Boyovut ovozi | RASMIY ️️

Tibbiyot xodimlari kuni munosabati bilan bayram tadbiri bo‘lib o‘tdi

An’anaga ko‘ra, mamlakatimizda har yili noyabr oyining ikkinchi yakshanbasi - Tibbiyot xodimlari kuni sifatida keng nishonlanadi. Shu munosabat bilan bugun "Muhtasham” tantanalar majmuasida bayram tadbiri o‘tkazildi. Unda viloyat hokimi Akmaljon Maxmudaliyev, viloyat sektorlari rahbarlari, tibbiyot xodimlari, faxriylar ishtirok etdi.

Tibbiy xizmat ko‘rsatish sifatini oshirish, aholi salomatligini ishonchli muhofaza qilish, jamiyatda sog‘lom turmush tarzini mustahkamlashdek mas’uliyatli vazifada o‘zlarini ayamasdan mehnat qilayotgan soha xodimlarini kasb bayramlari bilan qutlagan viloyat hokimi, so‘nggi yillarda viloyatimizda bu sohaning jadal rivojlanib borayotgani, erishilayotgan natijalar va yangi marralar haqida to‘xtalib o‘tdi.

Yig‘ilganlarning barchasiga bayram sovg‘alari topshirildi. Shuningdek, bir guruh faollar “O‘zbekiston Respublikasi sog‘liqni saqlash a’lochisi”, "Xalq posboni" ko‘krak nishoni va Sog‘liqni saqlash vazirligi tashakkurnomasi bilan taqdirlandi.

Bayram tadbiri san’at ustalari hamda badiiy havaskorlik jamoalari ishtirokidagi konsert dasturi bilan davom etdi.

Telegram  |Web-site |Facebook | Instagram |YouTube

Xalq deputatlari Boyovut tumani Kengashining yettinchi chaqiriq birinchi sessiyasi o‘tkazildi

Unda viloyat hokimi Akmaljon Maxmudaliyev ishtirok etdi. Dastlab tuman saylov komissiyasi raisi Zafar Kamolovning joriy yil 27-oktyabrda bo‘lib o‘tgan saylov yakunlari to‘g‘risidagi axboroti tinglandi.

Shundan so‘ng xalq deputatlari tuman Kengashiga saylangan deputatlarning partiya guruhlari ro‘yxatdan o‘tkazilib, Kengashining reglamenti va doimiy komissiyalar to‘g‘risidagi Nizom tasdiqlandi.

Kun tartibida, shuningdek, tuman hokimini tasdiqlash masalasi ko‘rib chiqildi. Viloyat hokimining "Boyovut tumani hokimini tayinlash to‘g‘risida"gi qarori o‘qib eshittirildi.

Nomzod hududni ijtimoiy-iqtisodiy rivojlantirish bo‘yicha rejalarini taqdimot qilgach, tuman hokimini tayinlash masalasi ovozga qo‘yildi. Natijalarga ko‘ra, Uralova Dilfuza Jumanovna Boyovut tumani hokimi etib tasdiqlandi.

Telegram  |Web-site |Facebook | Instagram |YouTube

Zulfiya nomidagi davlat mukofoti tanlovining Boyovut tuman bosqichi o‘tkazildi

Bugun Boyovut tumanidagi Ixtisoslashtirilgan maktabda Zulfiya nomidagi davlat mukofoti tanlovining tuman bosqichi o‘tkazildi.

Tanlovda Zulfiya nomidagi davlat mukofotining sohibasi bo‘lish istagidagi ta’lim, fan, adabiyot, madaniyat, san’at, sport va jamoatchilik faoliyatida yuqori cho‘qqilarni zabt etishga shaylangan izlanuvchan va intiluvchan yoshlar ishtirok etishdi.

