uz Зеленые проекты: новости

Узбекистан сэкономил 1,5 млрд кубометров газа

Новости энергетики uz

Почему Узбекистан выбрал малые модульные реакторы?

Чистая Энергия ӏ Sof Energiya

Безуглеродная энергетика: Узбекистан и мировые новости

Statistika Saralanganlar

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

@Adabiyot_olami

Kanal geosi va tili: O‘zbekiston, O‘zbekcha

Toifa: Ta’lim

* * *
Ёдингдами, айтчи сен туғилган он,
Барча хандон эди, сен эса гирён.
Шундай яшагилки кетар чоғингда,
Барча гирён қолсин сен боргил хандон.
© Абдураҳмон Жомий
https://t.me/Adabiyot_olami

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Postlar filtri

O‘chirilganlarni yashirish

Repostlarni yashirish

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

20 Jan, 10:42

* * *
Табассуминг ёдимда ҳамон,
Ёдимдадир хандон кўзларинг.
Кулгуларинг эслайман, бу он
Унутилган ёлғон сўзларинг.

Атиргулнинг баргидай қизил,
Алвон эди табассуминг ҳам —
Эй кўзлари хандон урган қиз,
Наҳон сендан қолди фақат ғам?!

Мен биламан, энг сўнгги палла
Жонсиз қолиб, сирғалса қўлим,
Сенинг…сенинг табассуминг-ла
Кўзларимга боқади ўлим.

© Хуршид Даврон
https://t.me/Adabiyot_olami

140 0 6 6

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

20 Jan, 09:32

#ТАВАЛЛУД

* * *
Сизга ишонардим,
Сизни севардим,
Севардим севгандек бутун оламни.
Сизчи, алдадингиз…
Тошдек совидим –
Бугун эса урдим мен ўз боламни.

Қуралай кўзларни жовдиратганча,
Боламов, йиғладинг,
Гуноҳинг билмай.
Мен ҳушсиз ётардим –
Теграмда кеча…
Дунёдан кетганча ётардим, ўлмай…

Юрагим ўрнида музлаб ётган тош,
Йиғладим, кўзларим оқиб кетмади.
Мажолим йўқ эди,
Йўқ эди бардош…
Кучим унга етди – сизга етмади…

© Хуршид Даврон
https://t.me/Adabiyot_olami

577 0 7 2 14

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

20 Jan, 07:35

КАМПИР ҲАҚИДА ШЕЪР

Тонгда жўнар бозорга
Дили тўла аламга,
Дили тўла озорга
Ҳеч кими йўқ бу кампир.

Уч-тўрт ҳовуч қурт еган
Олмасини уяди
Ва кечгача саратон
Офтобида куяди.

Ҳеч ким унга қарамас,
Қарамас олмасига,
Одамларга боқар у
Боққандек боласига.

Баъзилар тўғнашаркан
Ногоҳ кампир кўзига,
Чидолмасдан, қайрилиб
Кета бошлар изига.

Ҳеч кимни яқинлатмас
Кўзидаги дард-алам,
Мўлтираб айтса ҳам-ки:
“Олмамдан олинг, болам...”

Шомда уйига қайтар
Кўтариб олмасини,
Кўзидаги аламни,
Дилдаги ноласини.

Аммо субҳи азонда
Дили тўла озорга,
Ҳеч кими йўқ бу кампир
Яна жўнар бозорга...

1988
© Хуршид Даврон
https://t.me/Adabiyot_olami

885 0 20 3 38

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

20 Jan, 07:29

#ТАВАЛЛУД

Бугун адабиётимизнинг устуни, жамиятимиздаги воқеликларга шунчаки кўз юмиб турмайдиган виждонли инсон, Ўзбекистон халқ шоири устоз Хуршид Даврон таваллуд топган кун!

Устоз сизни жуда ҳам ҳурмат қиламан. Сиздек адабиёт дарғалари борлиги, ўзбекнинг бахтидир!
Қанча ёш ижодкорларни қўллаб-қувватлаб келяпсиз, сиздан Ўзи рози бўлсин.
Аллоҳ икки дунё азиз қилсин сизни...

