "Farovonlik" inklyuziv professional kasb-ta’lim markazi faoliyati yo'lga qo'yildi

🧠 "Kambag‘allikdan farovonlik sari" viloyat shtabi, O‘zbekiston Respublikasi Prezidenti huzuridagi Ijtimoiy himoya milliy agentligining Qashqadaryo viloyati boshqarmasi hamda Qarshi shahri kasbiy ko‘nikmalar markazi hamkorligida, ushbu muassasada Qashqadaryo viloyati inklyuziv professional kasb-ta’lim markazi faoliyati yo‘lga qo‘yildi.

👩‍👩‍👧‍👦 "Farovonlik inklyuziv markazi"da kambag‘allik reyestrida turuvchi va nogironligi bo‘lgan shaxslar 42 ta kasb-hunar, xorijiy til va kompyuter texnologiyalari bo‘yicha kurslarga bepul o‘qitiladi. Kurslar yo‘nalishiga qarab 1 oydan 6 oygacha davom etadi.

💻 Ayni paytda markazda kambag‘allik reyestrida turuvchi va nogironligi bo‘lgan 51 nafar shaxslar kasb-hunar va kompyuter texnologiyalari kursida o‘qitilmoqda. Kelgusida markaz faoliyati Shahrisabz, Ko'kdala, Kasbi, Dehqonobod, Qamashi va Koson tumanlari hamda Shahrisabz shaharlarida ham tashkil etilishi rejalashtirilgan.

Maqsad: Nogironligi bo‘lgan shaxslar va kambag‘al oila a’zolarini kasb-hunar, xorijiy tillar va raqamli texnologiyalar kurslariga o‘qitish va raqobatbardosh kasb egalarini tayyorlashni tashkil etish orqali ularni kambag‘allikdan chiqarishdir.

🖋 O‘quv kursi bitiruvchilariga kasbiy ko‘nikmalar markazi tomonidan professional ta’limi diplomi darajasiga tenglashtirilgan va egallagan bilimlarni mehnat faoliyatida amalga oshirish huquqini beruvchi sertifikat beriladi.

🤝 Shuningdek, O'zbekiston Respublikasi Prezidenti huzuridagi Ijtimoiy himoya milliy agentligining Qashqadaryo viloyati boshqarmasi hamda Qarshi shahri kasbiy ko'nikmalar markazi o'rtasida o'zaro hamkorlik to'g'risida MEMORANDUM imzolandi.

✅ Markazda o‘qish istagi bor bo‘lgan fuqarolar mahalladagi hokim yordamchisi va ijtimoiy xodimga murojaat qilishlari mumkin.

📝 Telegram | 💻 Instagram
📝 Facebook | 🎞 Youtube