SUD AMALIYOTI || HUQUQIY BLOG

⁉️ Xodim 2 yoki 3 stavka ishlashiga ruxsat bormi?

Assalomu aleykum savolim kuydagicha: xodim 2 yeki 3 stavkada ishlashi mumkinmi yeki 1.5 stavkadan ortik ishlashi mumkin emasmi va konuniy  asos bormi shu haqida edi.

❗️Umumiy qoida bo‘yicha xodim haftasiga 40 soat ishlashi mumkin. Bu Mehnat kodeksining 182-moddasida belgilangan.

💁‍♂ Ta’kidlash lozimki, mazkur meyor qonun chiqaruvchi tomonidan to‘liq ya’ni 1 stavkada ishlaydigan xodimlar uchun belgilangan meyor sanaladi. Shunga ko‘ra 1 stavkada ishlaydigan laborat haftasiga 40 soat ishlashi mumkin.

Bunda MK 185-moddasiga muvofiq har kungi ishning (smenaning) davomiyligi o‘ziga nisbatan ish vaqtining normal davomiyligi belgilangan xodimlar uchun:
👉 olti kunlik ish haftasida — 7 soatdan;
👉 besh kunlik ish haftasida — 8 soatdan oshmaydigan tarzda belgilanadi.

Bu meyor to‘liq stavkada ishlaydigan xodimlar uchun o‘rnatilgan.

Shunday ekan haftasiga 6 kunlik ish rejimi o‘rnatilgan korxonada to‘liq stavkda ishlaydigan xodim kuniga 7 soat ishlashi talab etiladi.

Shuningdek, Mehnat kodeksining 206-moddasiga asosan ishning tugashi va uning keyingi kuni (smenada) boshlanishi o‘rtasidagi har kungi (smenalar oralig‘idagi) dam olish davomiyligi, shu jumladan dam olish va ovqatlanish uchun tanaffus o‘n ikki soatdan kam bo‘lishi mumkin emas.

‼️Aynan shu qoidaga ko‘ra xodim 1.5 stavkadan ortiq ishlashi mumkin emas.


Kanalga ulanish 👇
https://t.me/Fuqarolik_sud

❗️YANGI OILA QURGAN YOSHLARGA XONADONIDA QO‘SHIMCHA UY-JOY QURISH UCHUN 33 000 000 SO‘MGACHA GAROVSIZ KRЕDIT BЕRILADI

📃 Hukumatning 637-son qarori bilan tasdiqlangan nizomda, “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadonida qo‘shimcha uy-joy qurish uchun 33 million so‘mgacha garovsiz kredit ajratish tartibi va shartlar belgilangan.

➖ Unga ko‘ra mazkur kreditlar:

✅ bozor stavkasida mijoz xohishiga ko‘ra 6 oy imtiyozli davr bilan;

✅ 20 yildan ko‘p bo‘lmagan muddatga;

✅ boshlang‘ich badali yakka tartibdagi xonadonda qo‘shimcha qurilayotgan uy-joy qiymatining 15 foizidan kam bo‘lmagan qiymatda;

✅ bir qarz oluvchiga beriladigan kreditlar 33 million so‘mdan oshmaydigan miqdorda beriladi.

❗️Ushbu kreditni olish uchun talabgor:

✅ kredit olish uchun murojaat qilgan kunida 18 yoshga to‘lgan va 30 yoshdan oshmagan bo‘lishi;

✅ “Temir daftar” va “Ayollar daftari”ga kiritilgan oilalarning farzandlari yoki “Yoshlar daftari”ga kiritilgan va qonuniy nikohdan o‘tganiga 3 yildan oshmagan bo‘lishi va yuqoridagi nizomning boshqa mezonlariga to‘g‘ri kelishi lozim.


Kanalga ulanish 👇
https://t.me/Fuqarolik_sud

❗️NOGIRONLIGI BO‘LGAN SHAXSLARGA DAROMAD SOLIG‘I BO‘YICHA IMTIYOZ BЕRILGAN.

📃 Soliq kodeksining 380-moddasiga ko‘ra.

➖ Bolalikdan nogiron bo‘lganlar, shuningdek I va II guruh nogironlarining MHTEKM (Hozirgi kunda 1 155 000 so‘m)ning 3 baravari (3 mln 465 ming so‘m) miqdoridagi mablag‘lari daromad solig‘iga tortilmaydi

✏️ Bu degani I va II guruh nogironligi bo‘lgan shaxslar, shuningdek, bolalikdan nogironligi bo‘lganlar 3 465 000 so‘mgacha bo‘lgan daromadlaridan daromad solig‘i to‘lashlari shart emas. Ular daromad solig‘ini manashu summadan oshgan daromadlariga nisbatan to‘laydi bo‘ldi.

