YURIDIK TAʼLIM / Rasmiy kanal

Xotin-qizlar ham DXXga ishga kirishi mumkinmi?

Davlat xavfsizlik xizmatiga ishga kirish tartibi haqida to'xtaladigan bo'lsak, “Davlat xavfsizlik xizmati toʻgʻrisida”gi qonunning 40-moddasiga ko'ra Davlat xavfsizlik xizmatiga harbiy xizmatga (ishga) qabul qilinayotgan, shuningdek Davlat xavfsizlik xizmati toʻgʻrisidagi maʼlumotlardan foydalanishiga ijozat beriladigan Oʻzbekiston Respublikasi fuqarolari, agar qonun hujjatlarida boshqacha tartib nazarda tutilmagan boʻlsa, davlat sirlarini tashkil etuvchi maʼlumotlardan foydalanishga ijozatni rasmiylashtirish tartib-taomilidan oʻtadi. Mazkur normaga muvofiq, fuqarolarni ishga qabul qilish tartib-taomili sir tutilishi belgilangan.

Fuqarolarni Davlat xavfsizlik xizmatiga xizmatga qabul qilish, ularni lavozimga tayinlash, mansabini ko‘tarish va boshqa lavozimga o‘tkazish ularning jinsi, irqi, millati, tili, dini, ijtimoiy kelib chiqishi, shaxsiy va ijtimoiy holatidan qat’i nazar amalga oshiriladi. Davlat xavfsizlik xizmatining harbiy xizmatchilariga nisbatan maxsus talablar Davlat xavfsizlik xizmati raisi tomonidan belgilanadi

DXX ga ishga qabul qilish masalasida qay tartibda oʻtishi, ishga kirishda qanday talablar qoʻyilishi shuning bilan birga qaysi soha mutaxasisslari ishga qabul qilinishi maxfiy maʼlumot hisoblanadi.

O'zbekiston Respublikasi Konstitutsiyasi 58-modda.
Xotin-qizlar va erkaklar teng huquqlidir. Davlat xotin-qizlar va erkaklarga jamiyat hamda davlat ishlarini boshqarishda, shuningdek jamiyat va davlat hayotining boshqa sohalarida teng huquq va imkoniyatlarini ta'minlaydi.

Xullosa shuki, Davlat xavfsizlik xizmati oganlariga xotin-qizlarni ishga qabul qilishga oid hech qanday taqiq qo'yilmagan, DXXga ishga qabul qilish jinsi sababli rad etilmaydi.

© Yurisprudensiya.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️✅ «Yurisprudensiya» abituriyentlari diqqatiga: Bojxona institutiga o'qishga kirish uchun arizalar qabul qilish davom etmoqda.

📬 Bojxona institutiga o‘qishga kirish uchun arizalar 2025 yilning 1 yanvaridan – 1 apreliga qadar davom etadi.

📥 Nomzodlar qabul bo'yicha doimiy yashash, o‘qish, muddatli harbiy xizmat o‘tayotgan hududda joylashgan bojxona boshqarmalariga murojaat etishlari mumkin.

◾️ Maʼlumot olish uchun, Hududiy bojxona boshqarmalarining telefon raqamlari Bojxona qo‘mitasining veb-sayti (https://customs.uz/uz/) “Hududiy boshqarmalar” ruknida qayd etilgan.

🏢 Institutda o‘qish kunduzgi shaklda, ta’lim muddati 4 yil, iqtisodchi va huquqshunos mutaxassisliklari bo‘yicha tayyorlanadi. O‘qishga qabul qilinganlar to‘liq davlat granti asosida o‘qitilib, bepul formali-kiyim bosh va oziq-ovqat bilan ta’minlanadi hamda tibbiy xizmat ko‘rsatiladi.

📊 Bojxona institutida o‘qish davri bojxona organlarida xizmat qilgan davrga qo‘shiladi.

💻 Talabgorlar bojxona institutiga tanlov bosqichlari va belgilangan me’yorlar bilan Bojxona instituti bakalavriatiga o‘qishga qabul qilish tartibi to‘g‘risidagi Nizom orqali batafsil ma’lumot olishingiz mumkin.

✅ «Yuridik ta'lim»: Eslatib o'tamiz Bojxona qo'mitasining Bojxona institutida 2024-2025-o'quv yilidan boshlab, «Yurisprudensiya: iqtisodiy xavfsizlikni huquqiy ta'minlash» ta'lim yo‘nalishiga fanlar majmuasi asosiy fanlari quyidagicha belgilangan:

◾️ 1—fan: «Huquqshunoslik fanlari».
◾️ 2—fan: «Chet tili»

♻️ Abituriyentlarga yuboramiz.

