Yupiterlik Markayeva

@yupiterlik

Kanal geosi va tili: O‘zbekiston, O‘zbekcha

Toifa: Bloglar

I have a lot to say to you.
Sizlarga aytadiganlarim ko'p.
pulli psixologik konsultatsiya haqida ma'lumot: t.me/healingtakestime
reklama xizmati: https://t.me/adservice_jupiter
chuqurlik: t.me/moodswitches
faqat ladies: t.me/lady_inblackk

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Yupiterlik Markayeva

4 Mar, 00:20

Kunning oxiri, kunning boshi.

Soat 1:23 da yozishni boshlayapman, bilmadim soat nechchi bo'ladi men oxirgi nuqtani qo'ygunimcha, lekin shunchaki to'kilmoqchiman. G'alayonlar bayrami avjiga chiqqan ichimda, miyam, yuragim, ruhim va tanam bir-biriga doimgidan ko'proq qarshi. Miyam va tanam hozir allaqachon uyquda bo'lishim kerakligini aytsa, yuragim nimadir qilishim kerakligini, og'ir hislar bilan uxlamasligimni aytyapti, ruhim esa isyonkor va biroz toliqqandek.

Tugallay olmayotgan ishlarim, vazifalarim bisyor, bir vaqtning o'zida ko'p narsaga ulgurishga urinish, garchi bunga ko'zi yetmasa-da, odamni shunday darajada quritadiki, hechnima bilan tiklab bo'lmaydi uzoq vaqtgacha. Men o'zimdan doim ko'p narsa kutib yashaganman, doim "bundanam ko'prog'ini qila olaman" deb qachon to'xtash kerakligini bilmaganman. Afsuski, bu narsa menga qimmatga tushgan. Men o'zim bilmagan holda, o'zimni hayotning oddiy zavqlaridan mosivo qilganman, qaysiki bugun men yod olsam, dilimni tirnaydigan.

Ukam ishdan biroz kech keldi, birga o'tirib suhbatlashdik oshxonada 1 gacha. Bolaligimizni, shirin xotiralarni, hammasini qaytadan eslab chiqdik, ko'z yoshlarimni bazo'r tiyib turdim, va shuni angladimki, biz hammamiz oilamiz bilan bundan buyog'iga kam vaqt sarflashimizga to'g'ri kelarkan, hamma ulg'aygan, ishi bor, o'z yo'liga qarab ketayapti, kimdir oila qurish arafasida, kimdir esa yangi shaharga ko'chib ketish arafasida. Bo'shliq bor edi o'sha nomsiz hisning ichida, men bir zumga hayotimni qayta yashashni, qayta o'sha dasturxon atrofida o'tirishni, qaytadan sim karavotda yulduz sanab, shoyi ko'rpa ostida uxlab qolishni istadim.

Bolalikda men hozirgi o'zim haqida boshqacha tasavvurlarga ega edim, ishonardim meni qor yoqqanida "Qarsildoq" multfilmini ko'rib mazza qilib kulish, olmali sharbat va shirinliklar baxtli qila olishiga, erta uxlashga majbur qilinish - jazodek edi, shanba kunlari Yoshlar da beradigan hind filmlarining yarimida uxlab qolib oxiri nima bo'lishini bilmay qolish - undan ham og'irroq jazodek edi, yakshanbada butun oila qimirlab turishi kerak hovlida, erta turishga majbursan, oilaviy rejimdan qochib qayerga ham borarding. Uf deb hammadan kech uyg'onib borardim, kinoyali hazillarga sabab bo'lib.

Endi esa materiallashgan jamiyatning bir bo'lakchasiman, jadal va bir xil ritmlar qurshovida qolgan, tez yugurib ketayotgan otlar podasini ichiga tushib qolgandekman, qarsildoqni ko'rib avval kulgan bo'lsam, endi yig'layman, uxlash uchun vaqtim bor, lekin ahdim yo'q, oilam bilan doim birga bo'lishni istayman, lekin hayotning ham o'z rejalari bor.

Soat 12 bo'lib, yangi kun boshlanganda, men o'zimning turli qiyofalarim bilan rasmiy yig'ilish o'tkazaman, va negadir doim, 11 yoshli o'zim - majlisda hozirgi menga yaqin kelib o'tirvoladi-da, nimadirlar degisi, mendan eshitgisi keladi. Ko'zlarimga qarab, qaysidir xotiralarni miyamda titkilaydi, ba'zan kuldiradi, ba'zan yig'latadi. Erkin bo'lib nimadirlar deyishni boshlayman deganimda, majlis tugashiga to'g'ri keladi.

