Ustozlar nuri

Bugun madrasada guruhdosh doʻstim bilan gaplashib qoldim. "Oʻqishlarni toʻla tugatgandan soʻng kim boʻlmoqchisiz?" deb soʻradim. U esa "Madrasada ustoz boʻlmoqchiman. Chunki ustozlarimni yaxshi koʻraman. Men hozir qanday inson boʻlgan boʻlsam, barchasi shu madrasadagi ustozlar sabab, ularni koʻrsatgan mehri va koʻrsatmasi sabab boʻlgan" dedi

Javobdan juda maza qildim. Haqiqatda, menda ham shunday boʻlgan. Qanday yaxshi xislatga ega boʻlgan boʻlsam, deyarli barchasi shu madrasadagi ustozlar nuri sabab boʻlgan, ulardan "rang olib" qalb nurimiz yanada yorishgan.

Bunday ustoz shogird anʼanasini, goʻzal qalbli ustozlarning - shogirdlariga ham odob nurini bahramand qiladigan tizimlarning yanada koʻpayishini xohlardim. Bolalarning goʻzal qalbli ustozlardan nur olib, oʻsishini xohlardim

Men bahor oylarida Xudo nasib qilsa, shunday oʻquv markaz ochmoqchiman: bolalar uchun shaxsiy va maʼnaviy rivojlanish kursi boʻladigan markaz. Albatta, diniy ilm boʻlmasa-da, bolalarga aynan goʻzal maʼnaviyatli ustozlar dars beradigan, ular orqali ularning ham maʼnaviy boyligi kengayadigan markaz boʻladi inshaAlloh
@AzizbekZubaydullayev