❗️Mazkur toifadagi shaxslar uchun bu imtiyoz pensiya guvohnomasi yoki tibbiy-ijtimoiy ekspert komissiyasining ma’lumotnomasi asosida beriladi.


Kanalga ulanish 👇
https://t.me/Fuqarolik_sud

❗️MA’MURIY JARIMA QO‘LLANGAN HAYDOVCHI QANDAY HOLLARDA JARIMANI ChЕGIRMA BILAN TO‘LAY OLMAYDI ?

📃 MJtKning 332-prim 1-moddasiga asosan,

❗️Jarima solish to‘g‘risidagi qarorni ijro etishning soddalashtirilgan (Ya’ni, jarimani 15 kunda to‘lasa 50, o‘ttiz kunda to‘lansa 30 foizlik chegirma bilan to‘lash)tartibi quyidagi hollarda qo‘llanilmaydi:

➖ 1) transport vositasini alkogolli ichimlik, giyovand modda yoki o‘zgacha tarzda mast holda boshqarganda;

➖ 2) Kema haydovchilari kichik hajmdagi kemalarni alkogolli ichimlik yoki giyovand modda ta’siridan mast holdagi shaxslarga topshirganda yoki uning o‘zi shunday holatda boshqarganda;

➖ 3) Transport vositalari haydovchilari alkogolli ichimlik yoki giyovand modda ta’siridan mast yoki mast emasligini belgilangan tartibda aniqlash uchun tekshiruvdan o‘tishdan bo‘yin tovlaganda;

➖ 4) Alkogolli ichimlik yoki giyovand modda ta’siridan mast bo‘lgan haydovchilarning yoki transport vositalarini boshqarish huquqi bo‘lmagan shaxslarning transport vositalarini boshqarishiga yo‘l qo‘yilganda;

➖ 5) jarima solish to‘g‘risidagi qaror ustidan shikoyat qilinganda yoki protest bildirilganda;

➖ 6) xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilganda.


Kanalga ulanish 👇
https://t.me/Fuqarolik_sud

❗️SUDLARDA BOLALARNING TARBIYASI BILAN BOG‘LIQ ISHLAR KO‘RILAYOTGANIDA VASIYLIK VA HOMIYLIK ORGANLARI QATNASHISHI SHART ETIB BЕLGILANGAN!

📄 Oila kodeksining 88-moddasiga asosan,

➖ Sud tomonidan bolalar tarbiyasi bilan bog‘liq nizolar ko‘rilayotganda, bolaning himoyasi uchun kim da’vo taqdim qilganligidan qat’i nazar, ishda ishtirok etish uchun vasiylik va homiylik organi jalb qilinishi kerak.

➖ Vasiylik va homiylik organi bolaning hamda uni o‘z tarbiyasiga berishni talab qilayotgan shaxslarning turmush sharoitlarini tekshirishi va tekshirish natijalarini hamda unga asoslangan nizo mohiyatiga oid xulosasini sudga taqdim qilishi shart.


Kanalga ulanish 👇
https://t.me/Fuqarolik_sud

❗️I va II guruh nogironlik pensiyasi tayinlanganidan keyingi ishlangan vaqt ish stajiga qo‘shiladi

Pensiya tayinlash tartibini takomillashtirishga qaratilgan Qonun (O‘RQ–795-son, 26.10.2022 й.) Prezident tomonidan imzolandi

Unga ko‘ra, ixtisoslashgan tibbiy muassasalarning shifokorlari va o‘rta tibbiy xodimlari – maxsus ish staji shaharchalar, qishloqlar hamda ovullarda kamida 25 yil bo‘lgan taqdirda oxirgi ish joyidan qat’i nazar, belgilangan yoshni 5 yilga qisqartirilgan holda pensiya olish huquqiga ega bo‘ladi.

Qonunga muvofiq, o‘gay ota va o‘gay onaning vafot etgan o‘gay o‘g‘ilni (qizni) tarbiyalaganligi yoki boqqanligini aniqlash tartibi Vazirlar Mahkamasi tomonidan belgilanadi.

