IHMA Qashqadaryo

Oʻzbekistonda ilk bor nogironligi mavjud boʻlgan yoshlar oʻrtasida
“Imkoniyatlar olimpiadasi” kasblar bellashuvi boʻlib oʻtadi

"Imkoniyatlar olimpiadasi"ni tashkil etishdan maqsad — nogironligi boʻlgan shaxslarni oʻz salohiyatini roʻyobga chiqarishini qoʻllab-quvvatlash, kasbiy koʻnikmalarini rivojlantirish, ijtimoiylashtirish, oʻziga boʻlgan ishonchini oshirish va mehnat bozorida ularning oʻrnini mustahkamlashdan iborat.

Joriy yilda “Imkoniyatlar olimpiadasi” ishtirokchilari 10 ta kasblar boʻyicha oʻzaro bellashadilar, bular:
• fotografiya;
• AKT (axborot kommunikatsiya texnologiyalari);
• mobilografiya;
• rassomchilik;
• kashtachilik;
• kulolchilik;
• qandolatchilik;
• tornachilik;
• duradgorlik;
• quruq qurilish ishlari.

Tanlovda 389 nafar nogironligi boʻlgan shaxs ishtirok etish istagida maxsus platformada roʻyxatdan oʻtgan.

“Imkoniyatlar olimpiadasi” 2025-yil 21-apreldan 1-mayga qadar Toshkent shahrida oʻtkaziladi. Yakuniy bosqichi va taqdirlash marosimi 1-2-may kunlari “OʻZEKSPOMARKAZ”da oʻtkaziladigan “Inson uchun” respublika yarmarkasi doirasida boʻlib oʻtadi.

↗️ Batafsil ma'lumot veb-saytda.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Kichik qadam bilan katta maqsadlar sari

🖋 "Mahalla" gazetasining 2025-yil 19-apreldagi 32-soni mutolaa uchun havola qilindi.

📝 Telegram | 💻 Instagram
📝 Facebook | 🎞 Youtube

#adaptiv_sport
#natija

📅 Joriy yilning 12-21-aprel kunlari Toshkent shahrida Sambo va parasambo bo‘yicha Osiyo okeaniya chempionati  bo‘lib o‘tmoqda.

🥇 Ushbu musobaqada Qarshi shahridagi 18-sonli Nurli maskan ko‘zi ojiz bolalar uchun ixtisoslashtirilgan maktab-internati o‘quvchisi O‘ljayev Xolbek SV 1 toifasi bo‘yicha 98 kg vaznda faxrli 1-o‘rinni egallab, oltin medalni qo‘lga kiritdi.

🟢 O'zbekiston Respublikasi Prezidenti huzuridagi Ijtimoiy himoya milliy agentligi Qashqadaryo viloyati boshqarmasi nomidan sportchi va ta‘lim muassasasi jamoasini tabriklaymiz!

📝 Telegram | 💻 Instagram
📝 Facebook | 🎞 Youtube

🟦🟦

🖋 «Mahalla» gazetasining navbatdagi sonida Kitob tumanining "Beshterak" mahallasidagi ijtimoiy xodim Sarvinoz Umarova faoliyati bilan tanishishingiz mumkin.

📝 Telegram | 💻 Instagram
📝 Facebook | 🎞 Youtube

Gaz va elektr uchun yil o‘n ikki oy kompensatsiya beriladi

❗️ Muhim!!! Yoqilg‘i-energetika sohasida ehtiyojmand aholiga davlat yordam beradi. Prezident bu bo‘yicha muhim qarorni imzoladi.

💵 Ehtiyojmand, kambag‘al oilalarga gaz va elektr to‘lovi uchun kompensatsiya to‘lanadi.