Biz.
Men va o'zim, hozirim va kecham, ulg'ayganligim va bolaligim, biz xuddi dekabr va yanvar oylariga o'xshaymiz. Orasi judayam yaqin, lekin judayam uzoq. Xuddi kunning boshi va oxiridek. Bir kun so'ngi - boshqa birining boshlanishiga olib boradigan eng tez yo'lak bo'lsa-da, u yo'lakni o'zini tugatish... uzoq va mashaqqatlidek tuyuladi.

Va yana kim bilsin,
dekabr keladimi yo'q.

...

soat 2:19.
(2 marta o'chirib qayta yozdim)

@yupiterlik

2.4k 0 33 42 20

Yupiterlik Markayeva

3 Mar, 20:23

Yupiterlik Markayeva dan repost

Sevgi va sabrsizlik epidemiyasi:
zamonaviy chalkashliklar

Bugungi tez sur'atlar bilan rivojlanayotgan dunyoda sevgi - bir-biriga qarama-qarshi istaklar va impulsiv harakatlar asosidagi jang maydoniga aylandi. Sadoqat va haqiqiy muhabbat tushunchasi o'tmishning yodgorligidek ko'rinadi, chunki ko'p odamlar hozir qiyinchliklarga chidamsiz, tez va oson erishiladigan ammo zaif munosabatlarning qurboniga aylanyapti.

Idealizm, o'zgarishlar.

Hozir hamma - idealist va bir-biridan ortiqcha narsa kutadi, hamma bir-biriga yoqish uchun rol o'ynash bilan ovvora. Ko'pchilik munosabatlarda vaqtincha qoniqishning o'tkinchi daqiqalarini izlaydi, nega? Yana o'sha yolg'on dopaminlar va sabrsizlik epidemiyasi. Sadoqat-vafochi? Hech kim hechkimni yonida "majburiyatga ega emas" degan shior odamlarda, "odam deganam shunchalik o'zgaradi deb o'ylamagandim, u meni sevadi deb o'ylabman" degan gaplar qulog'ingizga tez-tez chalinadi va siz ham muhabbatni so'roq qilishni boshlaysiz.

Sevgida chalkashliklarga duchor bo'lgan avlodning guvohimiz, hamma zamonlarda bu jang - og'ir bo'lgan, lekin bugun "lust and love" (hirs va chinakam muhabbat) o'rtasidagi chegaralar ancha xiralashgan.

Virtual "sevgi" ning boshlanishi.

Onlayn tanishuv va ijtimoiy media platformalarining rivojlanishi son-sanoqsiz potentsial do'stlar, hamkorlar bilan bog'lanishni har qachongidan ham osonlashtirgan. Hamma hammani taniydi, tanimasa ham tanishib olish oson, odamlar - ochiq, "easy access", ko'pchilik bir zumda mamnuniyat bilan bir martalik munosabat o'rnatishga tayyor:) Qiziquvchanlik, zerikish, real hayotda maqsadsizlik, ichki yolg'izlik, e'tiborga muhtojlik va hokazolar. Umrida o'zi istagan e'tiborni yaqinlaridan ololmagan qizga yoki yigitga telegramdan bir xushmuomala mehribon noma'lum shaxs 5-6 marta yozsin, bog'lanadi.

"Ko'zdan yiroq - ko'ngildan yiroq"

Ba'zi filmlarni ko'rib miyamda urush boshlanadi, juftini 25 yil kutadi, sevgan qizini deb qamoqda o'tirib chiqadi 15 yil, qiz bilan yigit bir-birini 10 yillab ko'rmasdan turib sevaveradi. Hayotda-chi? Masofa, xoh jismonan, xoh hissiy bo'lsin, bir-biridan ajralish va unutish uchun katalizatorga aylanadi, ayniqsa hozirgi davrda, sadly.