Hisoblab chiqarilgan pensiyalarga ustama haqlar O‘zbekiston Respublikasi oldida alohida xizmatlari bo‘lgan shaxslarga – pensiyani hisoblash bazaviy miqdorining 100 foizidan 150 foizigacha belgilanadi. Bunda ularning pensiyasiga ustama to‘lash tartibi Vazirlar Mahkamasi tomonidan belgilanadi.

I va II guruh nogironlik pensiyasi tayinlanganidan keyingi ishlangan vaqt ish stajiga qo‘shib hisoblanadi.

⚠️ I va II guruh nogironlik pensiyasi tayinlanganidan keyin kamida 1 yil ish stajiga ega bo‘lsa, fuqaroning arizasi asosida ish staji va ish haqi inobatga olingan holda pensiya har ikki yilda bir marotaba qayta hisoblab chiqiladi. Bunda pensiyani qayta hisoblash fuqaro pensiya miqdorini qayta hisoblash uchun murojaat qilgan sanadagi yoshga nisbatan talab qilingan ish stajidan kelib chiqqan holda amalga oshiriladi.


Kanalga ulanish 👇
https://t.me/Fuqarolik_sud

Farzand tug‘ilganda beriladigan bir martalik nafaqa (“Suyunchi puli”)

2024 yil 1 apreldan boshlab farzand tug‘ilganda beriladigan bir martalik nafaqa puli birinchi farzandi uchun barcha ayollarga to‘lanadi.

Ikkinchi farzandi uchun esa farzand tug‘ilgan paytda “Ijtimoiy himoya yagona reyestri” axborot tizimiga kiritilgan oilaning a’zosi bo‘lgan ayollarga rasmiylashtiriladi. Qolgan barcha holatlarda farzand tug‘ilganda beriladigan bir martalik nafaqa pulini rasmiylashtirish rad etiladi.

Yangi tartibga ko‘ra, “suyunchi puli” olish uchun fuqaro Davlat xizmatlari markaziga (DXM) borib, ariza yozadi. Yagona interaktiv davlat xizmatlari portalida (YAIDXP) ro‘yxatdan o‘tib, so‘rovnomani to‘ldiradi va uni elektron shaklda Ijtimoiy himoya milliy agentligiga yuboradi. Keyin agentlik nafaqani tayinlash yoki tayinlashni rad etish bo‘yicha qaror qabul қилади. 

Hozirda bola tug‘ilganda beriladigan bir martalik nafaqa miqdori – 738 150 so‘m.


Kanalga ulanish 👇
https://t.me/Fuqarolik_sud

#bilasizmi

O‘zbekistonda fuqarolarga 10 dan ortiq nafaqa va moddiy yordam turlari beriladi

O‘zbekistonda fuqarolarni ijtimoiy himoya qilish maqsadida davlat budjetidan o‘ndan ortiq turdagi nafaqa va moddiy yordam pullari to‘lab kelinadi.

🔘 Homiladorlik va tug‘ish nafaqasi;
🔘 Dafn etish uchun nafaqa
🔘 Farzand tug‘ilganda beriladigan bir martalik nafaqa (“Suyunchi puli”)
🔘 O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band qonuniy vakilga nafaqa
🔘 Nogironligi bo‘lgan 18 yoshgacha bolalarga nogironlik nafaqasi
🔘 Bolalikdan nogironligi bo‘lgan shaxslarga nafaqa 
🔘 Nogironlik nafaqasi (I yoki II guruh)
🔘 Yetarli ish staji bo‘lmagan keksalarga yoshga doir nafaqa
🔘 Boquvchisini yo‘qotganlik nafaqasi
🔘 Kam ta’minlangan oilalarga bolalar nafaqasi va moddiy yordam.


Kanalga ulanish 👇
https://t.me/Fuqarolik_sud

❗️FUQARO O‘Z FUQAROLIK HUQUQLARINI O‘ZI HIMOYA QILISHI MUMKINMI ?

📄 Fuqarolik kodeksining 13-moddasiga ko‘ra,

➖ fuqarolik huquqlarini shaxsning o‘zi himoya qilishiga yo‘l qo‘yiladi.

✅ Fuqarolik huquqlarini shaxsning o‘zi himoya qilish usullari huquqni buzishga mutanosib bo‘lishi hamda huquq buzilishining oldini olish uchun zarur harakatlar doirasidan chiqib ketmasligi kerak.

