me :)

#kitobdan

"Har mo'min kishi musulmondir, ammo har musulmon banda mo'min bo'la olmaydi.!"
P/s: Tushunish uchun qaytadan o'qing.

O'qilmagan kitoblarim qarg'ashni boshlashdi meni..

Qalbingni shishadek tutsang sindirarlar.
Toshdek tutsang uzoqlasharlar.
Guldek tutsang yulib olishga urinarlar...
Sen qalbingni dengiz kabi tut!
Kirgan ko'milsin.
Suzishni bilgan qutulsin.
Bilmagan bo'g'ilsin!

© Mahbubiydan

me :) kanali...

— Senga yozayotgan paytimdagi tabassumimni endi hech qayerdan topolmasam kerak..

Gaplarim bilan kimnidir bugungi ishtahasini bo'g'ib qo'ygan bo'lsam, ma'zur tutasizlar.
Xavotir olmanglar, soat 00:00gacha yozganlarim esingizdan ham chiqib ketadi.

31-dekabr

Negadir shu kun kelishi oldidan umuman ko'chaga bir qadam ham bosgim kelmaydi.
Atrof shovqin-suron: "Yangi yil shukuhi" .
Rastalarda 1oy oldinlab shu bir kun uchun tayyorlangan narsalar paydo bo'lishni boshlaydi.
Hamma xursand, ko'zi narsalarni ko'rib quvnaydi.
Negadir men ichimdan g'alati bir holga tushaman...

Yuqorida suhbat linkini tashlagan edim.
To'liq ko'rganlar eshitgandir:
MuhammadAli Eshonqulov "Maymunlar tajribasi" haqida gapirdilar.
Nima qilishayotganini o'zlari bilishmaydi, o'zlaridan oldingilar shunday qilishgani uchun ular ham xuddi o'shanday yo'l tutishadi.
Men gaplarim bilan o'zimni ongli, dindor yoki aqlli ko'rsatmoqlikdan yiroqman, chunki menda ham ko'p qusur-kamchiliklar bor.

Lekin tafakkur qilib ko'rilsa, insonlar ko'p narsalarni ongsiz ravishda bajaradilar.
Masalan to'y borasida, Yangi yil to'g'risida.
- O'zi nega bularni qilish kerak, qatordan qolmaslik uchunmi, yoki ommadan ajralib qolmaslik uchunmi ?
— Yo'q, qilish kerak!
— Lekin nega ??

Yoshi katta odamlar o'rnak bo'lishni o'rniga bolasi tengilarga paqildoqlar sotishadi, shu kun kechasi umuman tinch uxlab bo'lmaydi.
Atrof qah-qahayu, baqir-chaqir, shovqin-suron, paqillagan ovozlarga to'ladi..

Xuddi oylab och qolgan odam kabi shu kun xillab taomlar tayyorlanadi.
Qizig'i, ovqatlanmay soat 00:00 ni kutishadi.

— Yangi yil emasuuu..
deb odamlar o'zini o'zi yupatadi.
Ajiyb..

Bilmadim, gapirsang aqllilik qilayotgandek ko'rinasan, gapirmasang vijdoning qiynaladi..
E'tiqodimizga zarar yetmasin, bir daqiqaga bo'lsa ham o'z holimizga tashlab qo'ymasin.

Bu audioni eshitganimga chamasi 1yildan oshdi, balkim siz ham eshitgandirsiz.
Foydali bo'lishi uchun yuboryapman.

Qalbingizni pok saqlab, yaxshisiga munosib bo'ling.
Sizni o'ziga qaratmasin, dunyo fitnasi, yaxshi gaplar ortiga yashirinadigan nopok kimsalar.
Qalbingizni pokiza tuting.
Zero, qalb kirib-chiqiladigan karvonsaroy emas.
Ali Tantoviy aytganlaridek:
"Barcha ayollar bir-biriga o'xshaydi. Ularni faqat hayo ajratib turadi".
Shuni unutmangki, haromni aylanib o'tsangiz ham, kesib o'tsangiz ham u haromligicha qolaveradi.
Hayo etagidan mahkam tuting.
Qalb eshigingizni shunday mahkamlangki, unga birov kira olmasin.
Qachondir kimdir hayotingizda paydo bo'lgan paytida ham uning qarshisida pok vijdon bilan turing.
Lekin o'sha kimdirni ham darrov qalbingizga kiritmang, qalb eshigingiz ostonasida tura tursin, kutsin !
Sizga faqatgina nikoh orqali erishish mumkinligini mas'uliyat bilan his etsin.
Ishoning, payti kelganda sabr bilan kutganlaringiz uchun shukr qilasiz.
Qadringizni, qiymatingizni yo'qotmang.

Olimlarning aniqlashicha, uyini o'ta ozoda-saranjom tutadigan ayollarning psixologiyasida muammo bor ekan.
Uyda umuman chang bo'lmasligi, o'taketgan tartib, sal betartiblik bo'lsa chiday olmaslik ayolning psixologik kasallik belgisi hisoblanarkan.

P/s: Xabarni onamga yuborib qo'ydim. "Mana ko'rdizmi,aya. Qizizni asabi joyida, soppa-sog'" deb.

#nazm

Nafsing yutugʻiga bomdodlar qurbon...

Bugun ham har kungi holating takror,
Yotibsan to peshin kirgan vaqtgacha.
Hali ham ishingda qilmading qaror,
Vaqting oʻtayabti bekor kechgacha.

Gʻaflatda oʻtkazding tunning yarmini,
Kunduzi koʻzlaring zinoda doim!
Bomdodga oz qolgach uxlab qoldingmi?
Namozing har doim qazoga qoim!

Tavbadan yiroqsan, shayton aldagan,
Hali bor yashaysan to yetmishgacha...
Balki umring soʻnggi kelib qadalgan ,
Balki yetmassan ham to oʻttizgacha...

Kunlari suhbatlar eshitib, yigʻlab,
Tunlari gulyoring bilan bedorsan!
U bilan zinoda baxtingni tilab,
Ishqim deb har kecha unga bemorsan.

Rosulim, Rosulim deysan-u ammo,
Suratlar goʻzaldir, qalblaring qora.
Din ishi kelganda boʻlgaysan dono,
Ishqing haqiqatmi holingga qara.

Orzular osmonda, bulutga yetgan,
Himmat, harakatni tuproqqa koʻmib.
Ulugʻlar natijani sababga ekkan,
Degan har amalda qolaman oʻlib.

Qachonga toʻxtaydi bejavob soʻzlar,
Beamal ilmlar, bemaqsad kunlar.
Nuri tugayabti, charchagan koʻzlar,
Ibodatsiz oʻtar har kecha tunlar ?!

Boʻldida yetarli qup-quruq vaʼda,
Qani endi mundoq himmat qilginchi?!
Boʻgʻizga nafasing tiqilgan damda,
Keyin kech boʻladi, shuni bilginchi?!

Qachon ishing boshlabon oxirga yetdi?
Har doim har vaqtda bahona tayyor!
Hammasi bir boʻlib qolib ham ketdi,
Himmatsiz, bemaqsad, qilgin oʻzdan or !

Musʼhafing chang bosdi, uyat emasmi?
Yuribsan kitobxon, kitobchiman deb,
Ul zotlar koʻrganda, dakki bermasmi?
Endi muhabbatdan soʻz ochma hadeb!

Yetar endi riyo, yetar manmanlik
Bilganing 4 ta gap, qilganing ham yoʻq .
Oʻzingga kasb qilgin, asl kamtarlik,
Hozir niyat qilgin, orqaga yoʻl yoʻq!

Ey yigit, oʻqigin ilmsiz boʻlma!
Oʻzingga bu yoʻlni yechim deb bilgin.
Bu holda oʻzingni yigitman dema!
Nelarga qodirsan tafakkur qilgin...

Ey ayol, oʻqigin ilmsiz boʻlma!
Sen bilan bir oila najotga yetar.
Oʻqimay biror kun gʻaflatda qolma,
Millat sen-la axir bilgin yuksalar.

Afsuski shu zayl oʻtmoqda kunlar,
Gunohlar oldida vijdonim qolgan...
Eslatma qachondir manfaat berar,
Nafsim yutugʻiga bomdodlar qurbon...

U kunda uyalib qolmayin desang,
Maxfiy gunohlarni tark etgin birdan.
Odamlar koʻrmadi deya jim ketsang,
Buyuk Robbing nomin sen unutibsan... (Afsus...)

— Ishonmagin doʻstingga,
Reaksiya bosmas postingga..

deyishganakan..

Bu yil "Uyda yolg'iz" ni ko'rmayotganimga qaraganda men katta bo'libmanda?

#xotiralar

Kecha bolaligim birga o'tgan yaqinim bilan birga vaqt o'tkizdik.
"Takrorlanmas lahzalar takrorlanmas insonlar bilan bo'ladi" deydiyu..
Tashqari sovuq bo'lishiga qaramasdan, ko'chada aylanib suhbat qurib yurib ketishni ma'qul ko'rdik:
— Eslaysanmi, hamma ko'chalarni kezib chiqardik.
Men "tezkor" edim..
— Eslaysanmi, opalarimiz bizni ko'p aylantirishga olib chiqishardi.
Biz ularni gaplarini poylashni yaxshi ko'rardik. Qochishga urinishmasin, orqalaridan qolmasdik.
Qara, bizni katta qilib o'ynatganlar hozir bolalarini o'ynatib yurishibdi..
Eh.. Yoshligimiz shunchalik tez o'tib ketdimi?
— Eslaysanmi sizlarnikiga borsak.... Eslaysanmi?.. Eslaysanmi?..

Va gapning o'rtasida negadir uzr so'ragim keldi.
— Seni ko'p xafa qilgan bo'lsam kerak-a? Unda hali bola edimda..

Bir mahallar bo'yim undan uzunroq edi..
"Yoningizdagi qiz kim?" deb so'rashsa, "Jiyanim" der edim😁.
Hozir bo'yimiz ham tenglashibdi.
Yoshimiz teng, faqat oylikka mendan kichikroq edi, u hozir maktabda o'qiydi, men esa Univerda.
— Yoshlik boshqacha edi-a?
Haqiqiy hayot hali oldinda..

Oldin suhbatlarimiz aka, opalarimizning to'ylarini qanday o'tkizish bo'lardi, butun to'y ssenariysi bizni xayollarimizda aylanardi, xuddi hammasini biz qiladiganday.
Maktab paytiga yaqin "konstovar".
Maktab paytida maktabdagi voqealar suhbat mavzusi edi..
Ha..
Demak suhbat mavzulari o'zgarganga qaraganda, biz ham ancha ulg'ayibmiz..
Faqat bir narsani ayta olmadim, balki o'zi o'qir..
"Yillar, hayotning sinov deb atalgan narsasi seni o'zgartirib yubormasin.
Hamisha o'sha men senda ko'rgan beg'uborligingcha qol!"

Hayot odamni nimalarga majbur qilmeydiya..

(˙˙˙ɐzᴉsɹoʎʎɐʇ ɯɐɥ ɐƃɥsᴉɹᴉʇuɐlʎɐ ᴉuzᴉƃuᴉuoɟǝlǝʇ unɥɔn ɥsᴉb,o ᴉuɹɐlʇsod ᴉƃɐplɐuɐʞ

#tavsiya

Kun qisqa, kechasi esa uzun.
Vaqtingizni keraksiz va tuturuqsiz 15soniyalik videoroliklarni ko'rishga soatlab sarflamang.
Foydali ilmiy suhbatlar, ilm ahillari tomonidan tashkillashtirilgan suhbatlarni tinglang.
Masalan, buni har bir inson ko'rishi shart bo'lgan suhbat deb hisoblayapman.
Manfaatli bo'lsin.
Ko'rish uchun:

https://youtu.be/p7BJrcfM5Og?si=xVI84ErVanJPdDWg

#shunchaki

Agar yozganlarim ichida o'zingni topa olmasang...
Bilginki, sening o'rning qalbimda.
Va seni o'zgalar o'qimasliklari uchun ham yoza olmayman.
Chunki seni hammadan qizg'onaman!