Maqolalar | Azizbek Zubaydullayev

Asl bahoingiz

Tarix haqida oʻylashni bas qilib qoʻydim. Ilgari yoshligi kuchli ilmiy muhitda oʻtganlarga havas va armon bilan qarar edim.

Endi men eʼtibor beradigan jihat boshqa:

Insondagi ixlos, shijoat, niyatning kattaligi

Shular eng muhimi ekan. Chunki yaxshi muhitda oʻsgan boʻlsa-da, ixlosi past, niyati kichiklar uchraydi

Insonda ixlos kuchli boʻlsa, hatto yoshi kattaroq boʻlsa-da, avvalroq boshlaganlardan oʻtib keta oladi, oʻzi niyat qilgan katta darajalarga yetisha oladi

Tarixni oʻylashni bas qiling. Eʼtiboringizni niyatingizga va harakatingizga qarating

Shu sizning darajangizni aniqlab beradi

Muammolarga, tushkunliklarga berilish shunchalar osonki... xuddi tushkun boʻlib, rohat oladigandek tuydiradi nafs

Ular shunchaki shayton sizdan xohlaydigan bekorchi ishlar

Diqqatni bir yerga, maqsadlarga qaratib, roʻyolarga aldanmay jimgina ishlayverish kerak

Boʻlishi kerak boʻlgan xayrli ish boʻldi, boʻlishi kerak boʻlgan xayrli ish boʻlyapti, boʻlishi kerak boʻlgan xayrli ish boʻladi

Alloh taqdirimizga yozgan rizq, sinovlar, neʼmatlar goʻzal

Barchasidan hikmat izlagan Allohni topadi

Bizni ishimiz - oʻz ustimizda ishlashda davom etish

Kommentda Youtubedan tgga video/audio olish uchun botlarni kuzatishingiz mumkin)

Men deyarli har bir maqola va sheʼrimni katta eʼtibor va mehnat bilan yozishimning sababi bor. (Baʼzi sheʼrlar kichik boʻlsa-da, haftalab vaqtimni olgan)

1. Shunchaki ishni chiroyli qilishni yaxshi koʻraman

2. Ularni ABADIYGA qolishini niyat qilaman. Yaʼni hozir yozilib, keyin unutiladigan emas, kelajakda millionlab insonlarni hayotini oʻzgartiradigan boʻlishini xohlayman

Shuning uchun ularni hozir koʻradigan ming kishi uchun emas, inshaAlloh qiyomatgacha koʻradigan millionlab kishi koʻradigan sifatda boʻlishini xohlayman

Bu maqolalarni hali keng yoyish, eng yaxshilarini kitob qilib chiqarish niyatim bor

Sheʼrning ilk yarmida ataylab qahramonning hissiyotlarini, garchi yomon koʻrinsa-da yoritdim. Bu - shuni qachondir his qilgan oʻquvchida samimiylik hissini uygʻotadi va hikoyaga qiziqtiradi

Hikoyaning 2-yarmida qahramonning hissiy oʻzgarishi aks etadi va voqealarni kechirib, ichki hotirjamlikka erishadi

Sheʼrda taqdir hikmati, havas, hasad, musibat, sabr, hijron, armon, niyat ahamiyati, bilimsizlik oqibati, ilm muhimligi, tiklanish va shijoat mavzularini koʻrishingiz mumkin)

Juda qiziq, turli farqli hissiyotlarga boy, koʻp maʼno kiritilgan sheʼr boʻldi

Shoshilmasdan, hissiyot va maʼnolariga eʼtibor berib, "ichiga kirib" oʻqishni tavsiya qilaman

Xuddi bir kichkina qissadek boʻldi

Fikringizni kutaman:)

Ilm hijroni

Har kuni eslarman tinch qoʻymas yoding
Musibat yetganda zoʻr berar tafti
Senku oson erishding oson hayotga
Bizdachi umrimiz qiyin boshlandi...

Yoshlikda berildi eng zoʻr ilmlar
Yaxshi sharoitda kamolga yetding
Bizgachi, ozgina yetmadi omad
Johillik sababdan zavolga ketdik

Endichi, oʻraydi, musibat qahri
Jaholat sababdan xatolar haqqi
"Qaniydi, bilsaydim, qilmasdim shuni..."
Endi pushaymonim boʻlar achitqi

Azob bilan ishim bitsa qaniydi
Ustiga qoʻshilar havas hayoting
Sen baxtli yasharsan, men-chi bu yoqda
Hijron-u azobda qovurar yoding...