✏️ Ya’ni, o‘zining huquqi boshqa bir shaxs tomonidan buzilayotgan fuqaro qonunchilik doirasidan chetga chiqmagan holda o‘z huquqini himoya qilishga haqli xisoblanadi.


Kanalga ulanish 👇
https://t.me/Fuqarolik_sud

Avtomobilni jarima maydonchasidan olib chiqish tartibi

Vazirlar Mahkamasining 2011 yil 25 maydagi 149-son qaroriga 1-ILOVA bilan tasdiqlangan "Qonun hujjatlari buzilganligi uchun ushlangan transport vositalarini to‘xtash joylariga olib kelish, joylashtirish va saqlash tartibi to‘g‘risida" NIZOMning 10- va 11-bandlariga ko‘ra, Transport vositasini ushlab turish sabablari bartaraf etilgandan keyin transport vositasini to‘xtash joyidan olib chiqishga “Jarima maydonchasi” axborot tizimi orqali ruxsat beriladi.

Transport vositasini to‘xtash joyidan olib chiqishga ruxsat berish to‘g‘risidagi xabar tegishli vakolatli davlat organining mansabdor shaxsi tomonidan transport vositasi haydovchisiga axborot tizimlari orqali elektron yoki mobil telefonga qisqa xabar (SMS) tarzida, shuningdek, transport vositalarini olib kelish va saqlash xizmatlarini ko‘rsatuvchi yuridik shaxsga “Jarima maydonchasi” axborot tizimi orqali yuboriladi.

- Transport vositasi haydovchiga (egasiga, egasining vakiliga) transport vositalarini olib kelish va saqlash xizmatlarini ko‘rsatuvchi yuridik shaxsga ko‘rsatilgan xizmatlar uchun haq to‘langandan keyin tegishli vakolatli davlat organining mansabdor shaxsi tomonidan “Jarima maydonchasi” axborot tizimi orqali berilgan ruxsatnoma asosida beriladi.
Transport vositalarini to‘xtash joylaridan berish kunu-tun amalga oshiriladi.

Ya’ni ushbu qoidalarga ko‘ra, mashinani olib chiqish uchun ruxsatnoma mansabdor shaxs tomonidan huquqbuzarlik oqibatlari bartaraf etilga so‘ng berilishi belgilangan. Va bu ruxsatnoma bilan mashina jarima maydonchasidan olib chiqilishi mumkin.


Kanalga ulanish 👇
https://t.me/Fuqarolik_sud

❗️Endilikda kambag‘al oilalar farzandlari davlat bog‘chalariga imtiyozli asosda qabul qilinadi

📄 Prezidentning 23.09.2024 yil kungi PQ-330-son Qaroriga asosan,

▪️ 2025 yil 1 yanvardan:

➖ kambag‘al oilalar farzandlari davlat maktabgacha ta’lim tashkilotlariga imtiyozli asosda qabul qilinadi;

✔️ 2025/2026 o‘quv yilidan, kambag‘al oilalar farzandlarining davlat OTM talabalar turar joylaridagi yashash xarajatlari Davlat budjeti hisobidan qoplab beriladi;

✔️ 2025 yildan “El-yurt umidi” jamg‘armasi tomonidan kambag‘al oilalarning farzandlari uchun alohida kvotalar ajratiladi.


Kanalga ulanish 👇
https://t.me/Fuqarolik_sud

❗️2024 yil 1 maydan boshlab, yolg‘iz keksalar va nogironligi bo‘lgan shaxslar uchun har oyda moddiy yordam to‘lovi joriy etilgan

📄 Prezidentning 27.12.2023 yil kungi PQ-410-son qaroriga asosan,

➖ “Inson” ijtimoiy xizmatlar markazi tomonidan o‘zgalar parvarishiga muhtoj yolg‘iz yashovchi hamda yolg‘iz keksalar va nogironligi bo‘lgan shaxslarning reyestri yuritiladi.

➖ 2024 yil 1 maydan boshlab mazkur reyestrga kiritilgan yolg‘iz keksalar va nogironligi bo‘lgan shaxslarga har oylik uy-joy kommunal xizmatlar haqini to‘lash bo‘yicha kompensatsiya hamda oziq-ovqat mahsulotlari va shaxsiy gigiyena tovarlari uchun har oyda qo‘shimcha pul to‘lovlari o‘rniga yolg‘iz keksalar va nogironligi bo‘lgan shaxslar uchun har oyda minimal iste’mol xarajatlari miqdorida (Hozirgi kunda 648 000 so‘m) moddiy yordam to‘lash amaliyoti joriy qilingan.

