Maqolalar | Azizbek Zubaydullayev

Moʻminlik ishi ajoyib

Qiyinchilikda ham sabr qilib, kengchilikda ham shukr qilib savob olaveradi.

Toki itoat va rizolikda ekan, u har doim yutuqda...

Musibatga goʻzal sabr qilganlar balki neʼmatda gʻaflatda yurganlardan koʻra koʻproq savob olar...

Balki musibatdagi sabrning ajri neʼmatdagi holatimizdan koʻproq boʻlar...

Yaxshi yoki yomon voqea yoʻq. Voqealarning hammasi xayrli. Taqdirda bitilgan

Bizning ularga boʻlgan munosabatimiz ularni barakali yoki gunohli qiladi

"Men - bandamning gumonidaman"
Qudsiy hadis

Musibatga rozi boʻlganingda va savob olayotganingni his qilganingda - ibodatga aylanadi va qalbing halovat his qiladi

Kishi oʻz ayoliga yaqinlik qilgani uchun ham savob olar ekan. Chunki bu ehtiyojini jilvaliroq koʻringan harom yoʻl bilan ham qondirishi mumkin edi

Qiziq, halol yoʻlga ham imkoni boʻlmagan, lekin harom yoʻllar har qachongidan oson va kuchliroq taʼsir bilan oʻziga jilva qiladigan bu zamonda sabr qiluvchi oilasizlarga qancha savob boʻlar ekan...

Fido

Har lahza tuyarman bu cheksiz mehring
Neʼmating shukriga aytgin ne qilay
Soʻngsiz masʼuliyat qalbimda joʻshar
Allohim, yoʻlingda men fido boʻlay

Yarashmas men tutsam shaytonni ulfat
Nafsimga bir lahza ep koʻrsam gʻaflat
Vaqtim isrof etmoq boʻlar razolat
Allohim, yoʻlingda men fido boʻlay

Insondan niyatni past tutganing yoʻq
Ilm-u iqtidorni kam etganing yoʻq
Sen meni bekorga yaratganing yoʻq...
Allohim, yoʻlingda men fido boʻlay

Endi men himmatni yuqori tutay
Qalbimni shunga mos riyozat etay
Borimni bagʻishlab harakat etay
Allohim, yoʻlingda men fido boʻlay

Ilm, ibodat, amal - tumorim boʻlsin
Rizoing yagona xumorim boʻlsin!
Har neki, sen uchun fidoyim boʻlsin!
Allohim, yoʻlingda men fido boʻlay

"(Nomahramga) Nazar tushishi shaytonning oʻqidir"

Yigitlar har kun yuragiga tushadigan jarohat uchun naqadar toʻgʻri tavsif...

Vaqtni tejayman deb, ulgurish vaqtiga taqab yoʻlga chiqib, uyalib qolgandan koʻra, vaqtliroq chiqib, hotirjam yetib borgan yaxshiroq

Ayni shu - vaqtni tejash boʻladi

Kutilmagan ishlar - kutilmagan ish emas, rejaning bir qismidir

Faqat optimal holat uchun emas, kutilmaganda chiqib qoladigan ish va muammolar uchun ham joy, resurs, imkon ajratib qoʻyish kerak

Chunki ular - deyarli har doim boʻladi

Taqdirga ishona olasizmi?
(Hikoya)

Bir kuni kechqurun ustozim menga qiyinchilikka bo'lgan qarashimni butunlay o'zgartirib yuborgan bir narsani aytdi.

Biz muvaffaqiyatsizliklar haqida gapirardik - qo'ldan boy berilgan imkoniyatlar, yopilgan eshiklar, shunchaki biz xohlagandek boʻlmagan ishlar...

Kimdir hozirgina oʻzi haqiqatda orzu qilgan ishga qanday qilib kira olmagani haqida gapirib berdi. Ularning ovozida og‘irlikni sezish mumkin edi. Har bir so'zda umidsizlik ufurib turardi.

Ustoz o‘shanda:
— Muso va Xizr qissasini bilasizmi?
Hammamiz bosh irg‘ab qo‘ydik.

U aytdi: "Xizr nima uchun qayiqni sindirib, bolani o'ldirgani va devorni tiklaganini tushuntirgan qismini hamma yaxshi ko'radi. Chunki birdaniga og'riq - mantiqan toʻgʻri ishga aylanadi. Chalkashlik ravshanlikka aylanadi. Lekin siz buning boshqa jihati haqida oʻylab koʻrganmisiz? U sukut qildi.

"Muso faqat voqealar izoh berilgandan soʻnggina ularni tushunib yetdi. Lekin, qayiqning egasi bo'lgan odamlar, o'sha bolaning ota-onasi, ularni rad etgan shahar - ularga bu izohlar hech qachon aytilmagan edi. Ular shunchaki shu bo'lgan voqea bilan yashashlariga toʻgʻri kelar edi..."

