— Sen hozir boʻlganlarini eshitsang dumalaysan. Ishlarimni qilib, oshxonaga oyimni izlab bordim.
Men: Onaaa, nima qilyapsiz?
Onam: Biskvitlarning orasiga narsa surtyapman. Ertaga bezataman.
"Ha, mayli, oʻzlari biladilar" deb bunday qarasaaam, mening bisktivim bir chetda turibdi. Buni koʻrganimdan keyin soʻradim:
— Meni biskvitimni nimaga ajratib qoʻydingiz, qoʻshmaysizmi uni?
Onam: Yoʻq, baland boʻlib ketar ekan. Erta kayfiyatim yaxshi boʻlsa uniyam biror ixtirocha qilib bezatib qoʻyaman. Keyin Shoxxiga "Munis pishirgan" deb berib yuboraman.
Men: Aaaa?
— Vooooy, hozir kulaverib oʻlib qolaman!
Niso bir dunyo kulayotgan stiker joʻnatdi. — Siz bugun meni kuldiraman deb niyat qildingizmi? Baraka topinge opaaa, rosa kuldirdingiz. Oʻlgudek charchagandim Yangi yilga tayyorgarlik koʻraverib, charchoqlarim chiqib ketdi.
— Kulasanda sen, "Shoxxiga Munis pishirgan deb berib yuboraman " deganlarida yuzim qanaqa oʻzgarib ketganini koʻrganingda edi!
— Tasavvur qilayapman.
— Hammasi mayli, Shohjahonga berishga balo bormi meni biskvitimni?!