ПОСДОШТИ МИЛЛАТ ВА ЗАБОН

Эй ки гуфтӣ бо дарӣ ҳарфи накӯ,
пайрави Салмон туӣ аз оли ӯ.

Дар даҳон шаккар забони порсӣ,
аз қадим равшан ҷаҳони порсӣ.

Ин забони порсии безавол,
в-ин забони тоҷикии лоязол.

Ҳам забони давлати Сосониён,
ҳам забони расмии Сомониён.

Суфта бинмуд ин забонро Рӯдакӣ,
суфта то пирӣ зи аҳди кӯдакӣ.

Назми Фирдавсӣ бузургу бартарӣ
аз забони тоҷикӣ шуду дарӣ.

Беҳтарин дурре, ки Сино суфта кард,
лафзи тоза ҷо ба "Донишнома" кард.

Миллати мо тоҷи тиллоӣ ба сар
пас аз ин пӯшиду гашт ӯ номвар.

Қарзи ту, эй Орифӣ, дар ин ҷаҳон
посдори миллат асту ин забон!

✍️ Самар Орифӣ

5.10.2023.

           ┄┅অঠই✯❀✯ইঠঅ┅┄

http://T.ME/BO_ZABONI_TOJIKI_MEOMUZEM