Law with Abbosbek🏛️

❗️ Bugun hamma xodimlar 1 soat vaqtli ketishi kerak!

Mehnat kodeksining 187-moddasiga koʻra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 8-mart — Xalqaro xotin-qizlar kuni, yaʼni ishlanmaydigan bayram. Shu bois bugun ishga chiqqan xodimlar 1 soat vaqtliroq uyiga ketishga haqli.

❗️Bayramdan oldingi kuni ishning (smenaning) davomiyligini qisqartirish imkoni boʻlmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qoʻshimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar boʻyicha haq toʻlash orqali kompensatsiya qilinadi.

Siyosiy partiyalar

💥 XDP(O'zbekiston xalq demokratik partiyasi) - 1991-yil 15-noyabr
💥Oʻzbekiston "Adolat" sotsial demokratik partiyasi- 1995-yil 18-fevral
💥 Oʻzbekiston Milliy tiklanish demokratik partiyasi - 1995-yil 3-iyun
💥 O'zLiDep - Oʻzbekiston Liberal-demokratik partiyasi - 2003-yil 15- noyabr
💥O'EP- Oʻzbekiston Ekologik partiyasi - 2019-yil 22-yanvar.

©️ Abbosbek Yusupov

#Bismillah

🕌Ramazon oyining ilk kuni barchangizga muborak boʻlsin🎉

Roʻzalarimizni to'la ado etishimiz uchun Allohim hammamizga sabr bersin🤲 Ushbu oyda barcha yaxshi niyatlarimizga erishaylik va Allohim barcha bilib-bilmay qilgan gunohlarimizni magʻfirat qilsin ilohim🤲❤️

💫 Shu oydan boshlab egri yoʻldan yurganlar toʻgʻri yoʻlga oʻtsin, namoz oʻqimayotganlar namozni boshlasin, insofsizlarga Allohim insof bersin, barcha yaxshi niyatlarimizning amalga oshishiga ushbu oy qaldirgʻoch boʻlib bersin ilohim🤲🤲🤲😇

Qishning so'ngi kuni muborak ❤️❤️❤️

✨✨✨Ertadan esa RAMAZON🌟🌜🌜🌜 kirib keladi. 12 oylar ichra eng afzali, eng samimiysi, eng mehriboni 😊❣

#Қонун

Қонунлар нормаларининг аниқ ва бир хил қўлланилиши таъминланади

“Иқтисодий жиноятларга қарши курашиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги Қонун (ЎРҚ-1038-сон, 25.02.2025 й.) қабул қилинди

🔰Қонун билан Жиноят-процессуал кодексига ва “Коррупцияга қарши курашиш тўғрисида”ги Қонунга Иқтисодий жиноятларга қарши курашиш департаментининг жиноят ишлари бўйича терговни юритиш борасидаги ваколатлари аниқлаштирилишини назарда тутувчи ўзгартириш ва қўшимчалар киритилди.

#qonunchilik_hujjati #dastur_doirasida 13-qism

➡️ 18-modda. Fuqarolar yig‘ini faoliyatining asosiy yo‘nalishlari bo‘yicha komissiyalar va taftish
komissiyasi

Fuqarolar yig‘inlarida fuqarolar yig‘ini faoliyatining asosiy yo‘nalishlari bo‘yicha quyidagi komissiyalar tuziladi:

1️⃣ yarashtirish komissiyasi;
2️⃣ ma’rifat va ma’naviyat masalalari bo‘yicha komissiya;
3️⃣ ijtimoiy qo‘llab-quvvatlash bo‘yicha komissiya;
4️⃣ xotin-qizlar bilan ishlash bo‘yicha komissiya;
5️⃣ voyaga yetmaganlar, yoshlar va sport masalalari bo‘yicha komissiya;
6️⃣ tadbirkorlik faoliyati va oilaviy biznesni rivojlantirish masalalari bo‘yicha komissiya;
7️⃣ ekologiya va atrof-muhitni muhofaza qilish, obodonlashtirish va ko‘kalamzorlashtirish bo‘yicha
komissiya;
8️⃣ jamoatchilik nazorati va iste’molchilarning huquqlarini himoya qilish bo‘yicha komissiya

➡️ Komissiyalarga rahbarlik, qoida tariqasida, fuqarolar yig‘ini raisi va uning maslahatchilari tomonidan amalga oshiriladi.

➡️ Komissiya a’zolarini saylash ochiq yoki yashirin ovoz berish yo‘li bilan, fuqarolarning qonunda belgilangan saylov huquqlari kafolatlari ta’minlangan holda amalga oshiriladi. Komissiya tarkibiga nomzodi ko‘rsatilgan shaxs fuqarolar yig‘inida hozir bo‘lganlarning yarmidan ko‘pi uni yoqlab ovoz bergan taqdirda saylangan hisoblanadi.

➡️ Taftish komissiyasi fuqarolar yig‘inining moliya-xo‘jalik faoliyatini tekshirish uchun tuziladi. Taftish komissiyasi o‘z faoliyatida mustaqildir va faqat fuqarolar yig‘iniga hisobdor bo‘ladi.

