Raqamli texnologiyalar Sirdaryo viloyati sho'basi

🔵 “MWC Barcelona – 2025”: Huawei rahbariyati bilan muhim memorandumlar imzolandi

✅ Joriy yilning 3–6-mart kunlari Ispaniyaning Barselona shahrida axborot-kommunikatsiya texnologiyalari sohasidagi eng nufuzli tadbirlardan biri — “MWC Barcelona – 2025” anjumani boʻlib oʻtdi.

🤝Ushbu anjuman doirasida Raqamli texnologiyalar vaziri Sherzod Shermatov hamda Huawei kompaniyasining Yaqin Sharq va Markaziy Osiyo bo‘yicha prezidenti Filip Gan o‘rtasida uchrashuv tashkil etildi.

💻 Uchrashuv avvalida so‘nggi yillarda kompaniya bilan hamkorlikda raqamlashtirish yo‘nalishida muhim loyihalar amalga oshirilayotgani, jumladan, Masofaviy xizmatlar markazi ishga tushirilib, natijada 2024-yilda ushbu markaz tomonidan 20 dan ortiq davlatga ko‘rsatilgan IT eksport xizmatlari hajmi 10 million AQSh dollariga yetgani hamda 300 ta yangi ish o‘rni yaratilgani ta'kidlandi.

🔵Shuningdek, uchrashuvda Huawei kompaniyasi raqamli iste’dodlarni rivojlantirishga alohida e’tibor qaratib, “Seeds for the Future” va “ICT Academy” dasturlarini faol davom ettirayotgani aytib o'tildi.

🏷 2024-yilda O‘zbekistonda “Seeds for the Future” dasturining o‘n yilligi nishonlandi. O‘zbekiston jamoasi “Tech4Good” xalqaro tanlovining final bosqichida Silver award mukofotiga sazovor bo‘ldi. Shu bilan birga, 12 nafar talaba Xitoyning Shenchjen va Shanxay shaharlarida raqamli turda ishtirok etib, ikki jamoa esa Saudiya Arabistonida o‘tkazilgan “ICT Competition” mintaqaviy tanlovida qatnashdi.

📌Bundan tashqari, uchrashuvda kompaniya 2024-yilda bo‘lib o‘tgan “ICT Week Uzbekistan” haftaligi doirasida mamlakatning raqamli transformatsiyasini yanada rivojlantirish maqsadida 5.5G tarmog‘ini sinov tariqasida ishga tushirilgani qo'shimcha qilindi.

💬 Shuningdek, 2024-yilda Huawei kompaniyasi Raqamli iqtisodiyot bo‘yicha tadqiqot markazi va Xitoy Axborot-kommunikatsiya texnologiyalari akademiyasi (CAICT) bilan hamkorlikda "Uzbekistan Digital Economy overview and Vision 2030" tadqiqotlarini e'lon qildi.

💡Ushbu olib borilayotgan hamkorlik aloqalarini yanada mustahkamlash maqsadida tashkil etilgan uchrashuvda tomonlar Oʻzbekistonning raqamli rivojlanish natijalarini sarhisob qildilar va kelgusida innovatsion texnologiyalarni joriy etish bo‘yicha rejalarni belgilab oldilar.

Batafsil: 👉 https://digital.uz/oz/news/view/39270

📩Telegram 📱Facebook 📱 Instagram 📺Youtube 🌐 LinkedIn 🐦 X

👨‍💻 “Shanghai Spacecom Satellite Technology Ltd.” rahbariyati bilan hamkorlik istiqbollari muhokama qilindi

➡️Raqamli texnologiyalar vaziri Sherzod Shermatov Barselona shahrida “Shanghai Spacecom Satellite Technology Ltd.” kompaniyasi rahbariyati bilan uchrashdi.

📌Uchrashuvda O‘zbekistonda sun’iy yo‘ldosh yo‘nalishida hamkorlikni yo‘lga qo‘yish imkoniyatlari, internet xizmatlarini rivojlantirish va qamrovni kengaytirish masalalarini muhokama qildi.

