Роналдуга нисбатан турли хил жабҳаларда “энг” сўзини ишлатса бўлади. Футбол тарихидаги энг яхши тўпурар, чемпионлар лигаси, Испания лигаси, Европа чемпионатлари, терма жамоалар тарихида энг кўп гол урган, энг интизомли, энг меҳнаткаш, энг иродали, энг машҳур шахс. Бунга яна ёш авлод учун мотивация ҳамда ўрнак қилиб кўрсатадиган жиҳатларини қўшса бўлади. Соғлом турмуш тарзи, майдондан ташқари ҳаёт, хайрия, бизнес, медиа йўналиш, оилага, онага эътибор. Охирги йиллар инсон ўз организмини тонусда ушлаб туриш эвазига спортдаги ҳаётни узайтириш бўйича ҳам тирик қўлланмага айланди. Криштиано шунингдек ер шарида яшовчилар орасида энг кўп обуначига эга инсон. Забт этолмаган чўққилариям бор. Олтин тўплар бўйича, жаҳон кубоги борасида, баъзида ўзаро тўқнашувларда битта рақобатчисига ютқазган. Агар бу бўйичаям тенгсиз бўлганда одам бўлмай қоларди. Нимадир камчилиги бўлиши керакку. Ҳеч ким мукаммал эмас. Лекин Роналду бунга энг яқин келган футболчи.

40 ёш муборак бўлсин.

t.me/Davron_Fayziev