ИЛТИМОС

Сенга додим етмас мени,
Ишқ бағримдан кетмас мени,
Қўй, баҳримдан ўтма мени,
Гуноҳимдан ўт, илтимос.

Не бўлса жим кузатдим-ку,
Хатоларим тузатдим-ку,
Умид билан узатдим-ку,
Қўлларимдан тут, илтимос.

Гар кўчангдан ўтаринг кўп,
Сен деб ғамлар ютаринг кўп,
Бу дунёда кутаринг кўп,
Мени ҳам бир кут, илтимос.

Маликаман, чиқар тахтга,
Гуллаш орзу ҳар дарахтга,
Ғамга ҳечам етма, бахтга
Мендан олдин ет, илтимос.

Майли қаср, сарой солдир,
Лекин ишқсиз жон уволдир,
Мени…
Худо билан қолдир
Сен ўртадан… Кет, илтимос

© Гулжамол Асқарова
http://t.me/Adabiyot_olami