Yig‘i kelar ichimdan mudom,
Ko‘zimdagi qayg‘u – savashdan.
Charchaganman o‘zim ham hatto
Baxtli elda baxtsiz yashashdan…

Naftalin hid kelar o‘yimdan –
Bobom aytgan ertaklar bitmas.
Har tong o’zni o‘ldirgim kelar
Yakunlarni bilganim uchun.

Odamlardan uzoqman bugun,
Yaqin borsam erib bitishar,
Uvalanishar xuddi ko‘nglimdek.
Ayting, qanday yig‘lamay bo‘lar
Maydalanayotgan odam holiga!

Qayg‘u kelar umrimdan mudom –
Humo qushni kutmay qo‘yganman.
Faqat ozroq yashagim kelar
Titrayotgan barmoqlarimni
issiq kaftlar tutgan lahzalar.
Biroq
Yig‘layotgan odamni
sevmas odamlar…

@FeruzaXayrullayeva