📅 Kompensatsiya 2025-yil 1-maydan 2027-yil 1-aprelgacha quyidagi oilalarga beriladi:

1️⃣ Ijtimoiy himoya yagona reyestriga kiritilgan oilalarga. Ushbu tizimga oilada necha kishi bo‘lsa, ularning birgalikdagi oylik daromadi teng taqsimlanganda 669 ming so‘mdan kam chiqqan oilalar kiritiladi.
2️⃣ Kambag‘al oilalar reyestriga kiritilgan oilalarga. Bunda tizimga oilaning bir oylik daromadi har bir a’zoga taqsimlanganida 1 mln 155 ming so‘mdan kam chiqqan oilalar kiritiladi.
3️⃣Shuningdek, ikkala reyestrga ham kirmagan, ammo mol-mulki kam va oylik daromadi har bir oila a’zosiga 1 mln so‘mdan kam bo‘lgan oilalarga gaz va elektr to‘lovi uchun kompensatsiya to‘lanadi.

🖋 Ma’lumot uchun: 2025-yil mart oyi holatiga ko‘ra O‘zbekistondagi kam ta’minlangan oilalar 746 149 tani tashkil etmoqda.

✅ Qancha kompensatsiya beriladi?
💡elektr uchun – oyiga bazaviy me’yordan (ya’ni, 200kVt soatdan) ortiq foydalanilgan 150 kVt soatgacha;

🔥 gaz uchun – noyabr-fevral oylarida bazaviy me’yordan (ya’ni, 500 kub metrdan) ko‘p foydalanilgan 250 kub metrgacha, boshqa davrlarda esa 150 kub metrgacha ortiq foydalanilgan qismi uchun.

↗️ Bunda bazaviy me’yordan oshgan narxlar o‘rtasidagi farq kompensatsiya qilib beriladi. Masalan, bir oila 1 oyda 350 kVt elektr ishlatsa, uning 200 kVti uchun 600 so‘mdan to‘laydi, 201 kVtdan – 350 kVtgacha bo‘lgan 150 kVt uchun esa davlat kompensatsiya beradi.

Ilgari kompensatsiya faqat qish mavsumida, ya’ni noyabr-fevral oylarida berilgan bo‘sa, endilikda yil bo‘yi har oyda beriladi.

✅ Ushbu yangilik aholining kam ta’minlangan qismini ijtimoiy himoya qilish yo‘lidagi olqishlarga loyiq katta qadamdir.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Davra suhbatida Ijtimoiy himoya milliy agentligi direktorining birinchi o‘rinbosari Shahnoza Mirziyoyeva o‘z nutqida quyidagilarni ta’kidladi:

Bugungi kunda O‘zbekistonda 13 million bola yashaydi, bu esa mamlakatimiz aholisi sonining 35 foizini tashkil etadi. Har bir oilada o‘rtacha 3–4 nafar bola voyaga yetmoqda. Afsuski, ko‘plab oilalarda tarbiyada zo‘ravonlik elementlari mavjud. Bolalarga nisbatan zo‘ravonlik muammosi hanuzgacha jamiyatdagi eng dolzarb ijtimoiy muammolardan biri bo‘lib qolmoqda.

Bugungi kunda O‘zbekistonda bolalarga nisbatan zo‘ravonlikka qarshi kurash davlat siyosati darajasiga ko‘tarilgan. Biz bolaning huquqlarini himoya qilishni mamlakatimizning barqaror rivojlanishidagi asosiy omillardan biri deb hisoblaymiz.

Joriy yil may oyida «Bolalarni barcha zo‘ravonlik shakllaridan himoya qilish to‘g‘risida»gi Qonun kuchga kiradi. Biroq Qonun — bu faqat zo‘ravonlikdan holi jamiyat sari yo‘lning boshlanishidir.

Ko‘plab fojialar jamiyat e’tiboridan chetda qolmoqda. Ammo men ovozi eshitilmay qolgan har bir bolaning taqdiriga befarq emasman. Har bir bola xavfsizlik, himoya va qo‘llab-quvvatlash huquqiga ega.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Ayni paytda Toshkentda bolalarni zo‘ravonlikdan himoya qilish bo‘yicha muhim xalqaro muloqot bo‘lib o‘tmoqda

Bugun «Bolalarga nisbatan zo‘ravonlikni to‘xtatish: global tashabbuslar va O‘zbekiston istiqbollari» mavzusida davra suhbati tashkil etilgan.

