💧👍Таҳоратга оид фатволар | 45-қисм

ҒУСЛНИ ВОЖИБ ҚИЛУВЧИ АМАЛЛАР (3-қисм)

🔴 Эр-хотин тўшакда маний кўришди. Эр “Бу аёлимники” деди. Аёл “Эримники” деди. Энг саҳиҳ гапга кўра эҳтиёт юзасидан иккисига ҳам ғусл вожиб бўлади. ("Заҳирия”)

🟢 Бир киши ҳушидан кетиб, ўзига келганида сони ёки кийимида мазий кўриб қолса, унга ғусл вожиб бўлмайди. Маст ҳам шу ҳукмда бўлади. У ухлаб турган одамга қиёсланмайди. (“Муҳийт”)

🔴 Эркак киши олатининг хатна қилинган жойи аёлининг аврат аъзосига ғойиб бўлиши билан эркак ва аёлга ғусл қилиш вожиб қилади. Бу ҳолатда маний чиқиши ёки чиқмаслиги аҳамиятсиз бўлади. Мана шу гап уламоларимиз тутган йўлдир. (“Муҳийт”, “Фатово Қозихон”)

🔴 Бир киши ғусл қилишда оғзи ёки бурунни ювмади ё баданидан озгина жойга сув тегмай қолди. Шу ғусл билан намоз ўқиди. Намоздан кейин ўша камчиликларини эслаб қолди. Бу одам қайси амални унутган бўлса, ўша жойнинг ўзини қайта ювиб, намозини ҳам қайта ўқийди. (“Кабирий”, “Фатово Маҳмудия”)

#таҳорат 👈 (барча қисмлар)

➡️ДЎСТЛАРИНГИЗГА ҲАМ УЛАШИНГ
👇👇👇👇👇👇👇👇

📝Telegram |🎞 YouTube  🕌