El-klassiko haqida ikki ogʻiz

Real Madrid muxlisi sifatida qabul qilish qiyin boʻlgan oʻyin lekin...

Adekvat boʻlib qarasak, Barselona bugun yaxshiroq oʻynadi va haqli yutdi.

Barselonaning Bavariya bilan oxirgi oʻyinini koʻrgandim. Rostan ham himoyachilari maydon markazigacha koʻtarilib oʻynashadi. Sunʼiy offside yaratishadi.

Yaxshi tomoni, individual himoyalanish shart emas, shunchaki birgalikda chiziqni toʻgʻri ushlashsa boʻldi. Buni bugungi oʻyinda ham mukammal bajarishdi.

Bu taktikaning nozik jihati – tez yuguradigan va dribblingi kuchli hujumchilar.

Mbappe bilan Vinisius tezligi bilan qochadi va gol uradi deb umid qilgandim. Bir necha marta buni uddalashdi, lekin gol urilmadi. Bunda ikkisining ham aybi bor.

Himoyada ham muammolar yetarlicha. Barselona esa imkoniyatlarini golga aylantirdi.

Oʻyin rejasini toʻliq bajara olgan jamoa yutishi neytral olib qaralsa, adolatdan boʻladi.

Keyingi oʻyinlarda xatolarini toʻgʻrilab, yaxshiroq formaga qaytishadi deb oʻylayman.

🙍🏻‍♂ @yuldoshev_0dilbek