Gohida soʻrarman, koʻrdim ham nega
Qaydan ham tanidim, yoʻliqdim senga
Bu dunyoda borligingning oʻzi dard menga!
Balki koʻrmaganim yaxshiroqmidi...

Mayli baxtli yasha, davroning surgin
Neʼmating shukrin qil, olgin koʻp foyda
Senga xayr ekan shu oson yoshlik
Bizning-chi, imtihon sal qiyin joyda

Bilaman, ajrdir har olgan dardim
Bilaman xayrdir yetgan har bir ish
Goʻzal hikmat ila tanlaydi Robbim
Bizni buyuk qilar bitilgan kechmish

Bizni buyuk qilar har bir lahzamiz
Gar Alloh kutgandek etsak itoat
Kimgadir koʻp - xayrdir, kimgadir ozi
Haqni izlaganga ochilar hikmat...

Noumid boʻlmoqqa hech ham hojat yoʻq
Niyatga qaralib, berilgan ajr
Kim niyat qilsayu, garchi yetmasa
Xuddi yetilgandek etilar qadr

Endi sinovimdir, qilmoq matonat
Garchi qiynasa-da, hadsiz musibat
Yoshlikda yetmagan ulugʻ neʼmatga
Yetmoq uchun endi - etmoq harakat...

Mayli, neʼmatlaring ziyoda boʻlsin
Alloh uchun sevdim, gard koʻrmay yasha!
Mayli balki boʻlmasak shu dunyoda biz
Qiyomatda boʻlarmiz shoyad bir safda...
@Azizbek_Zubaydullayev

Bu - men tushunib yetgan eng muhim haqiqatlardan boʻlgan.

Negadir kam tarqatilibdi.

Barchaga qayta oʻqishni va tatbiq qilishni tavsiya qilaman

Nomahramlarga ilm berishni oʻziga yarasha qiyinchiliklari bor

Avvalo ilm beruvchi kishi nafsini yaxshilab jilovlab olib, ehtiyoj boʻlmagan joyda qoʻshimcha muloqot boshlamasligi kerak.

Keyin esa, faol oʻquvchiga qoʻshimcha eʼtibor berganda unga notoʻgʻri hissiyot berib qoʻyishdan ham saqlanishi kerak.

Boʻlmasa, jarayon - ilm niyati emas, nafs masalasiga aylanadi

Boshqa jins vakiliga umuman maylsiz, lekin oʻz oʻrnida muomala qila olish koʻnikmasini shakllantira olishi kerak

Chunki, soʻzlar emas, muomalaning oʻzi ham insonga notoʻgʻri umidlar berib qoʻyishi mumkin.

Shuning uchun, hatto ehtiyoj boʻlgan muomalalarni ham, nafs hissiyotlarisiz, notoʻgʻri umid berib qoʻymaydigan qila olish kerak

Tarixingiz - qadringizni belgilab bermaydi

Yoshligini deyarli bekorchi yoki hatto zararli ishlar bilan oʻtkazgan, soʻng biror yaxshi ish yo ilmga duch kelib, uning ahamiyatini tushungandan soʻng, "nega men yoshligimni shunday oʻtkazmaganman" deb qattiq tushkunlikka tushib qoladiganlar, va tarixi sabab oʻzini "past tabaqali" deb hisoblaydiganlar boʻladi

Bu muammoga dinimizda yechimlar ko'p. Lekin bugun men menga ta'sir qilgan bir voqeani aytmoqchiman.

Men juda ham hurmat qiladigan, kattagina muvaffaqqiyatlarga erishgan biznesmen - Sam Altmanning startupda jamoa yigʻish haqida darsini ko'rdim. Uning bir fikri menga qattiq ta'sir qildi:

Men eng ajoyib insonlarni jamoamga yig'aman. Va jamoa yig'ayotganda insonning shu sohada qancha o'qiganiga yoki undagi tajribasiga qaramayman. Uning shu narsaga qanchalik o'chligi va harakatiga qarayman

Aslini olganda, shu paytgacha men qilgan ko'plab bizneslarni shu sohada hatto umuman tajribasi bo'lmaganlar bilan boshlaganman. Shijoati bormi, qattiq ishlaydimi, shu ishni qila oladimi, bo'ldi - u mos nomzod

Yoshligingiz sizga xalaqit bermasin. Dinda boʻlsin, dunyoda boʻlsin, maqsadingiz kattami, harakatingiz koʻpmi - siz buyuk insonsiz!
@Azizbek_Zubaydullayev

5 oydan beri yaxshigina qiynab kelgan bir ruhiy azobim (bir xatoimga tegishli) bitta biznes video koʻrishdan keyin tuzalib ketdi

Hayot qiziq...

