Матбуот котиблари учун семинар-тренинг бўлиб ўтди

Вилоятдаги барча туман ва шаҳар ҳокимликлари ахборот хизматлари раҳбарлари учун ташкил этилган семинар-тренингда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Ахборот хизматлари фаолиятини ташкил қилиш ва мувофиқлаштириш бошқармаси бош мутахассиси Дониёр Солиев иштирок этди.

Семинар давомида сифатли медиа контент яратиш, оммавий ахборот воситалари билан ҳамкорлик қилишнинг долзарб масалалари аниқ кейслар мисолида муҳокама қилинди, фикр ва тажриба алмашинилди.

Айрим матбуот котиблари фаолиятида тизимли камчиликлар ва сусткашликлар кузатилаётгани, ўз устида тинимсиз ишлаш, тезкорлик ва профессионализм улар ишининг бош мезони бўлиши кераклиги айтиб ўтилди.

Шу билан бирга, танқидий материалларга тезкор муносабат билдириш, ташкилот ижобий имижини мустаҳкамлаш, ахборотларнинг кенг тарқатилишини таъминлаш, шунингдек, медиа тадбирларни ташкил этиш каби масалаларда тавсиялар берилди.

Sirdaryo.uz | Telegram | Facebook | Instagram