Ҳурмат билан
© Абдувоҳид Сувонов

1941 ЙИЛ. 22 ИЮНЬ. ТОНГОТАР

Уларни отишди тонг палласида…
Отасин қўлини ушлаган гўдак
Милтиқларга қараб секин сўради,
Сўради: «Ўқ тегса оғрирми, дада?»

Унинг овозини босди гулдурак…

Баҳорда жарликни қоплар ўт-ўлан,
Ўтлар узра сузиб ўтар оқ булут
Ва шунда бир чечак аччиқ дард билан
Тинмасдан шивирлар: «Оғриркан, дада!»

Бу нола ҳеч қачон бўлмайди унут…

© Хуршид Даврон
https://t.me/Adabiyot_olami

990 0 10 1 23

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

19 Jan, 15:27

БАЛО

Гоҳи қолдим -
кимдан орқада?
Омад келса
Зўрдан ҳам ўздим!
Таъмагирлик қилмадим асло -
Қўлни чўзсам - фалакка чўздим.

Эгилмадим саждадан бўлак,
Салом берса олдим - аликни.
«Олғир итга» ташладим, суяк -
Кетказдимда - дилдан ҳадикни.

Ўксимадим ҳуда - беҳуда,
Опичладим, сағир кўнгилни.
Бир ташвиш бор, муаммо жуда,
Тиёлсайдим - «ИСЁНЧИ» тилни!

© Абдувоҳид Сувонов
«ЎТИНЧ» китобидан
https://t.me/Adabiyot_olami

2.6k 2 29 9 48

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

19 Jan, 09:00

ТЎРТЛИК

Ишларинг юришиб тургани асно,
Кўпайиб кетади хешу ақрабо.
Дарвиннинг китобин қўлтиқлаб олиб,
“Тоға”, деб келади маймун ҳам ҳатто.

© Абдулла Орипов
https://t.me/Adabiyot_olami

2.8k 0 93 66

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

17 Jan, 09:17

БОПЛАБ УРИШ ДЕГАНИ...
(ҳазил шеър)

Ётган эдим, тўрт безори,
Кириб келди ёнимга.
Тўрт томондан,
Туртиб - нуқиб,
Қасд қилишди жонимга.
Пойлаб туриб бир урдим,
Тўрттаси ҳам қулади,
Боплаб уриш дегани,
Ана - шундай бўлади.

Ҳали улар тўртта экан,
Ўнтасига - қодирман,
Ҳазиллашманг мен билан,
Мен - шунақа ботирман.
Оббо бу кўп мақтанди деб,
Қила кўрманг маш-маша,
Бир уришда қулатганим
Бор йўғ-и, тўртта пашша...

© Шукурулло Сувонов
https://t.me/Adabiyot_olami

2.3k 1 33 7 76

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

16 Jan, 09:47

ЭНГ ГУЛЛАГАН ЁШЛИК ЧОҒИМДА...

Энг гуллаган ёшлик чоғимда,
Сен очилдинг кўнгил боғимда.

Шунда кўрди кўзим баҳорни,
Шунда қалбим таниди ёрни.

Қушлар сайрар жонимга пайваст,
Мен севгининг бўйи билан маст.

Куни билан далада қолдим,
Лолазорлар ичра йўқолдим.

Қучоқ-қучоқ гуллар терганим
Ва келтириб сенга берганим

Кечагидай ҳамон эсимда,
Ҳар сония, ҳар он эсимда.

Шундан бери тилимда отинг,
Шундан бери дилимда отинг.

Энг гуллаган ёшлик чоғимда,
Сен очилдинг кўнгил боғимда.

©Ҳамид Олимжон
1937 йил
https://t.me/Adabiyot_olami

2.9k 0 102 8 67

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 11:22

* * *
Сизда ором қайда,
Сизда тин қайда?
Сиз тўйиб ухлаган битта тун қайда?
Эл-юрт оромини асраган зотлар,
Эл меҳри асрасин сизни хар жойда.

Сизни учратаман тоғда, далада,
Хизматда ҳамиша қорда, жалада,
Сизга сабот берсин, Сизга куч берсин,
Буюк зотлар руҳи шундай паллада.