Xona jimib qoldi. Keyin dedi: "Hayotda ba'zida Xizr lahzasiga ega boʻlolmaysiz. Nima uchun nimadir bo'lganini tushunolmaysiz. Shunchaki taqdirga yetasiz. Yopilgan eshik. Yo'qotish. Sukunat. Va sizning sinovingiz - tushuntirishga muhtoj bo'lmasdan, hali ham Allohga ishona olasizmi?"

U oldinga egilib dedi: "Hikoya chiroyli yakunlanganda sabr qilish oson. Lekin haqiqiy sinov: Hali hikoyaning o‘rtasida bo‘lganingizda tavakkul qila olasizmi?..."
@AzizbekZubaydullayev

Ilm qanday olinadi?

Abdurahmon Qosim aytadi: “Men yigirma yil imom Molik rahmatullohi alayh xizmatida yurdim. Shundan o‘n sakkiz yilida odob o‘rgandim, ikki yil ilm oldim. Endi taassufdamanki, o‘sha ikki yilda ham odob o‘rganmog‘im afzal ekan..."

Men bu mashhur iqtibosni oʻqiganimda "18 yil odob haqidagi mavzularda dars olgan boʻlsalar kerak" deb oʻylagan edim

Yaqinda shu haqida ajoyib fikr oʻrgandim:

"Biz ilmning asosiy qismini kitobdan emas, atrofimizdagi odamlar unga qanchalik amal qilayotganini koʻrishdan olamiz. Chunki kitob bu - nazariya, unga odamlarning amal qilishi esa - reallik. Bizga reallik qattiqroq taʼsir qiladi

Ular Imom Molik hazratlarining oldiga shunchaki dars olish, hadis eshitish uchun kelishmagan. Hadisni kitobdan ham oʻqib olaverishar edi. Ular u ulugʻ zotning huzuriga u kishining odoblarini oʻrganish, qanday goʻzal xulqlari, ibodatlari, sunnatlarga qanchalik amal qilishlari, ixloslari qanchalik kuchli ekanligini koʻrish va yuqtirish uchun kelishgan..."

Siz ham goʻzal odobli, ilmiga chuqur amal qiluvchilarga shogird tushing. Shunday ustozlar izlang, ularni faqat fan uchun emas, oʻzingizga hayotiy ustoz qilib tuting

Toki ularning goʻzal odoblari, xulqlari, ixloslari sizga ham yuqsa...
@Azizbek_Zubaydullayev

Startuplar olami

Bugun ilk marta offline, startup kursida boʻldim. Oʻzbekistonda bunday startup kurslari avval borligini bilmasdim

Katta ehtimol bilan keng tarqalmagan edi, oʻtiladigan kurslar ham anʼanaviy biznes tajribalari haqida boʻlar edi

Lekin startup - asosan software dasturlari bilan boʻladigan, kichik maqsad koʻzda tutilmagan, balki dunyo miqyosidagi katta biznes boʻlishi reja qilingan loyihalar haqida kurslar endi ommalasha boshladi

Va bundan juda xursandman. Menda darsdan koʻra, u yerdagi muhit kattaroq taassurot qoldirdi: ustozlardan birining koʻplab loyihalaridan biri $10 million qiymatga ega boʻlgani, oʻquvchilarning ham gʻoyalarining koʻlami, qilmoqchi boʻlgan katta ishlaridan ancha gʻayrat oldim

Menga shu narsa doim yoqib kelgan - gʻoyangiz, shijoatingiz yaxshi boʻlsa, pul muammo boʻlmasligi kerak, uni jalb qilishdan qoʻrqmaslik kerak. Birdan katta koʻlamli ishlar ustida ishlayverish kerak. Va u yerda koʻplab investorlar jamlangan ekan, va kursda investorlar bilan qanday gaplashishni ham oʻrgatishar ekan

Startup Garage loyihasi har bir viloyatda ochilgan ekan. Barchaga tavsiya qilaman

Sarflanmagan qizni koʻrsam - usti ochiq bankaning albatta aynigan boʻlishi esimga tushib ketadi

Yoʻlni birinchi marta bosib oʻtish - har doim qiyin boʻladi

Kimdadir qaysidir goʻzal xislatni koʻrgan, uni chuqur tushungan boʻlsang, demak senda ham shu xislat bor ekan

Muvaffaqiyatli loyiha - tez va shoshilinch emas, uzoqroq ketsa-da, puxta tayyorlanib qilinganidir

Sayoz qarorlar va sayoz tayyorgarlik - loyihalarning qurituvchisidir

Tez va muvaffaqiyatsiz boʻlgandan, uzoq va muvaffaqiyatli boʻlgan yaxshiroq

Ishlarni shoshilib turganingda qancha vaqtda bajarsang, bemalol boʻlganingda ham shunday tezlikda bajar.

Agar sifatiga taʼsir qilmasa.