Bir vaqtlar sevgan insonini va yaqinlarini o'rni bo'sh bo'lishni boshlagandan keyin odam - begonalardan yangicha dopamin, navbatdagi qoniqish hissini izlashni boshlaydi. Ba'zan bu o'zini aldashdek xuddi. Muntazam e'tiborga bog'langan odam - hech qachon to'ymaydi, yana va yana bo'shliqni to'ldirishga intilaveradi.

Sabrsizlik epidemiyasi va "two-timing" (xiyonat, bir vaqtni o'zida ikkita va undan ortiq romantik munosabatlar)

Nega odamlar xiyonat qiladi? Boshqasini sevib qoladi? Tashlab ketadi?
Zamonaviy sevgining eng tashvishli tomoni - sabrsizlik epidemiyasi. Yoki "Love bombing" (juda tez rivojlanadigan sevgi) Jamiyat - shunday, hozir hamma bir-biridan tez natija kutadi, munosabatlar ham bundan mustasno emas, "e sevsa tezroq aytsinda", "bo'ldi endi menimcha shu qizni sevsam bo'ladi, 2-3 marta gaplashib ko'rdim". Achinarli.

Unutmang, tez porlagan yulduz - tez so'nadi. Munosabatlar qancha tez rivojlansa va hammasi oson kechsa, shuncha ko'p muammolar yuzaga keladi va "bir-biridan zerikish" ga olib keladi. Va yana o'sha loop: o'rnini to'ldirish, yoki xiyonat, soxta dopaminlar va h.k

Haqiqiy muhabbat mavjud.

To'g'ri doim ham ertaklardagidek bo'lmas, lekin muhabbat mavjud va bu ruhiy, emotsional bog'lanish, bunda hech qanday uzoq masofa ta'sir qila olmaydi, idealizm, tezroq munosabatlarni boshlash, love bombing, lust degan negativ omillar bo'lmaydi. Bu- bir-birini chuqur anglay olish, qo'llab-quvvatlash va bir-birini hayotini yaxshilashda ko'maklashishdan iborat his.

Umid qilamanki, o'zingizni yolg'on dopaminlardan saqlaysiz va sof muhabbatingizni topasiz:)

@yupiterlik

2.6k 0 64 29 55

Yupiterlik Markayeva

3 Mar, 18:24

leave reactions and comments)

your support is appreciated

2.7k 0 0 14

Yupiterlik Markayeva

3 Mar, 18:24

Tony CEO dan repost

Boshlaymiz, elitalar☺️

Menimcha, “RedPill Talks” loyihasiga talabgorlar 300 nafardan koʻp boʻlibdi qisqa fursatda. Demak, boshlaymiz ekan.

Ushbu loyiha yopiq kanalda oʻtkaziladi. Men va Gulrukh Markaeva suhbatlarni birgalikda olib boramiz. Mezbon biz.

Mexmonlar esa sizga tajribalari bilan maksimal foyda bera oladigan muvaffaqiyatli yoshlardan boʻladi. Kimligini hozir ochiqlamaymiz.

Lekin ishontirib aytamanki, bu loyiha ham “RedPill” loyihasi kabi portlatadi va ovozi ancha-muncha joygacha yetib boradi, nasib🔥

Qoʻshilish uchun @RedPillTalks_bot orqali roʻyhatdan oʻting va kichik shart sifatida doʻstlaringizni suhbatga taklif qiling. Shu, xolos.

Loyiha bepul. Lekin 300 nafar ishtirokchi qabul qilamiz, xolos. Keyin afsus qilmaslik uchun, shoshilamiz. Omad tilaymiz, elitalar✊

@ceotony
@redpilltalks_bot

1.9k 0 2 29

Yupiterlik Markayeva

2 Mar, 20:04

ba'zan nimadir demoqchi bo'lsam-u, to'liq yetkazib berishga kuchim yetmasa, nuqtalar qoldiraman odamlarga.

bilmadim nega,

shunchaki xabar olmoqchi bo'ldim, 5 mingta odamdan) hammasi yaxshimi, hayot qanday ketyapti, yomonmi, hechqisi yo'q, o'tib ketadi, yaxshimi, ajoyib, zavqni his qilish kerak, bo'shmi, biroz undan ham zavqlanib, keyin to'ldirish kerak, rangsizmi, bo'yash kerak.

O'tib ketadi,
o'tmagan nima bor, hechnima va hechkim.