✏️ Bizdagi ma’lumotlarga qaraganda, ayrim hududlarda bu imtiyoz bo‘yicha bizda bunday qaror yo‘q, bizga yetib kelmagan, hali amalga kiritilmagan degan vajlar bildirilayotgan ekan. Ammo bu Prezident qarori bilan belgilangan norma va bu norma butun O‘zbekiston hududida bajarilishi majburiy bo‘lgan xujjat hisoblanadi. Shuning uchun kim nima desa eshitib-eshitib qaytib kelavermasdan xujjat bilan gaplashishni o‘rganishimiz kerak.


Kanalga ulanish 👇
https://t.me/Fuqarolik_sud

❗️AYRIM FUQAROLARGA SHU OYDA GAZ VA ELЕKTR IST’ЕMOLI UCHUN KOMPЕNSATSIYA TO‘LAB BЕRILADI

📄 Vazirlar Mahkamasining 16.04.2024 yil kungi 204-son qarori qabul qilingan.

▪️Qarorga ko‘ra:

➖ “Ijtimoiy himoya yagona reyestri” axborot tizimi orqali kam ta’minlangan oilalar, bolalar nafaqasi va moddiy yordam oluvchi xamda yagona reyestrga kiritilmagan, “mahalla yettiligi” xulosasi asosida aniqlanadigan qo‘shimcha ehtiyojmand oilalar toifasidagi iste’molchilar uchun yuzaga kelishi mumkin bo‘lgan qo‘shimcha xarajatlarni qoplash bo‘yicha vaqtincha kompensatsiya joriy etiladi va mazkur ehtiyojmand oilalar uchun isitish mavsumida (noyabr – fevral oylarida) quyidagi kompensatsiya turlari taqdim etiladi:

✅ Noyabr oyida 270 ming so‘m miqdorida bir martalik moddiy yordam o‘tkazib beriladi.

❗️Shuningdek, elektr energiyasi va tabiiy gaz bo‘yicha quyidagi miqdorlardagi iste’mol uchun bazaviy me’yor doirasidagi hamda bazaviy me’yordan oshgan narxlar o‘rtasidagi farq kompensatsiya qilib beriladi:

✅ tabiiy gaz uchun – oyiga bazaviy me’yordan ortiq foydalanilgan 250 kub metrgacha;

✅ elektr energiyasi uchun – oyiga bazaviy me’yordan ortiq foydalanilgan 150 kVt soatgacha.


Kanalga ulanish 👇
https://t.me/Fuqarolik_sud

❗️KIMNIDIR HAQORAT QILGAN ODAM 75 000 000 SO‘MGACHA JARIMAGA TORTILISHI MUMKIN !

📄 Jinoyat kodeksining 140-moddasiga asosan,

➖ Haqorat qilish, ya’ni shaxsning sha’ni va qadr-qimmatini beodoblik bilan qasddan tahqirlash, basharti, shunday harakatlar uchun ma’muriy jazo qo‘llanilgandan keyin sodir etilgan bo‘lsa, — bazaviy hisoblash miqdorining ikki yuz baravari (75 000 000 so‘m)gacha miqdorda jarima yoki ikki yuz qirq soatgacha majburiy jamoat ishlari yoxud bir yilgacha axloq tuzatish ishlari bilan jazolanadi.

✏️ Agar haqorat qilish quyidagi shaklda sodir etilsa jarima miqdori 150 000 000 so‘mgacha bo‘lishi xam mumkin:

➖ Nashr qilish yoki boshqacha usulda ko‘paytirilgan tarzda, shu jumladan ommaviy axborot vositalarida, telekommunikatsiya tarmoqlarida yoki Internet jahon axborot tarmog‘ida joylashtirish orqali haqorat qilish — bazaviy hisoblash miqdorining ikki yuz baravaridan to‘rt yuz baravari (150 000 000 so‘m)gacha miqdorda jarima yoki ikki yuz qirq soatdan uch yuz soatgacha majburiy jamoat ishlari yoxud bir yildan ikki yilgacha axloq tuzatish ishlari bilan jazolanishi mumkin.