➡️ Fuqarolar yig‘ini faoliyatining asosiy yo‘nalishlari bo‘yicha komissiyalar va taftish komissiyasi o‘z faoliyatini fuqarolar yig‘ini tomonidan tasdiqlanadigan nizomlar asosida amalga oshiradi.

➡️ Fuqarolar yig‘ini faoliyatining asosiy yo‘nalishlari bo‘yicha komissiyalar va taftish komissiyasi to‘g‘risidagi namunaviy nizomlar O‘zbekiston Respublikasi Vazirlar Mahkamasi tomonidan tasdiqlanadi



🔝 Asos: “Fuqarolarning o'zini o'zi boshqarish to'g'risida"gi qonun

⚡️ Endi Maʼmuriy javobgarlik toʻgʻrisidagi kodeksning baʼzi moddalarini buzgan huquqbuzarlarga jarima ballarini hisobga olish koʻzda tutilmoqda:

1. 125-moddasi uchinchi qismi — haydovchilarning tormoz tizimida, rul boshqaruvida yoki ulovchi qurilmada nosozligi boʻlgan yoxud tegishli ruxsatnomasiz qayta jihozlangan transport vositalarini boshqarishi;

2. 125-moddasi beshinchi qismi — Foydalanish belgilangan tartibda man etilgan transport vositalarini, xuddi shuningdek davlat raqam belgisi oʻzboshimchalik bilan yechib olingan transport vositalarini boshqarish;

3. 126-moddasi — Koʻzgusimon va (yoki) tusi oʻzgartirilgan (qoraytirilgan) oynali, shuningdek tevarak-atrofni koʻrishni cheklaydigan qoplamali transport vositalaridan foydalanish;

4. 127-moddasi birinchi qismi — Tovush signalini sababsiz berish, transport vositalariga uni ishlab chiqargan korxona nazarda tutmagan tovush chiqaruvchi va yorituvchi qurilmalarni oʻrnatish, xuddi shuningdek ularni oʻzgartirib oʻrnatish;

5. 128-moddasi — Haydovchilarning transport vositalarini piyodalar yoʻlkalaridan yurgizishi, yoʻl belgilari va yoʻl harakatining boshqa qoidalari talablariga rioya etmasligi;

6. 128-3-moddasi —  Transport vositalari haydovchilarining belgilangan harakat tezligini oshirib yuborishi;

7. 128-4-moddasi ikkinchi qismi — Transport vositalari haydovchilarining svetoforning taqiqlovchi signaliga yoki yoʻl harakatini tartibga soluvchining taqiqlovchi ishorasiga boʻysunmasdan oʻtishi;

8. 128-5-moddasi — Transport vositalari haydovchilarining xalaqit berishi yoki avariya holatini yuzaga keltirishi, yoʻlning qarama-qarshi harakatlanish uchun moʻljallangan tomoniga yoki boʻlagiga chiqishi;

9. 28-6-moddasi — Transport vositalari haydovchilarining toʻxtash yoki toʻxtab turish qoidalarini buzishi;

10. 28-8-moddasi — Transport vositasida odam tashish qoidalarini buzish;

11. 28-9-moddasi — Transport vositalarida quvib oʻtish qoidalarini buzish;

12. 129-moddasi — Transport vositalari haydovchilarining yoʻl harakati xavfsizligiga tahdid soluvchi guruh boʻlib harakat qilishda qatnashishi;

13. 130-moddasi — Transport vositalari haydovchilarining temir yoʻlning oʻtish joylaridan oʻtish qoidalarini buzishi;

14. 137-moddasi birinchi qismi— Yoʻl-transport hodisasi qatnashchilarining belgilangan qoidalarni buzgan holda hodisa yuz bergan joydan ketib qolishi.

Eslatma: har bir huquqbuzarlik uchun eng yuqori jarima bali 2 balldan oshmasligi lozim. Jarima ballari yuqoridagi huquqbuzarliklar birinchi marta sodir etilgan kundan eʼtiboran yil davomida hisoblab boriladi. Jarima ballari bir yil oʻtgach, avtomatik ravishda yechiladi. Jarima ballarini hisoblash tartibi hukumat tomonidan belgilanadi.

📌 #Normativ_huquqiy hujjatlarning #turlari quyidagilardan iborat:👇👇👇

1⃣ O‘zbekiston Respublikasining Konstitutsiyasi♦️

2⃣ O‘zbekiston Respublikasining qonunlari♦️

3⃣ O‘zbekiston Respublikasi Oliy Majlisi palatalarining qarorlari♦️

4⃣ O‘zbekiston Respublikasi Prezidentining farmonlari va qarorlari♦️

5⃣  O‘zbekiston Respublikasi Vazirlar Mahkamasining qarorlari♦️

📌#Qonun_osti hujjatlari quyidagilardan iborat:👇👇👇

1⃣  Prezident farmonlari va qarorlari♦️

2⃣ Vazirlar Mahkamasi qarorlari♦️

3⃣ Vazirlik va idoralar buyruq va qarorlari♦️

4⃣ Mahalliy davlat hokimyati qarorlari♦️