Nima qipti kuniz yaxshi o'tmagan bo'lsa, nima qipti nimadir yetishmayotgandek bo'lsa, nima qipti biroz xiralashgan bo'lsa dunyo, birinchi marta kurashyotganingiz yo'qku, to'g'rimi?

Qiynamang o'zizni.
Shunchaki borligizni o'zi muhimligini unutmang, free hugs and love,

~Markaeva.

@yupiterlik

2.7k 0 22 84 12

Yupiterlik Markayeva

2 Mar, 19:52

...

2.5k 0 1 50

Yupiterlik Markayeva

1 Mar, 14:57

Sen - bitta inson emasman.

Sen bitta emas, ming xil qiyofadasan. Vaqt, tajriba va uchratgan insonlaring seni turlicha shakllantirgan. Kimdir seni sokin va kuzatuvchan deb biladi, kimdir esa quvnoq va erkin. Ba’zilarga sen iliqlik va tasalli beruvchi insonsan, boshqalarga esa sirli va yiroq, hatto qo'l yetmaydigan manzilsan. Va, qaysidir ma'noda ularning barchasi sen haqingda haq.

Sen bitta qolipga sig‘ish uchun yaratilmagansan. Ba’zan yumshoq, ba’zan esa hech kim sindira olmaydigan mustahkam bo'laksan.

Mehribon, lekin kerak bo‘lsa, o‘z chegaralarini himoya qilishni biladigan qat’iyatli va kuchlisan.

Ba’zida quvonchga to‘lasan, ba’zida esa hech kim bilmaydigan chuqurliklarni his qilasan. Sen har soniyada o‘zgarasan, ulg‘ayasan, moslashasan - bu ikkiyuz yoki uchyuzlamachilik emas, balki murakkablikdir.

Senga ta'rif berish qiyin.

Shuning uchun, hech kim seni bir so‘z, bir fazilat yoki bir lahza bilan ta’riflab qo‘yishiga yo‘l qo‘yma.

Atrofdagilar kimligingni tushunishga urinayotganligini va har safar to'liq anglay olmayotganligini maroq bilan kuzat.

Chunki azizim, haqiqat shuki, hatto o'zing ham o‘zingni to‘liq kashf qilganing yo‘q.

Vaqting yetarmikan kashf qilishga?

...

@yupiterlik

3.5k 0 81 46 10

Yupiterlik Markayeva

28 Feb, 23:49

Moodswitch dan repost

01:12

Video oldindan ko‘rish uchun mavjud emas

Telegram'da ko‘rish

t.me/moodswitches

2.7k 0 38 14

Yupiterlik Markayeva

28 Feb, 19:10

1 haftada faqat 2 marta reklama olinadi, fyi.

3.2k 0 1 10

Yupiterlik Markayeva

28 Feb, 19:06

menam xalqdan qolmay dedim)🙃

va nihoyat, 4,5 yil deganda:

https://t.me/adservice_jupiter

3.2k 0 2 20

Yupiterlik Markayeva

28 Feb, 18:40

wow.

3.4k 0 0 5

Yupiterlik Markayeva

28 Feb, 18:02

Fikrlashingizni tubdan o'zgartirgan biror hikmatli so'z/ aforizm bormi? Bor bo'lsa, yozib keting kommentga.

Boshqalar ham o'qib nimanidir his qilsin.

@yupiterlik

3.5k 0 14 140

Yupiterlik Markayeva

28 Feb, 17:46

Kim Sumalak pishiryapti yaqin orada) yordamga bormoqchiman🙃

deb o'tgan hafta yozmoqchi edim o'zi, eh.

@yupiterlik

3.5k 0 0 110

Yupiterlik Markayeva

25 Feb, 08:56

Bugun o'zingizga ko'proq mehribon bo'ling.

@yupiterlik

4.7k 0 9 74

Yupiterlik Markayeva

24 Feb, 13:53

2 marta hazillashib "erga tegyapman" deb post qoldirganimda nimalar bo'p ketgani esimda)

Shunchaki hazillashaman, hozir bunga umuman vaqtim ham xoxishim ham yo'q aslida, bu yil maksimum fokusimni qaratishim shart bo'lgan rejalarim, maqsadlarim bor. Ko'proq salomatligimga ham e'tibor berib, yangi hobbylar bilan shug'ullanishda davom etaman.

