#Меҳр_улашиб

Бугунги кунда Давлатимиз раҳбари томонидан олиб борилаётган ислоҳотларни ҳар биримиз чуқур ҳис қилиб турибмиз. Хеч бир инсон эътибордан четда эмас. Бу борада “Инсон қадри учун” тамойили асосида Янги Ўзбекистонда инклюзив ривожланиш, яъни аҳолининг барча қатламлари учун тенг ҳуқуқ ва имкониятларни таъминлашга қаратилган кенг кўламли ислоҳотлар амалга оширилаётгани муҳим роль ўйнамоқда.

3 декабрь – Халқаро ногиронлар куни муносабати билан, бугундан бошлаб жойларда, хусусан туманимизда ҳам хайрия акцияси старт олди. Шу ўринда айтиш жоизки, имконияти чекланган деб айтаётган фуқароларимизнинг қўл меҳнати билан ясаган буюмларини кўриб, яна бир бор уларнинг айрим имкониятли шахсларданда шижоатли эканига гувоҳ бўласиз.

Бугун ана шундай танида саломатлиги бутун бўлмасада, қалби тўла матонат ва қўли гул инсонларни бир дастурхон атрофига жамладик. Улар билан дилдан суҳбатлашиб, қувончига қувонч қўшганимиздан хурсандмиз.

Сизларни ишонтириб айтаманки, ўзингизни ёлғиз ҳис этмаслигингиз, зарур билим ва касб-ҳунарларни эгаллаб, барча соҳа ва тармоқларда фаол иштирок этишингиз, маданий эҳтиёжларингизни таъминлашингиз учун бор куч ва имкониятларимни сафарбар этаман!

✅Telegram✅Facebook  🌐Instagram