© Manba: «Yuridik ta'lim».

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

✅ O'zbekiston Respublikasi Konstitutsiyasining tuzilishi.

Muqaddima

📝BIRINCHI BO'LIM .ASOSIY PRINSIPLAR .
📌1-bob. Davlat suvereniteti (1-6-moddalar)
📌2-bob. XaIq hokimyatchiligi (7-14-moddalar)
📌3-bob. Konstitutsiya va qonunning ustunligi (15-16-moddalar).
📌4-bob. Tashqi siyosat (17-18-moddalar)


📝IKKINCHI BO'LIM . INSON VA FUQARONING ASOSIY HUQUQLARI, ERKINLIKLARI VA BURCHLARI.
📌5-bob. Umumiy qoidalar (19-21-moddalar).
📌6-bob. Fuqarolik (22-24-moddalar)
📌7-bob Shaxsiy huquq va erkinliklar (25-35-moddalar).
📌8-bob. Siyosiy huquqlar (36-40-moddalar)
📌9-bob. Iqtisodiy , ijtimoiy , madaniy va ekologik huquqlar (41-53-moddalar).
📌10-bob. Inson hamda fuqaroning huquq va erkinliklari kafolatlari (54-58-moddalar).
📌11-bob. Fuqarolarning burchlari (59-64-moddalar).


📝UCHINCHI BO'LIM. JAMIYAT VA SHAXS
📌12-bob. Jamiyatning iqtisodiy negizlari (65-68-moddalar).
📌13-bob. Fuqarolik jamiyati institutlari (69-75-moddalar)
📌14-bob. Oila, bolalar va yoshlar (76-80-moddalar).
📌15-bob. Ommaviy axborot vositalari (81-82-moddalar)(@yuridik_talim).



📝TO'RTINCHI BO'LIM. MA'MURIY-HUDUDIY VA DAVLAT TUZILISHI
📌16-bob. O'zbekiston Respublikasining ma'muriy-hududiy tuzilishi (83-84-moddalar).
📌17-bob. Qoragalpog'iston Respublikasi (85-90-moddalar)


📝BESHINCHI BO'LIM . DAVLAT HOKIMYATINING TASHKIL ETILISHI .
📌18-bob. O'zbekiston Respublikasi Olly Majlisi (91-104-moddalar).
📌19-bob. O'zbekiston Respublikasi Prezidenti (105-113-moddalar).
📌20-bob. O'zbekiston Respublikasi Vazirlar Mahkamasi (114-119-moddalar)
📌21-bob. Mahalliy davlat hokimiyati asoslari. Fuqarolarning o'zini o'zi boshqarish organlari (120-127-moddalar).
📌22-bob. Saylov tizimi (128-129-moddalar).
📌23-bob. Sud hokimyati (130-140-moddalar).
📌24-bob. Advokatura (141-142-moddalar).
📌25-bob. Prokuratura (143-146-moddalar).
📌26-bob. Moliya, pul va bank tizimi (147-151-moddalar)
📌27-bob. Mudofaa va xavfsizlik (152-153-moddalar)

 
📝OLTINCHI BO'LIM . KONSTITUTSIYANI O'ZGARTIRISH TARTIBI (154-155-moddalar).

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

✅ Diskriminatsiya nima ?!

📊 Diskriminatsiyaga uchragan. Bu soʻzni koʻp eshitganmiz, u qanday maʼnoni anglatadi?
Diskriminatsiya (lot. dischriminatio – cheklash, kamsitish) – odatda davlatning, yuridik yoki jismoniy shaxslarning huquqlari boshqa davlatlar, yuridik yoki jismoniy shaxslarga nisbatan kamsitilishini anglatadigan umumhuquqiy atama.
Diskriminatsiya - odamlar bilan bir xil vaziyatda turlicha munosabatda boʻlish bilan ajralib turadi. YAʼni bir guruh odamlar bilan yaxshi munosabatda boʻlinib, ayrimlari bilan ularni qaysidir guruh yoxud toifaga ajratgan holda yomonroq munosabatda boʻlganda yuzaga keladi. Odamlar yoshi, nogironligi, millati, kelib chiqishi, siyosiy qarashlari, irqi, dini, jinsi, tili, madaniyati va boshqa koʻplab sabablarga koʻra diskriminatsiyaga yaʼni kamsitilishga uchrashi mumkin.