Йўллар равон бўлсин,
йўллар оқ бўлсин,
Баҳор майсалари кўк чироқ бўлсин,
Бурчга садоқатли эй фидоийлар,
Поклигингиз сизга кўзмунчоқ бўлсин!

© Муҳаммад Юсуф
https://t.me/Adabiyot_olami

5.5k 0 71 43

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 08:40

ҚЎРБОШИЛАР ҚЎШИҒИ

Шимолдан ёғий келар
Талаб қилиб Туронни,
Минг аср эш бўлсак ҳам
Бизга қўшилмас қони,
Ўрнингдан қўзғал энди,
Туркий элнинг ўғлони,
Тулпорингга қамчи ур
Селдай қалқи, бовурим,
Бизлардан шон сўрмоққа
Ватан ҳақли, бовурим.

Туроннинг эр-у қизи
То азалдан мард келар,
Турклар дунё сўрар деб
Қадимдан бир шарт келар,
Душманга қул бўлганнинг
Авлоди номард келар,
То абад тинмасин-а
Мерос чархи, бовурим,
Бизлардан ор сўрмоққа
Ватан ҳақли, бовурим.

Тўтига ошно булбул
Чаманга арзимайди,
Душмандан қочиб ўлган
Кафанга арзимайди,
Мустабидга қул элат
Ватанга арзимайди,
Балки кўрар умрнинг
Келди гашти, бовурим,
Бизлардан ҳол сўрмоққа
Ватан ҳақли, бовурим.

Туркий элат бошида
Бегона тахт кўрмасин,
Бош эгар омонликни
Ўзига бахт кўрмасин,
Кун келиб фарзандини
Ёвга улфат кўрмасин,
Ўзлигинг кўрсатмоқнинг
Келди вақти, бовурим,
Бизлардан кор сўрмоққа
Ватан ҳақли, бовурим.

Бобомдан мерос ватан
Боламга мерос ўтсин,
Шуурига мангулик
Уйғотар овоз ўтсин,
Ёвга қаҳри қаттиқлик
Туркийларга хос ўтсин,
Кўзлардан олов ўтсин,
Ўтсин шахти, бовурим,
Бизлардан юрт сўрмоққа,
Авлод ҳақли, бовурим.

Юрт деб йўлга отладик
Буюкроқ сафар қайда,
Шу йўлда шаҳид кетсак
Бошқа бир зафар қайда,
Қул бўлган тирикликдан
Ортиқроқ хатар қайда,
Отланган ҳар йигитнинг
Шудир ахди, бовурим,
Бизлардан қон сўрмоққа
Ватан ҳақли, бовурим.

Агар ётга қўшилиб
Қондошлар сотса бизни,
Номимизга тупуриб
Хоиндек отса бизни,
Ўтмишидан юз буриб
Бир кун унутса бизни,
Яшамоқдан мани не,
Бу жон надир, бовурим?..
Бизлардан жон сўрмоққа
Ватан ҳақли, бовурим.

© Нажмиддин Эрматов
https://t.me/Adabiyot_olami

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

* * * Ёдингдами, айтчи сен туғилган он, Барча хандон эди, сен эса гирён. Шундай яшагилки кетар чоғингда, Барча гирён қолсин сен боргил хандон. © Абдураҳмон Жомий https://t.me/Adabiyot_olami

2.6k 0 28 5 24

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 08:14

УЙҒОН

Уйғон эй она юрт, уйғон эй Турон,
Кимлигингни айтсин бу кўҳна тупроқ.
Уйғонсин номусинг, кўксингдаги шон,
Ва ишон,
Ва ишон!
Ҳақлилар ичинда ҳақлисан кўпроқ.

Сенинг бобонг тоғни титратган ботир,
Айт, нега мудрайсан, уйғонгин, ўғлон.
Сен ҳам улар каби мардсан, баҳодир,
Уйғонсин номусинг, кўксингдаги шон.