💡Shuningdek, uchrashuvda tomonlar raqamli infratuzilmani mustahkamlash, internet sifatini yanada oshirish va axborot texnologiyalarini rivojlantirishda sun’iy yo‘ldosh aloqalaridan foydalanish imkoniyatlarini ko‘rib chiqdilar.

Batafsil: 👉 https://digital.uz/oz/news/view/39215

📩Telegram 📱Facebook 📱 Instagram 📺Youtube 🌐 LinkedIn 🐦 Xг

Acharya universiteti va EC-Council Academia hamkorligi: O‘zbekistonda kiberxavfsizlik ta'limini yangi bosqichga ko‘tarish

Acharya universiteti O‘zbekistonda kiberxavfsizlik sohasida xalqaro miqyosda tan olingan EC-Council Academia bilan hamkorlikni yo‘lga qo‘ydi. Ushbu hamkorlik doirasida talabalar Certified Ethical Hacker (CEH), Computer Hacking Forensic Investigator (CHFI) va Certified Network Defender (CND) kabi nufuzli sertifikatlarga ega bo‘lish imkoniyatiga ega bo‘ladilar.

Hamkorlikning asosiy maqsadlari:

Kiberxavfsizlik yo'nalishi kadrlarini tayyorlash: Talabalarni zamonaviy kiberxavfsizlik bo‘yicha chuqur bilim va ko‘nikmalar bilan ta'minlash orqali O‘zbekistonning raqamli xavfsizlik salohiyatini oshirish.

Amaliy o‘qitish usullari: iLabs, Capture The Flag (CTF) musobaqalari va real hayotiy holatlar asosida mashg‘ulotlar o‘tkazish orqali talabalarni ish bozoriga tayyorlash.

Milliy miqyosda kengayish: Acharya universiteti EC-Council dasturlarini boshqa O‘zbekiston oliy o‘quv yurtlariga ham joriy etish uchun markaz sifatida xizmat qiladi.

Hukumat va sanoat e'tirofi: Ta'lim standartlarini xalqaro kiberxavfsizlik doiralari bilan moslashtirish orqali global raqobatbardosh kadrlar tayyorlash.

Barqarorlik va kengayish: Boshqa ta'lim muassasalari bilan o‘zaro anglashuv memorandumlari va o‘qituvchilarni tayyorlash dasturlari orqali kiberxavfsizlik ta'limini butun mamlakat bo‘ylab kengaytirish.

Ushbu hamkorlik O‘zbekistonda raqamli texnologiyalarni rivojlantirish va kiberxavfsizlik sohasida yuqori malakali mutaxassislar tayyorlashga xizmat qiladi. Bu esa mamlakatimizning raqamli infratuzilmasini yanada mustahkamlashga yordam beradi.

📩Telegram 📱Facebook 📱 Instagram 📺Youtube 🌐 LinkedIn 🐦 X

🌐 Ookla: O‘zbekiston mobil internet tezligi bo‘yicha oxirgi 4 yilda 65 pog‘onaga yuqoriladi

🔵Raqamli texnologiyalar vaziri Sherzod Shermatov “MWC Barcelona – 2025” Jahon mobil kongressi doirasida “Ookla” tashkiloti prezidenti va bosh direktori Stiven Bye, Strategiya bo'yicha bosh direktor Chip Strenj hamda tashkilotning Shimoliy Osiyo va Markaziy Osiyo mintaqalari bo'yicha savdo direktori Viktor Zeng bilan uchrashdi.

🛜 “Ookla” – global internet tezligini o‘lchash va tahlil qilish bilan shug‘ullanadigan yetakchi tashkilot bo‘lib, 2006-yilda tashkil etilgan. U Speedtest platformasi orqali butun dunyo bo‘ylab foydalanuvchilarga internet tezligini tekshirish imkoniyatini beradi. Tashkilot har oy Speedtest Global Index reytingini yangilab, dunyodagi mobil va simli internet tezliklarini taqqoslab boradi.

💡Uchrashuvda internet infratuzilmasini rivojlantirish va sifat monitoringini kuchaytirish bo‘yicha fikrlar almashildi.

✅Uchrashuvda “Ookla” tashkiloti O‘zbekistonning so‘nggi yillarda mobil internet tezligi bo’yicha katta ko’rsatkichlarga erishganini qayd etdi.