O'ylaymanki, inson katta qarorlar qabul qilishdan avval ruhiy tayyorgarligiga ishonchi komil bo'lishi kerak va bunday jiddiy va muhim masalalar maxsus yondashuvni talab qiladi.

Odamning qalbi esa shisha kabi nozik va parchalanuvchan. Qalblar bilan aniq maqsadli biror rejangiz yoki sof muhabbatga asoslangan harakatlaringiz bo'lmas ekan, ularni shunchaki tinchlikda qoldirganingiz yaxshi.

@yupiterlik

5.1k 0 10 58

Yupiterlik Markayeva

24 Feb, 13:42

PIIMA Bitiruvchilar Kengashi dan repost

00:17

Video oldindan ko‘rish uchun mavjud emas

Telegram'da ko‘rish

📣 Ixtisoslashtirilgan Ta'lim Muassasalari Agentligi Bitiruvchilar Kengashi! 🎓

💡 Bitiruvchilar va o‘quvchilar o‘rtasidagi aloqani mustahkamlash, yangi loyihalar, ilmiy izlanishlar va ijtimoiy tashabbuslarni qo‘llab-quvvatlash maqsadida Bitiruvchilar Kengashi tashkil etildi! ✅

Kengash faoliyatini kengash raisi va uning o'rinbosarlari nazorat qilib boradi.

Kengash raisi o‘rinbosarlari quyidagi 4 yo‘nalishda faoliyat olib boradi:
1️⃣ Innovatsiya va ilmiy tadqiqotlar – ilmiy loyihalarni jamlash va baholash.
2️⃣ Ma’naviy-ma’rifiy ishlar – muvaffaqiyatli bitiruvchilar tajribasini yoshlar bilan bo‘lishish.
3️⃣ Ijtimoiy masalalar – ekologik loyihalar va volontyorlik tadbirlari.
4️⃣ Xalqaro aloqalar – grant va xorijiy universitetlarga kirish bo‘yicha maslahatlar.

🎯 Bizning maqsad – yoshlarni qo‘llab-quvvatlash, ularga yo‘l-yo‘riq ko‘rsatish va katta imkoniyatlar yaratish!

🌐Telegram | 🌐Instagram | 🌐YouTube | 🌐Facebook | 🌐Linkedln

4.3k 0 2 5

Yupiterlik Markayeva

23 Feb, 22:36

From today, boyfriend applications are open:) 🙃

3.6k 0 9 96

Yupiterlik Markayeva

23 Feb, 22:35

1st day of 24

4.1k 0 1 4

Yupiterlik Markayeva

22 Feb, 11:10

Yupiterlik Markayeva dan repost

Mood swings -ingliz tilidan tarjima qilinganda kayfiyatning tez- tez o'zgarib turishi degan ma'noni beradi. Aslida "swing" so'zining ma'nosi arg'imchoq, arg'imchoqda uchishni bir eslang, uchganda u yoqdan bu yoqqa arg'imchoq harakatlanishi uchun nechadir soniya ketadi, xullas juda tez. Shu bir zumda u yoqda bu yoqqa arg'imchoq pozitsiyasining o'zgarishi "mood swings" deyiladi.

Yashash standartlarimizni,
mavsumni,
geografik joylashuvimizni,
yoshimizni,
oilaviy ahvolimizni,
shaxsiy xususiyat va xarakterlarimizni,
atrof-muhitimizni,
o'qish, ishimizni,
va hatto ijtimoiy tarmoqda kimni kuzatishimizga qarab ham "mood swings" sodir bo'ladi insonda.

Tan olish kerakki,
kayfiyat, 0.000001 soniyada o'zgaruvchi g'alati konsept. Kecha yomg'ir istagan ko'ngil bugun loydan yurgisi kelmaydi, kecha quyosh istagan ko'ngil bugun soya qidiradi, hammasi o'zgaruvchan, tabiiy, davriy ravishda.

the thing is,
kayfiyatingiz o'zgarganini so'zlar bilan bildirishga majbur emassiz:)

hechkimga nima bo'layotganini tushuntirishga majbur emassiz:)

uxlay olmasligingizdan, uxlasangiz tura olmasligingizdan o'zingizni aybdor his qilishga majbur emassiz, toki arg'imchoqda uchishda davom etar ekansiz. Ehtiyot bo'ling, yiqilib tushmang.

🖤

@yupiterlik