© «Inson huquqi»

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

Magistraturaga kirishdagi amaliyot endi adolatsizlik tamoyiliga aylanib bormoqda

Maʼlumki, hozirda magistraturaga o'qishga kirish uchun bakalavriat diplomi bali va til sertifikatidagi ball inobatga olinadi hamda hech qanday test sinovlari amalga oshirilamaydi❌

💵Buni joriy etishdan maqsad magistraturga o'qishga kirishda OTMlardagi mavjud korrupsion holatlarning oldini olish edi va bunga erishildi, ammo tanganing ikkinchi tomoni yuzaga chiqa boshladi.

📈 Oddiy misol: Rektor Kanyazov davrida (2013-2019) Toshkent davlat yuridik universitetini tamomlaganlarning diplom balli maksimal 85 dan oshmaydi. Ammo hozirda yuridik yoʻnalishda magistrga kirishda yetarli ball to'plash uchun diplom balingiz kamida 95-100 ball talab qilinmoqda.

Bu esa turli xil yillardagi baholash mezonlari, rektorlarning siyosiy qarashlari hamda ta'limdagi o'zgarishlar sabab o'qishga kirishdagi notenglikni yuzaga keltirmoqda. Natijada haqiqatdan bilimi yetarli biroq diplom bali 90 atrofida bo'lmaganlar o'qishga kira olmay qolib ketyapti.

So'nggi yillardagi statistikani qaraydigan bo'lsak, aynan test tizimi yo'qolganidan so'ngi yillarda berilgan diplom ballar ancha yuqorilab ketgan. Bu esa shunchaki tasodif emasligini tushunish qiyin emas. Bundan tashqari, magistraturani turdosh yoʻnalishlarni bitirganlar bosib ketdi, bu esa test tizimisiz miyyasida mutaxassislikdan alif ham bo'lmagan talabgorlarning diplom bali bilan o'qishga kirib ketishlariga sabab bo'lmoqda.

✔️ Shu sababli, magistraturaga kirishda mutaxassislik boʻyicha test sinovlarini joriy etish kerak. Korrupsion holatlarning oldini olish uchun bu mas'uliyatni OTMlarga emas Bilim va baholarni malakash agentligiga topshirish kerak. Shunda odamlarda korrupsiyaga nistaban e'tirozlar u qadar ko'p bo'lmaydi degan fikrdaman.

Xoʻsh, Siz qanday fikrdasiz?

© «Magistrlar official»

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️✅ Daʼvogar kimu, javobgar kim ?

Daʼvogar (ariza beruvchi) va javobgar fuqarolik sud ishlarini yuritishda taraflar hisoblanishadi.

💻 Daʼvogar - oʻzining buzilgan yoki nizolashilayotgan huquqlarini yoxud qonun bilan qoʻriqlanadigan manfaatlarini himoya qilish maqsadida sudga murojaat etgan yoinki manfaatini koʻzlab ish qoʻzgʻatgan shaxs.

📥 Oʻziga nisbatan (daʼvogarning buzilgan huquqlari va qonun bilan qoʻriqlanadigan manfaatlari yuzasidan) talab taqdim etilgan shaxs Javobgardir.

Oddiy: Shaxsga nisbatan kimdir sudga daʼvo bilan chiqsa, u holda daʼvo boʻyicha javob beruvchi taraf javobgar boʻladi.

© Manba: «Inson huquqi».

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️✅ Advokatning daxlsizlik huquqi.

⚖️ Advokat soʻroviga axborotni
(hujjatlarni) taqdim etmaslikda, oʻz vaqtida taqdim etmaslikda yoxud bila turib yolgʻon yoki notoʻgʻri axborot (hujjatlar) taqdim etishda ifodalangan tarzda advokatning professional faoliyatiga toʻsqinlik qilish, shuningdek advokatning ishda ishtirok etishiga toʻsqinlik qilish yoki uning ishonch bildiruvchi shaxs (himoya ostidagi shaxs) manfaatlariga zid boʻlgan vaziyatni majburan egallashiga erishish maqsadida advokatga qanday shaklda boʻlmasin taʼsir oʻtkazish:

➖ BHMning 2 baravaridan 5 baravarigacha miqdorda (680 ming soʻmdan 1 mln 700 ming soʻmgacha) jarima solishga sabab boʻladi.