Отларнинг дупури тушингни бузсин,
Орингни ўртага қўйиб жилов тут.
Болангнинг бўйи ҳам ғурури ўссин,
Мардларни эслаб қол, номардни унут.

Йигитлар эр бўлиб сўрайди элни,
Хилватда юрмайди қилиб кўзёши.
Агар сен номусдан боғласанг белни,
Қўллаб турар Шермуҳаммад қўрбоши.

Муродга етгунча изингга қайтма,
Бир ўзинг минг чоғлик қўшиндек тизил.
Жон берсанг шу Ватан номини айт ва
Йиқилма,
Йиқилма!
Тик туриб узил!

© Исломжон Қўчқоров
https://t.me/Adabiyot_olami

1.9k 0 15 23

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 07:50

Bayroging boshingda xilpirar [muzmo.ru] — [muzmo.ru] Marat Hakimov

"Ҳумоқуш ой, юлдуз ялтирар,
Қалқондир ўзбекнинг аскари"...

https://t.me/Adabiyot_olami

1.9k 0 19 11

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 07:01

ВАТАН ДЕБ ЯШАЙЛИК

Юрт учун туғилган ўғлонман,
Мардман, жасурман қўрғонман!
Онамсен, отамсен, борлиқсен -
Ватан деб бонг урган мардонман.
Булбул ҳам яшайди чаман деб,
Ватан деб яшайлик, ватан деб!

Чегаранг қўриқлаб тургайман,
Номингни ардоқлаб юргайман.
Нобакор кимсалар ёв боқса,
Отгайман, ургайман, қувгайман.
Булбул ҳам яшайди чаман деб,
Ватан деб яшайлик, ватан деб!

Қўлимда, кўксимда - қуролим,
Кўкларга қилгайман парвозим.
Юрт учун, халқ учун қалқонман,
Тоғларда ўтгайдир, қиш - ёзим.
Булбул ҳам яшайди чаман деб,
Ватан деб яшайлик, ватан деб.

Муқаддас заминсан эй онам,
Асрайман бўлмагин парвона.
Ватанни, севгайман содиқман,
Бу ватан мен учун ягона.
Булбул ҳам яшайди чаман деб,
Ватан деб яшайлик, ватан деб.

Йигитлик бурчимдир, шонимдир,
Хизмат бу, энг тотли онимдир.
Душманга бошимни эгмайман,
Ватан бу ғурурим, оримдир.
Булбул ҳам яшайди чаман деб,
Ватан деб яшайлик, ватан деб.

Сарҳадни асрайди посбонлар,
Ўктамлар, жасурлар ўғлонлар.
Сиз буюк юртимнинг фарзанди,
Мардонлар, ҳарбийлар, қўрғонлар.
Булбул ҳам яшайди чаман деб,
Ватан деб яшайлик ватан деб!

© Абдувоҳид Сувонов
https://t.me/Adabiyot_olami

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

* * * Ёдингдами, айтчи сен туғилган он, Барча хандон эди, сен эса гирён. Шундай яшагилки кетар чоғингда, Барча гирён қолсин сен боргил хандон. © Абдураҳмон Жомий https://t.me/Adabiyot_olami

2.1k 0 16 1 17

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

14 Jan, 06:31

Қадрли ватан ҳимоячилари!

Сизларни Ўзбекистон Республикаси Қуролли Кучлари ташкил этилганлигининг 33 йиллиги ҳамда Ватан ҳимоячилари куни билан самимий муборакбод этамиз.

Юртимиз тинчлиги ва фаровонлиги, осойишта ҳаётини кўз қорачиғидек асраб-авайлашдек шарафли ва масъулиятли фаолиятингизда улкан муваффақиятлар доимий ҳамроҳ бўлсин.

Ҳурмат билан
© Абдувоҳид Сувонов
https://t.me/Adabiyot_olami

2.4k 0 25 13

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

12 Jan, 19:01

Дўст кўринганлар орасидан душманингни ажратиб олмоқчимисан, хато қилиб кўр, улар дарров ўртага чиқади.

© Рижол Содиқ
https://t.me/Adabiyot_olami

4.8k 0 94 5 58

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

11 Jan, 13:15

ШАККОКЛИК

Чилвир сочларингни қўлим топади,
Лабингни қонталаш тилим топади.

