ЗАБОНИ МОДАРӢ

Қанд ҷўӣ, панд ҷӯйӣ, эй ҷаноб,
Ҳар чӣ меҷўйӣ, биҷӯ.
Бекарон баҳрест, гавҳар беҳисоб,
Ҳар чӣ меҷўйӣ, биҷӯ.
Форсӣ гӯйӣ, дарӣ гӯйӣ варо,
Ҳар чӣ мегӯйӣ, бигӯ.
Лафзи шеъру дилбарӣ гӯйӣ варо,
Ҳар чӣ мегӯйӣ, бигӯ.
Баҳри ман танҳо забони модарист,
Ҳамчу шири модар аст,
Баҳри ў ташбеҳи дигар нест, нест,
Чунки меҳри модар аст.
З-ин сабаб чун шўхиҳои дилбарам,
Дӯст медорам варо,
Чун навозишҳои гарми модарам,
Дӯст медорам варо.

Муъмин Қаноат✍