📊 Shuningdek, advokatning shaxsi daxlsiz boʻlib, advokatning daxlsizligi uning uy-joyiga, xizmat xonasiga, foydalanishidagi transporti va aloqa vositalariga, uning xat-xabarlariga, unga tegishli ashyolar va hujjatlarga ham taalluqlidir.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️✅ «Yurisprudensiya» talabalari qanday "skill"lar (ko'nikma)ga ega bo'lishi lozim ?!

📊 Barcha sohalarda bo'lgani kabi Yuridik ta'lim sohasida ham muvaffaqiyatga erishish va professional kasb egasi bo'lishi uchun bir qancha muhim ko'nikmalarga ega bo'lishi lozim.

💻 «Yuridik ta'lim» jamoasi bir nechta malakali yuristlar bilan hamkorlikda bo'lajak yuristlarda shakllanishi lozim bo'lgan 7 ta eng muhim ko'nikmalar ro'yxatini shakllantirdi.

1. Huquqiy fanlar haqida keng tushuncha: Talabalar asosiy huquqiy tamoyillar, nazariyalar va tushunchalarni yaxshi bilishlari kerak. Ya'ni «Davlat va huquq nazariyasi» kabi fanlar talabalarga fundamental bilim olish uchun juda muhim.

2. Analitik ko‘nikmalar: Talabalar huquqiy muammolarni tahlil qila olishlari, murakkab hujjatlarni tushunishlari va mantiqiy yechimlarni topishlari kerak. Nazariy bilim bilan mantiqiy tahlil bir vaqtda shakllanishi bo'lajak yurist uchun katta ahamiyatga ega.

3. Tadqiqot ko'nikmalari: Talabalar huquqiy masalalar bo'yicha tadqiqot olib borish, tegishli xalqaro, milliy va mintaqaviy me'yoriy hujjatlar va amaliy materiallardan foydalanish qobiliyatiga ega bo'lishi kerak.

4. Muloqot ko‘nikmalari: O‘quvchilar o‘z fikrlarini og‘zaki va yozma ravishda aniq va ravin ifoda eta olishlari kerak. Bunga huquqiy yozish, muzokaralar olib borish va notiqlik mahorati kiradi.

5. Texnik ko'nikmalar: Talabalar huquq amaliyotida qo'llaniladigan kompyuter dasturlari va ilovalari bilan tanish bo'lishi va ulardan tadqiqot va tahlil qilish uchun samarali foydalana olishi kerak.

6. Tanqidiy fikrlash: Talabalar tanqidiy jihatdan murakkab huquqiy masalalarni o'ylab ko'rish va tahlili qilish, turli nuqtai nazarlarni muhokama qilish va asosli qarorlar qabul qilish qobiliyatiga ega bo'lishi kerak.

7. Axloqiy me'yorlar: Yuridik fakultetlar talabalari kasbiy axloqiy me'yorlar va tamoyillardan xabardor bo'lishlari va o'z amaliyotlarida ularga amal qilishlari kerak.

© Manba: «Yuridik ta'lim».

♻️ Do'stlarga yuborishni unutmang !

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

​​⚡️Malakali yurist yoki bilimli advokatni qanday bilsa boʻladi?

Kundalik hayotda insonlar turli xildagi jinoyat, zoʻravonlik yoki huquqbuzarliklarga duch kelishib, qanday qilib mazkur holatlardan chiqish yoʻllarini izlashadi. Tanish bilishlarga maslahat soʻrab chiqishadi.
🔹Xoʻp shunday holat Siz bilan sodir boʻlgan boʻlsa qanday yoʻl tutish yoki nimalarga eʼtibor berishni bilasizmi? Quyidagilarga eʼtibor qarating:

✅ Avvalo internet orqali (Oʻzbekistonda bu haqda kam maʼlumot beriladi) malakali huquqshunos, yuridik firma yoki muayyan advokatlik firmasi (byurosi) xususida maʼlumotlarni topishga harakat qiling.Topdingiz, uchrashib gaplashib oldingiz.

Birinchi navbatda amalga oshiriladigan ish bu: ushbu advokatning uchinchi shaxslar bilan aloqadorligini aniqlashdir. (asos: Advokat yoki yurist oʻziga ayon boʻlgan maʼlumotlarni oshkor etishi va bu maʼlumotlardan oʻz manfaatlari yoki uchinchi shaxslar manfaatlari yoʻlida foydalanishi man etiladi).
✅ Tajribali advokat yoki yurist yuridik xizmat koʻrsatiladigan shaxs bilan aloxida uchrashishi lozim.(Sababi: murojaatchining shaxsi va u aytgan tafsilotlar advokatlik sirini tashkil qiladi.)