Tanlovning tuman bosqichida 14 yoshdan 30 yoshgacha bo‘lgan qirq nafardan ziyod nomzodlar 8 ta yo‘nalish bo‘yicha o‘z bilim, iste’dod va iqtidorlarini namoyish etdi.

Barcha yo‘nalishlar bo‘yicha komissiya a’zolari tomonidan nomzodlarning ijodiy ishlari, chiqishlari va egallagan yutuqlari belgilangan mezonlar asosida baholanib, eng munosib deb topilgan nomzodlar viloyat komissiyasiga tavsiya etildi.

Boyovut tumani hokimligi Axborot xizmati

| Telegram  |Web-site |Facebook | Instagram |YouTube |

Sirdaryo viloyatidan 1053 ta dehqon xo'jaligiga mo'ljallangan yer uchastkalarini ijaraga oling

➤ Oqoltin tumanidan 113 ta (ko'rish)
➤ Boyovut tumanidan 147 ta (ko'rish)
➤ Sayxunobod tumanidan 15 ta (ko'rish)
➤ Guliston tumanidan 236 ta (ko'rish)
➤ Sardoba tumanidan 108 ta (ko'rish)
➤ Mirzaobod tumanidan 180 ta (ko'rish)
➤ Sirdaryo tumanidan 126 ta (ko'rish)
➤ Xovos tumanidan 82 ta (ko'rish)
➤ Yangiyer shahridan 46 ta (ko'rish)

| Telegram  |Web-site |Facebook | Instagram |YouTube |

Boyovut tumani hokimining tegishli qarori bilan Yettinchi chaqiriq Xalq deputatlari Kengashining birinchi sessiyasi 2024-yil 8-noyabr kuni soat 12:00 ga tuman hokimligi katta majlislar zaliga chaqiriladi.

Sessiya kun tartibidan quyidagi masalalar o'rin olgan:

1. Xalq deputatlari Boyovut tumani Kengashiga saylangan deputatlarning partiya guruhlarini roʻyxatga olish haqida.

2. Xalq deputatlari Boyovut tumani Kengashining Reglamenti va doimiy komissiyalar toʻgʻrisidagi Nizomni tasdiqlash toʻgʻrisida.

3. Sirdaryo viloyati hokimining Boyovut tumani hokimini tayinlash to‘g‘risida qarorini tasdiqlash haqida.

Sessiya ishiga tuman Kengashi deputatlari, sektor rahbarlari, tuman hokimining o‘rinbosarlari, tegishligi bo‘yicha tuman tashkilot rahbarlari taklif etiladi.

| Telegram  |Web-site |Facebook | Instagram |YouTube |

Xalq deputatlari Sirdaryo viloyati Kengashining yettinchi chaqiriq birinchi sessiyasi o‘tkazildi.

Unda viloyat Hududiy saylov komissiyasi raisi Zafar Xakimovning joriy yil 27-oktyabrda bo‘lib o‘tgan saylov yakunlari to‘g‘risidagi axboroti tinglandi.

Sessiyada deputat Axmedjanova Pokiza Shavkatovna Xalq deputatlari Sirdaryo viloyati Kengashi raisi etib saylandi.

Shuningdek, sessiyada xalq deputatlari Sirdaryo viloyati Kengashiga saylangan deputatlarning partiya guruhlari ro‘yxatdan o‘tkazilib, viloyat Kengashining reglamenti va doimiy komissiyalar to‘g‘risidagi Nizom tasdiqlandi.

Maslahatlashuvda Prezident tomonidan Sirdaryo viloyati hokimi lavozimiga Maxmudaliyev Akmaljon Azimjonovich nomzodi ko‘rsatilganligi bildirildi.

Xalq deputatlari Sirdaryo viloyati Kengashining qarori bilan Akmaljon Maxmudaliyev Sirdaryo viloyati hokimi lavozimiga tasdiqlandi.

Sirdaryo viloyati hokimligi Axborot xizmati

| Telegram  |Web-site |Facebook | Instagram |YouTube |