🇺🇿🇺🇸 Xorijda tahsil olayotgan yoshlar uchun “Digital Ambassador” loyihasi e’lon qilindi

➡️ Raqamli texnologiyalar vazirligi delegatsiyasi Oʻzbekistonning AQShdagi elchixonasida AQSHda tahsil olayotgan “El-yurt umidi” jamg‘armasi stipendiatlari hamda O'zbekistonlik talaba yoshlar bilan mamlakatimizda IT sohasida yaratilayotgan imkoniyatlar bo‘yicha uchrashuv o‘tkazdi.

🔍Uchrashuv davomida, vatandoshlarga o‘z startaplarini rivojlantirishlari uchun vazirlik tomonidan yo‘lga qo‘yilayotgan “Raqamli dunyo” loyihasida ishtirok etish, O‘zbekistonning “Raqamli texnologiyalar elchisi” sifatida faoliyat yuritish imkoniyatlari haqida taqdimotlar o‘tkazildi.

🟠Ma’lumot uchun: Loyihaning asosiy maqsadi xorijda tahsil olayotgan talaba yoshlarni IT-ambassador faoliyatlarini yo‘lga qo‘yish orqali xorijda O'zbekistonning IT sohasidagi imkoniyatlar va yaratilgan imtiyozlari haqida targ’ibot ishlarini amalga oshirishdan iborat.

⚜️Shuningdek, xorijdagi vatandosh yoshlarni IT sohasiga keng jalb etish, Raqamli texnologiyalar vazirligi tomonidan amalga oshirilayotgan loyihalariga ilmiy tahlil asosida professional maslahatlar bilan ko‘maklashish maqsad qilingan.

💡Bundan tashqari, “El-yurt umidi” jamg’armasi stipendiantlari uchun Raqamli texnologiyalar vazirligi va tizim tashkilotlarda amaliyot dasturlarini joriy etish ham ko‘zda tutilgan.

📩Telegram 📱Facebook 📱 Instagram 📺Youtube 🌐 LinkedIn 🐦 X