📊

Shuningdek, uchrashuv davomida tashkilot vakillari

Speedtest Global Index

natijalariga ko‘ra, 2020-yilda O‘zbekiston 133-o‘rinni

egallagani,

2025-yil yanvar holatiga ko‘ra, mamlakat ushbu reytingda

68-o‘rin

ga

ko‘tarilgani,

shu tariqa O‘zbekiston

2020-yildan beri 65 pog‘ona

ga yuqorilaganini ta'kidladi.

Batafsil: 👉 https://digital.uz/oz/news/view/39130

📩Telegram 📱Facebook 📱 Instagram 📺Youtube 🌐 LinkedIn 🐦 X

🤔 “NEC” korporatsiyasi vitse-prezidenti bilan telekommunikatsiya yo‘nalishida istiqbolli loyihalar muhokama qilindi

🔘Raqamli texnologiyalar vaziri Sherzod Shermatov Ispaniyaning Barselona shahrida bo‘lib o‘tayotgan “MWC Barcelona – 2025” Jahon mobil kongressi doirasida “NEC” korporatsiyasining vitse-prezidenti Takashi Sato bilan uchrashdi.

🔴 Muloqot chog‘ida O‘zbekiston va Yaponiya o‘rtasidagi telekommunikatsiya sohasidagi hamkorlikni yanada rivojlantirish masalalari muhokama qilindi. Xususan, “O‘zbektelekom” AK bilan hamkorlikda yangi tarmoqlarni kengaytirish va qo‘shimcha internet kanallarini tashkil etish bo‘yicha takliflar ko‘rib chiqildi.

Batafsil: 👉 https://digital.uz/oz/news/view/39124

📩Telegram 📱Facebook 📱 Instagram 📺Youtube 🌐 LinkedIn 🐦 X

🤖 Jahon Mobil Kongressida O‘zbekiston aloqa sohasi mutaxassislari ilg‘or tajribalarni o‘rganmoqda

🌐 Ispaniyaning Barselona shahrida bo‘lib o‘tayotgan “MWC Barcelona – 2025” Jahon mobil kongressida O‘zbekiston delegatsiyasi ishtirok etmoqda. Mazkur kongress dunyodagi eng yirik va nufuzli texnologik tadbirlardan biri bo‘lib, u global miqyosda mobil texnologiyalar, sun’iy intellekt va telekommunikatsiya infratuzilmasining rivojlanishiga bag‘ishlanadi.

🔅Tadbir doirasida Raqamli texnologiyalar vaziri Sherzod Shermatov boshchiligidagi delegatsiya “Huawei Technologies Co. Ltd.” kompaniyasining maxsus ko‘rgazmasida ishtirok etdi.

Batafsil: 👉 https://digital.uz/oz/news/view/38903

📩Telegram 📱Facebook 📱 Instagram 📺Youtube 🌐 LinkedIn 🐦 X

✅“MWC Barcelona-2025” doirasida “Digital Economy Development Forum” tadbiri bo‘lib o‘tdi

⏩Ispaniyaning Barselona shahrida bo‘lib o‘tayotgan “MWC Barcelona-2025” Jahon mobil kongressi doirasida Huawei kompaniyasi tomonidan “Digital Economy Development Forum” mavzusiga bag‘ishlangan maxsus tadbir tashkil etildi.

↪️Ushbu forum raqamli iqtisodiyotni rivojlantirish, axborot-kommunikatsiya texnologiyalarining (AKT) barqaror rivojlanishdagi o‘rni hamda global miqyosdagi ilg‘or tajribalar almashinuvi masalalariga bag‘ishlandi.

🔄 Mazkur forumda Raqamli texnologiyalar vaziri Sherzod Shermatov ishtirok etib, “Raqamli texnologiyalar va iste’dodlar raqamli iqtisodiyot uchun barqarorlikni yaratadi” mavzusida nutq so‘zladi va ishtirokchilarni O‘zbekistonga taklif etdi.

Batafsil: 👉 https://digital.uz/oz/news/view/38789

📩Telegram 📱Facebook 📱 Instagram 📺Youtube 🌐 LinkedIn 🐦 X