Buxoro viloyati Yoʻl harakati xavfsizligi boshqarmasi boshligʻi podpolkovnik Bekzod Ulugʻbekov tomonidan Olot tumanida oʻtkazilgan sayyor qabul davomida tuman hududidan oʻtuvchi Olot-Jumabozor yoʻnalishidagi avtomobil yoʻlining Bunyodkor mahallasi 2-son maktabi oldidagi piyodalar oʻtish joyini tartibga solib yangi svetafor oʻrnatib berish soʻralgan edi.

Boshqarma boshligʻining tegishli topshirigʻiga asosan bugungi kunga kelib, ushbu avtomobil yoʻlidagi piyodalar oʻtish joyi tartibga solinib, yangi svetafor qurilmalari oʻrnatilib ishga tushirildi.