Midjourney deb atalgan sun'iy ong haqida eshitgan bo'lsangiz kerak. Bu sun'iy ong(AI-Artificial Intelligence) unga kiritilgan so'zlarni rasm qilib tasvirlab berish xususiyatiga ega. Yuqorida ko'rib turgan rasmlaringiz boshqa hech qayerda yo'q. Sun'iy ongning eng hayratda qoldiradigan belgisi ham ana shunda. U avvallari yaratilmagan san'at asarlarini bir necha soniyalarda yarata oladi. Bu rasmlar esa inson miyasining tasviri. Men shunchaki sun'iy ongga /Imagine Realistic human brain ya'ni /Tasavvur qil jonli inson miyasi degan buyruqni kiritdim, xolos. U esa menga yuqoridaga san'at asarlarini taqdim etdi. To'g'ri, bu miya biz anatomiyada ko'rgan miyadan ancha farq qiladi. Lekin bu yangi texnologiya va u rivojlanib boryapti. Midjourney sun'iy onggi hozircha beta test holatida va hali bir yoshga to'lgani ham yo'q. Ajabmas, balki yaqin kelajakda internetdagi kontentlarnidng ko'p qismini u yaratishni boshlasa! Keyingi safar Sun'iy Ong qanday san'at asarini yaratishini istaysiz?