Tadbir O‘zbekiston Respublikasi Prezidenti huzuridagi Ijtimoiy himoya milliy agentligi tomonidan YUNISEF hamkorligida tashkil etilgan bo‘lib, u BMT Bosh kotibining bolalarga nisbatan zo‘ravonlik masalalari bo‘yicha maxsus vakili — xonim Najat Maalaning rasmiy tashrifi doirasida o‘tkazilmoqda.

Muhokamalar markazida quyidagi masalalar turibdi:

• «Bolalarni zo‘ravonlikning barcha shakllaridan himoya qilish to‘g‘risida»gi yangi Qonunni amalga oshirish
• O‘zbekistonning Bogota Harakatlar Chaqiruviga qo‘shilishi
• Bolalarni himoya qilish sohasida xalqaro hamkorlik
• Erta harakat, raqamli xavfsizlik va huquqiy ko‘mak

Davra suhbatida parlament, vazirlik va idoralar, xalqaro tashkilotlar, mutaxassislar, fuqarolik jamiyati va yoshlar vakillari ishtirok etmoqda. Ular o‘z tajribalari bilan o‘rtoqlashmoqda, qo‘shma yechimlar izlamoqda va hamkorlikni mustahkamlamoqda.

Bu shunchaki uchrashuv emas — bu har bir bola himoyalangan kelajak sari qadamdir.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#adaptiv_sport

Qarshi shahrida para yengil atletika bo‘yicha viloyat chempionati bo‘lib o‘tdi

👥 Mazkur musobaqada jami 80 nafarga yaqin parasportchilar para yengil atletikaning uzunlikka sakrash, yadro itqitish, nayza uloqtirish hamda 100 va 400 metr masofaga yugurish bahslarida o‘zaro bellashdilar.

📅 Musobaqada g‘olib bo‘lgan parasportchilar joriy yilning 14-17-aprel kunlari Toshkent viloyati Angren shahrida yoshlar o‘rtasida o‘tkaziladigan O‘zbekiston chempionatiga yo‘llanmani qo‘lga kiritdilar.

📝 Telegram | 💻 Instagram
📝 Facebook | 🎞 Youtube

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarga qanday qo'shimcha to‘lovlar mavjud?

O‘zbekiston Respublikasi Prezidentining 2023-yil 27-dekabrdagi PQ-410-son qarorga muvofiq "Inson" markazi tomonidan "Yagona milliy ijtimoiy himoya" axborot tizimida o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestri yuritilishi yo‘lga qo‘yildi.

Shuningdek, mazkur qarorga asosan 2024-yil yil 1-maydan boshlab reyestrga kiritilgan ushbu toifadagi shaxslarga har oyda minimal iste’mol xarajatlari miqdorida (648 ming so‘m) moddiy yordam joriy etish vazifasi yuklatilgan.

Ushbu moddiy yordam har oylik uy-joy kommunal xizmatlar haqini to‘lash bo‘yicha kompensatsiya hamda oziq-ovqat mahsulotlari va shaxsiy gigiyena tovarlari uchun beriladigan qo‘shimcha pul to‘lovlari o‘rniga berilishini nazarda tutadi.

Bunda, moddiy yordamlar reyestrga kiritilgan ma’lumotlarga asosan avtomatik ravishda tayinlanadi yoki to‘xtatiladi hamda har oyning 3-sanasiga qadar to‘lash uchun to‘lov qaydnomalarini shakllantiriladi.

Shunga asosan, joriy yilning yanvar oyida 7322 nafar, Fevral oyida 7386 nafar, Mart oyida 7549 nafar o‘zgalar parvarishiga muhtoj yolg‘iz keksalar va nogironligi bo‘lgan shaxslarga moddiy yordam to‘lanib berildi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz