#Туғилган_кун
УЗОҚНИ КЎЗЛАГАН ҚИЗ "Ёшлар кундалиги" медиа лойиҳасининг энг бахтли вакилалари Анора Абдурашидова ҳамда Зилола Ҳакимжоновадир. Энг кичик ходимлар бўлган қизлар устозлардан энг кўп билимни олмоқда. Табиийки, даккилар ҳам шунга яраша. Ўтган йиллар мобайнида улар Беҳзод Қобулов, Нигора Ўролова, Абдулазиз Мусаев, Дилшода Аннаева, Малоҳат Йўлчиева, Отабек Турсунқулов, Бахтиёр Қурбонов, Мирзоозод Мирзонеъматов каби ижодкорлардан матн, фото, видео билан ишлаш, ижтимоий тармоқларда тарғибот қилиш сирини ўрганди.
Бугунга келиб, ёш бўлишса ҳам лойиҳанинг асосий устунларидан бирига айланиб боришмоқда. Ақл ёшда эмас бошда, дейишади-ку.
Ана шундай олтин бошлардан бири Музайяна Алавия юрти бўлмиш Пискент қизи Зилола Ҳакимжоновадир. Бир асрнинг бешдан бирини ортда қолдираётган ҳамкасбимиз бугун ёзма ва оғзаки нутқини сайқаллаб бормоқда. Бу борада қатор ютуқларга ҳам эришди.
Ўзбекистон Журналистика ва оммавий коммуникациялар университетида талаба бўлса ҳам аллақачон тайёр кадр.
Зилолани ҳали болалик маъсумлиги тарк этмаган. Юрагида кўз очган ёшлик чашмасининг манбаси ҳамон ўша болаликдир. Умид қиламизки, бу зилоллик эгасини бир умр тарк этмайди. Зеро, ижодда поклик ва самимийлик муҳим ўрин тутади.
Зилола айрим тенгдошлари журналистикада нима қилишни билмай, боши қотиб турган пайтда кўп ишларни қотириб ташлади.
Тилак. Ҳамкасбимизга сиҳат-саломатлик, тинчлик-хотиржамлик, янги ижодий парвоз завқини тилаймиз!
@OtabekBaxtiyor