Tushkunlarga

Har qanday turdagi ruhiy ogʻrigʻingiz uchun - unga yechim boʻlgan ilm mavjud

Tushkunmisiz - demak ilmingiz kam
Hafsalasizmisiz - demak ilmingiz kam
Oʻzingizni yomon deb hisoblaysizmi - demak ilmingiz kam

Ilm orqali bularni hammasi yenga olasiz

Allohni yaxshi tanigan kishi hech qachon qalbida tushkun, behafsala, aniqroq aytganda - "bekorchi" va shaytonga yengilgan boʻlmaydi.

Umidli, shijoatli va harakatchan boʻladi

Shayton tushkunligingiz va vaqtni bekor ketkazishingizni xohlaydi. Alloh umidli va shijoatli boʻlishingizni xohlaydi

Qolgan barcha bahonalaringiz bekor...

Tushkunliklarni yigʻishtirib, ilm oling. Qalbingiz shijoat va umidga toʻlganini koʻrasiz
@Azizbek_Zubaydullayev

Yoʼqotgan narsamning bari uchun hamd
Yetmagan orzumning bari uchun hamd

Ey Alloh, bir paytlar xohlagan narsalarimni bermaganingga shukr!

Sen men uchun yaxshirogʻini tanlayman deb turganingda oʻzboshimchalik qilib biror xohishga yopishib olganimni kechir!

Hikmating cheksiz, taqdiring goʻzal!...
Oʻzingga hamd...

Shakar xohishi

Och bo'lmasangiz, lekin qandaydir shirinlik (shokolad, pechenye) xohlayotgan bo'lsangiz, bu - ehtiyoj emas, aldamchi xohish. Miya qo'shimcha rohat istagida ba'zida shakarni talab qiladi. Rohatni "yengil yo'llar bilan" olishga o'rganib qolgani sabab. Qabul qilganida boshida maza qilishi mumkin, lekin bu tana uchun juda zarar. Hazm yomonlashgani sabab - miyaga ham zarar bera boshlaydi

Unday mahsulotlarga umuman miyani ham o'rgatmaslik kerak, tanani ham ular bilan zararlamaslik kerak

Suv iching, birozdan so'ng bu xohish ketadi. Ochlik ketmasa, meva yeng. Yoki sog'lom ovqat oling.

Qilgan xatoim uchun oʻzimni kechirmadim. Uni qayta qaytarish niyatim yoʻq

Lekin, boʻlishi kerak boʻlgan xayrli voqealarning boʻlganini, barchasi hikmatli taqdir ekanini bilaman

Ular meni oʻsha xatoimsiz ham sodir boʻlar edi

Til o'rganing

Bir inglizcha video ko'rdim. Butun yillik rejalarimni o'zgartirib yubordi. Ajoyib xulosa va g'oyalar berdi. O'sha rejam uchun menejer olsam albatta shu videoni ko'rdiraman deb niyat qilib qo'ydim

Til bilishingiz sizni qimmatliroq kadr qiladigan eng muhim qobiliyatlardan. Uni o’rganishning tezroq va samaraliroq usullari bor

Savdogarlar Ustozi 2 kitobida o'rta asr sharq maktablarida o’quvchilarga har yili bir til tanlanib, o’sha yil davomida deyarli barcha darslar o’sha tilda olib borilishi, o’quvchi o’sha tilni har kun ishlatishga majbur bo’lgani sabab, bir yildayoq ravon ishlata oladigan bo’lib chiqishi aytiladi

O’z darajangizga mos matnlar, audiolar, filmlar o’rganib borish, va darajangizni pog’onama-pog’ona oshirish orqali shunday natijaga albatta erishsa bo'ladi

Ingliz tili - zamonaviy ilmlar tili. Deyarli barcha mavzuda manbalar topsangiz bo'ladi. Barchaga kunida hech bo’lmasa 30 minut ajratib, bu tilni o’rganishni tavsiya qilaman

Rus tili - ayniqsa o’zbek ish bozorida ko’p talab qilinadigan til. Buni bilmaslik ba’zida sizni yaxshigina ishlardan ayrilib qolishingizga sabab bo’lishi mumkin

Arab tili - Qur’on eshitganda, mo’tabar hadis kitoblarni asl arab tilida o’qiganda qanchadir darajada bo’lsa ham tushuna olish zavqini ta’riflab bera olmayman. Dinimizga doir juda ajoyib manbalarni o’z tilida o’qiy oladigan bo’lasiz

Bu tillarni barchaga, ayniqsa maktab yoshidagilarga oʻrganib qoʻyishni juda tavsiya qilaman
@Azizbek_Zubaydullayev