Kanalga ulanish 👇
https://t.me/Fuqarolik_sud

❗️O‘zboshimchalik bilan egallab olingan yer va undagi ko‘chmas mulkka mulk huquqini e’tirof etishga oid Qonun 8 noyabrdan kuchga kiradi

🔰Unga ko‘ra, fuqarolar quyidagi ko‘chmas mulklarni o‘z nomiga (ijara va mulk huquqi asosida) qonuniy o‘tkazib olishi mumkin:

➖2018 yil 1 may kunigacha yakka tartibdagi uy-joy qurib o‘zboshimchalik bilan egallagan yer hamda undagi bino va inshootlar;

➖2018 yil 1 may kunigacha fuqarolar va tashkilotlar tomonidan hujjatda ko‘rsatilgan maydondan ortiqcha egallangan yer hamda undagi bino va inshootlar;

➖“bir martalik aksiya” doirasida huquqlarni e’tirof etish oxiriga yetmagan yer hamda undagi bino va inshootlar;

➖2021 yil 8 iyunga (hokimlarning vakolati bekor qilinguniga) qadar tuman (shahar) hokimlari qarori bilan ajratilgan, lekin viloyat hokimi yoki xalq deputatlari Kengashi tomonidan tasdiqlanmagan yer;

➖bog‘dorchilik va uzumchilik shirkatlari hududidagi turar joylar hamda ular egallagan yer;

➖kichik sanoat zonalari hududiga 2020 yil 9 martgacha joylashtirilgan tadbirkorlarning yeri;

➖davlat orderi bilan xususiylashtirilgan binolar va uylar egallagan yer;

➖hokim qarori bilan mulk huquqi e’tirof etilgan binolar va uylar egallagan yer uchastkasi.


Kanalga ulanish 👇
https://t.me/Fuqarolik_sud

❗️BUGUNGI KUN HOLATIGA BOLALAR NAFAQASI VA MODDIY YORDAMNING ANIQ MIQDORLARI

📃 Prezidentning  11.08.2021 yil kungi PF–6277-son farmoniga ko‘ra,

❗️ Bolalar nafaqasi va moddiy yordamning har oylik miqdori:

🟢 250 000 so‘m – 3 yoshdan 18 yoshgacha bo‘lgan bitta farzand uchun,

🟢 325 000 so‘m – yoshi 3 yoshgacha bo‘lgan bitta kichik farzand uchun;

🟢 150 000 so‘m – oilaning ikkinchi farzandi uchun qo‘shimcha;

🟢 100 000 so‘mdan – oilaning uchinchi va undan keyingi har bir farzandi uchun;

❗️ Kam ta’minlangan oilalar uchun moddiy yordamning oylik miqdori – 380 000 so‘m.


Kanalga ulanish 👇
https://t.me/Fuqarolik_sud

❗️ODDIY FUQAROLAR XAM DAVLAT ISHLARINI BOSHQARISHDA ISHTIROK ETISHLARI MUMKIN

📄 O‘zbekiston Respublikasi Konstitutsiyasining 36-moddasiga asosan,

➖ O‘zbekiston Respublikasining fuqarolari jamiyat va davlat ishlarini boshqarishda bevosita hamda o‘z vakillari orqali ishtirok etish huquqiga ega.

✅ Bunday ishtirok etish o‘zini o‘zi boshqarish, referendumlar o‘tkazish va davlat organlarini demokratik tarzda shakllantirish, shuningdek davlat organlarining faoliyati ustidan qonunda belgilangan tartibda jamoatchilik nazorati vositasida amalga oshiriladi.


Kanalga ulanish 👇
https://t.me/Fuqarolik_sud

#Qonunchilikdagi_yangiliklar

❗️Xorijga chiqish biometrik pasportini pochta xizmati orqali yetkazib berish xizmati yo'lga qo'yiladi

Qaror (PQ-380-son, 04.11.2024 y.) bilan Prezidentning ayrim hujjatlariga o'zgartirish va qo'shimchalar kiritildi

📝 Unga ko'ra, quyidagilarni nazarda tutuvchi o'zgartirish va qo'shimchalar kiritildi:

🔸xorijga chiqish biometrik pasportini berganlik uchun undiriladigan davlat boji summasini qayta taqsimlash;

🔸xorijga chiqish biometrik pasportini pochta xizmati orqali yetkazib berish;

🔸voyaga yetmagan shaxslarga xorijga chiqish biometrik pasporti rasmiylashtirilganda uning ota-onasi yoki ularning o'rnini bosuvchi yoxud hamrohlik qiluvchi shaxslarni bolani chet davlat hududida nazoratsiz qoldirganlik uchun javobgarlik haqida ogohlantirish.

Kanalga ulanish👇
https://t.me/Fuqarolik_sud