Севгилим, оёғим толди ахтариб,
Энди изларингни йўлим топади.

Сен бировга зорсан, мен ҳам – сенга зор,
Кўзларим топмаса, дилим топади.

Ҳамма бир-бирини ахтарар – топмас,
Ҳаммамизни бир-бир... Ўлим топади.

1992
© Карим Баҳриев
https://t.me/Adabiyot_Olami

2.6k 0 42 2 48

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

10 Jan, 09:15

20 ёшимизда табиат берган истарамиз бўлади; 30 ёшимизда ҳаёт ўзгартирган чеҳрамиз бўлади; 60 ёшда эса биз қандай умр кечирганимизни билдирадиган асл кўринишимизга эга бўламиз.

© Цицерон
https://t.me/Adabiyot_Olami

5.9k 0 187 3 69

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

10 Jan, 08:10

Биз эга бўлишимиз мумкин бўлган энг гўзал тажриба, бу - сирлилик. Бу ҳақиқий санъат ва ҳақиқий илмнинг негизида турадиган асосий туйғудир.

© Алберт Эйнштейн
https://t.me/Adabiyot_olami

3k 0 48 35

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 Jan, 16:41

ЧИДАЙСАН, БОЛАМ

Жисмимни кўтариб турибди тупроқ,
Ернинг устидаман, йўқ зарра нолам.
Ўзи чорлар бир кун бағрига, бироқ
Менсиз қолганингда чидайсан, болам.

Ҳай дунё, ўзингни бир пулга сотдинг,
Калава топдинг-у учин йўқотдинг.
Мен каби охири ғафлатда қотдинг,
Менсиз қолганингда чидайсан, болам.

Инсон эзгуликдан топгай фароғат,
Нима зарур унга зулму қабоҳат.
Кимдир уриштириб, қилгайдир роҳат,
Менсиз қолганингда чидайсан, болам.

Ерни ҳам, кўкни ҳам айладим тавоф,
Лекин ҳеч биридан чиқмади жавоб.
Бўғзимда “Нега?” деб қотди бир хитоб,
Менсиз қолганингда чидайсан, болам.

Дунёга боқмадим мен асло ёвдек,
Гоҳо тўсса ҳамки йўлимни ғовдек.
Ҳар ҳолда, гаплашдик икки соқовдек,
Менсиз қолганингда чидайсан, болам.

© Абдулла Орипов
https://t.me/Adabiyot_olami

6.1k 2 108 1 74

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 Jan, 13:13

* * *
Хастамен… Фикрга, туйғуга тўлиб —
Ой менга ҳамқадам — сокин юрамен.
Соғайсам бир куни ёзамен тўйиб,
Ҳисларга қалбимни қўшиб ёзамен.

...Кечалар юрурмен телбадай ҳориб –
Бошимда ой борур — менга ҳамқадам.
Хаёллар учади машъалдай ёниб,
Тўйиб ёзажакман бир кун соғайсам...”

© Ойбек
1959, 15-август
https://t.me/Adabiyot_olami

2.8k 0 37 2 42

20 ta oxirgi post ko‘rsatilgan.

5 082

obunachilar

Kanal statistikasi

Kanalda mashhur

ЯНГИ ЙИЛ Кўнгил маъюс тортди йилнинг сўнгида, Билмам, ниманг билан сеҳрладинг, қор. Бугун куппа-...

#ҲИКМАТ «Агар ўзбеклар бошқа ишларга ҳам ошга келгандек бирлашиб йиғила олганларида эди, дунёда ...

Қадаминг муборак бўлсин, янги йил, Умрим дафтарининг шероз йили бўл. Умид манзилини бизга яқин қи...

ЧИДАЙСАН, БОЛАМ Жисмимни кўтариб турибди тупроқ, Ернинг устидаман, йўқ зарра нолам. Ўзи чорлар б...

20 ёшимизда табиат берган истарамиз бўлади; 30 ёшимизда ҳаёт ўзгартирган чеҳрамиз бўлади; 60 ёшда...