- Oʻzaro kelishuvga (yuridik yordam) kelinib, shartnoma tuzishda, shartnoma shartlarini oʻqib chiqing, unda bandlar toʻliq toʻldirilganligi, maʼlumotlar (summa va h.k) aniq kiritilganligiga eʼtibor qarating.

- Muloqot davomida yurist (advokat) ilmli va ishga vijdonan yondoshadigan boʻlsa, u birinchi galda ish holatini oʻrganib, mavjud hujjatlar bilan sinchkovlik bilan tanishishga harakat qiladi, Sizni vaj va eʼtirozlaringizni tinglaydi va aniqlashtiruvchi savollarni beradi.

✅ Eʼtibor qarating: tajribali advokat yoki yurist faqatgina siz malum qilgan malumotlardan tashqari ishi materiallariga qoʻshib qoʻyilishi, shuningdek albatta baholanishi lozim boʻlgan dalillarni toʻplash va taqdim qilish bilan koʻproq shugʻullanadi.

- Yurist hujjatlar bilan tanishib, Sizga katta vada yoki ishni yutib chiqishga kafolat berdimi bundan aslo xursand boʻlmang. Chunki tajribali va malakali yurist (advokat) ishning ijobiy yakunlanishiga kafolat berolmaydi, u ishni maksimum ijobiy va zarur natijaga erishish imkoniyatlarini baholaydi.

- Yurist ishga kirishgandan soʻng, uning tayyorlayotgan hujjatlari (ariza, soʻrov, iltimosnoma, eʼtiroznoma va h.k) bilan tanishib boring. Ishni qanday holatdaligi, nimalar qilinayotganligi bilan qiziqib boring, undan bu haqda Sizga maʼlumot va xabar berib borishini soʻrang.

✅ Yurist (advokat)ning har bir qabul qilayotgan qarorini siz bilan maslahatlashmay qabul qilishiga, turli ishontirishlariga, shubhali takliflariga rozi boʻlmang ( ayrimlari sudyani koʻraman, tergovchi boʻyicha prokurorni koʻraman deydiganlari bor). Shu tipdagi yuristmi bilingki aldoqchi (firibgar) va ilmi yoʻq yuristga duch kelibsiz. Hushyor boʻling ogʻir huquqiy oqibatlarni keltirib chiqarishiga yoʻl qoʻymang!

Yuqorida qayd etilganlarga asoslansangiz, hushyor boʻlsangiz, keraksiz va ortiqcha tashvishlardan uzoq boʻlasiz.
Ushbu tavsiyalarni boshqalarga ( ayniqsa adolatsizlikka uchraganlarga) ham ulashing. Birovni gʻami, tashvishidan pul qiluvchilar borligi va shu yoʻl orqali oilasiga “luqma” olib boruvchilar mavjudligi bois ushbu eslatma tayyorlandi.

© Inson huquqi madaniyati markazi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️⚖ O'rta-maxsus ma'lumotli Yuristlar qayerlarda ishlashi mumkin ?!

🔰 Yuridik texnikum bitiruvchilariga davlat taʼlim standartlariga muvofiq oʻrta maxsus professional taʼlimdagi yoʻnalishlar, kasblar va mutaxassisliklar boʻyicha malaka darajasi koʻrsatilgan holda, oʻrta maxsus professional taʼlim toʻgʻrisida davlat namunasidagi diplom beriladi.

Yuridik texnikumni tamomlagan oʻquvchi respublika miqyosida malaka talablariga binoan oʻrta maxsus yuridik maʼlumot zarurati mavjud boʻlgan davlat organlari va tashkilotlarida, shu jumladan:

➖Oʻzbekiston Respublikasi Adliya vazirligi huzuridagi Davlat xizmatlari agentligining hududiy tuzilmalari,

➖ Bosh prokuratura huzuridagi Majburiy ijro byurosining hududiy organlari,

➖ notarial idoralar, advokatlik tuzilmalari va shu kabi qator idoralarning umumiy shtat birliklari soni doirasida vakant lavozimlarga ishga kirish boʻyicha tanlovda belgilangan tartibda ishtirok etish mumkin.

© Manba: «Yuridik ta'lim».

♻️ Do'stlarga yuboramiz.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM