O`zlidep Jizzax shahar Kengashi

ICAPPнинг 12-Бош ассамблеяси йиғилишида ЎзЛиДеП вакиллари ҳам қатнашяпти

Камбоджада “Тинчлик ва муроса сари” мавзуида Осиё сиёсий партиялари халқаро конференциясининг (ICAPP) 12-Бош ассамблеяси ўтказилмоқда.

Мазкур халқаро конференцияда ЎзЛиДеП вакиллари ҳам қатнашяпти. Унда ЎзЛиДеП Сиёсий Кенгаши Ижроия қўмитаси раиси ўринбосари Б. Якубов маъруза қилди.

Таъкидлаш жоизки, тўрт кун давом этадиган анжуманда 42 мамлакатдан 57та сиёсий партия ҳамда 200дан ортиқ делегатлар иштирок этмоқда.

Мазкур тадбирни ўтказишдан кўзланган асосий мақсад Осиё сиёсий партиялари ўртасида мулоқот ва ҳамкорликни ривожлантириш, минтақавий ва глобал муаммоларга ечим топишдан иборат.

24 ноябрга қадар давом этадиган анжуман доирасида минтақавий хавфсизлик, иқтисодий ҳамкорлик ва маданий алмашинув каби қатор мавзуларда давра суҳбатлари ва семинарлар бўлиб ўтади.

Камбоджа, шунингдек, Осиё сиёсий партиялари халқаро конференциясининг (ICAPP) 12-Бош ассамблеясига раислик қилиш билан бирга, Осиё Маданий Кенгашининг учинчи йиғилиши, Осиё сиёсий партиялари халқаро конференциясининг еттинчи матбуот форумига ҳам мезбонлик қилади.

🖥 Расмий саҳифаларимизга уланинг

Тадбиркорликни кенгайтириш орқали камбағалликка барҳам берилади

😎 O‘zLiDeP Жиззах вилоят кенгаши ва Халқ депутатлари вилоят, шаҳар ва туман кенгашларидаги партия депутатлик гуруҳларининг кенгайтирилган қўшма мажлиси бўлиб ўтди.

✅ Кенгаш раиси Эркин Холматов эндиликдаги мақсад Янги Ўзбекистонни барпо этиш, инсон қадрини улуғлаш билан боғлиқ кенг кўламли ислоҳотларнинг бардавом бўлишини таъминлашдан иборат эканлигини алоҳида таъкидлади.

😎 Йиғилишда партия вилоят кенгаши ва депутатлик гуруҳлари олдида турган муҳим вазифалар белгилаб олинди. Қайд этилганидек, маҳаллалардаги муаммоларни ҳал қилишда фаол иштирок этиш, қонунларнинг амалиётда сўзсиз ва тўлиқ ижро этилишини таъминлаш давр талабидир. Шунингдек, аҳоли, айниқса, ёшларимиз ўртасида соғлом турмуш тарзини кенг тарғиб қилишга қаратилган партиявий лойиҳалар доирасидаги туркум тадбирларни амалга ошириш ҳам жиддий жараён. Айниқса, камбағалликни қисқартириш бўйича эҳтиёжманд оилалар, аёллар ва ёшларнинг муаммоли масалаларини ҳал этиш, уларни хусусий ва оилавий тадбиркорликка жалб этиш орқали бандлигини таъминлаш ишларини давом эттириш лозим.

Сиёсий фаолият давомида ОАВнинг роли ва ўрни беқиёс бўлиши шубҳасиз. Шу маънода йиғилишда мамлакатимиз ҳаётининг барча жабҳаларига тааллуқли долзарб мавзуларни кенг жамоатчилик эътиборига олиб чиқиш ва уларга ечим топишда яқиндан кўмакдош бўлаётган партиянинг бош нашри – “XXI аср” газетасини янада оммалаштириш масаласига алоҳида эътибор қаратилди.

Қўшма мажлисда халқ ноиблари томонидан ислоҳотларнинг янги босқичида барча имкониятларни, орттирилган тажрибани белгиланган мақсад ва режаларни рўёбга чиқариш учун сафарбар этишга келишиб олинди.

#uzlidep #jizzax

🖥 Расмий саҳифаларимизга уланинг

Юксак ишончга муносиб бўлиш масъулияти

Давлатимиз раҳбарининг ҳар бир қўмита қошида фуқаролик жамияти институтлари вакилларидан иборат жамоатчилик кенгашларини тузиш ҳақидаги таклифи фуқаролик жамияти институтлари ва парламент ўртасидаги мулоқотни янги босқичга олиб чиқади. Улар орқали халқимиз ичига янада чуқурроқ кириб борамиз, уларни қийнаётган муаммолар бўйича самаралироқ ечимлар ишлаб чиқамиз. Илгари бу борадаги ҳамкорлик тизимсиз эди, мана энди жамоат кенгашлари ҳам катта овозга айланади.

🔗 Батафсил

• Бобур Бекмуродов
Олий Мажлис Қонунчилик палатаси депутати,
O'zLiDeP фракцияси аъзоси

#uzlidep #munosabat

🖥 Расмий саҳифаларимизга уланинг

“Ёш сиёсатчилар лигаси” фаолияти сарҳисоб қилинди

😎 “Ёш сиёсатчилар лигаси” 1 йиллиги муносабати билан Ўзбекистон Либерал-демократик партияси Сиёсий Кенгаши Ижроия қўмитаси Ёшлар билан ишлаш бўлими томонидан тадбир ташкил этилди.

✅ Тадбирда Олий Мажлис Қонунчилик палатаси ҳузуридаги Ёшлар Парламенти аъзолари, Шанхай Ҳамкорлик Ташкилотининг Ўзбекистондаги дастури аъзолари, Ўзбекистон Республикаси Миллий Гвардияси Маданият маркази мутахассислари ва Республика "Ёш туризм элчилари" Кенгаши жамоаси аъзолари иштирок этди.

🟢 Учрашувда “Ёш сиёсатчилар лигаси”нинг ўтган 1 йил давомидаги фаолияти сарҳисоб қилинди. Ёшларнинг сиёсий билимларини оширишга йўналтирилган қатор лойиҳаларнинг самарадорлиги бўйича фикр мулоҳазалар билдирилди.

🤝 Тадбир якунида келгусидаги устувор вазифалар белгилаб олинди.

🖥 Расмий саҳифаларимизга уланинг

"Яшил ҳаёт" ва табиатни асрашга камарбастамиз!

2025 йилни - “Атроф-муҳитни асраш ва “яшил” иқтисодиёт йили” деб эълон қилиниши ўз олдимизга қўйган мақсад ва вазифаларимиздаги масъулият ва жавобгарликни чуқур ҳис қилишимиз учун заминдир.

Бугун Олий Мажлис Қонунчилик палатасининг навбатдаги мажлиси бўлиб ўтди. Мажлисда Ўзбекистон Республикаси Президенти Шавкат Мирзиёев нутқ сўзлади.

Президентимиз сўзининг давомида бугун нафақат Ўзбекистон, балки дунёдаги кўплаб мамлакатлар иқлим ўзгаришларининг салбий оқибатларини яққол ҳис қилаётганини қайд этди.

Ҳаво ва сувнинг ифлосланиши, тупроқ эррозияси, чўлланиш, қазилма ёқилғиларни беҳисоб ишлатиш глобал исишга, табиий офатларнинг кўпайишига олиб келмоқда, атроф-муҳит ва аҳоли соғлиғига зарар етказмоқда.

🔗 Батафсил

• Ўктамжон Ахунов
ЎзЛиДеП Андижон вилоят Кенгаши раиси, Сенатор

#uzlidep #munosabat

🖥 Расмий саҳифаларимизга уланинг

Президентимиз сўзининг давомида бугун нафақат Ўзбекистон, балки дунёдаги кўплаб мамлакатлар иқлим ўзгаришларининг салбий оқибатларини яққол ҳис қилаётганини қайд этди.

Ҳаво ва сувнинг ифлосланиши, тупроқ эррозияси, чўлланиш, қазилма ёқилғиларни беҳисоб ишлатиш глобал исишга, табиий офатларнинг кўпайишига олиб келмоқда, атроф-муҳит ва аҳоли соғлиғига зарар етказмоқда.

Бунга жавобан мамлакатимизда уч йил аввал “Яшил макон” умуммиллий лойиҳаси бошланди. Қўшни мамлакатлар билан биргаликда Минтақавий иқлим стратегиясини амалга оширишга киришилди. Пойтахтимизда Марказий Осиё атроф-муҳит ва иқлим ўзгаришларини ўрганиш университети ташкил этилди.

Шунингдек, Ўзбекистон Бирлашган Миллатлар Ташкилоти томонидан бу борада қабул қилинган иккита муҳим резолюциянинг ташаббускори бўлди. Айни вақтда “яшил” энергетика иқтисодиётимиз драйверларидан бирига айланмоқда.

Эл-юртимизнинг фикр-мулоҳазалари, хоҳиш-истакларини атрофлича ўрганиб, билдирилган тавсиялардан келиб чиққан ҳолда, бу борадаги ишларни янги, янада юксак босқичга кўтариш мақсадида Президентимиз 2025 йилни юртимизда “Атроф-муҳитни асраш ва “яшил” иқтисодиёт йили” деб эълон қилишни таклиф қилди.

Йиғилганлар ушбу ташаббусни тўлиқ қўллаб-қувватладилар.

🖥 Расмий саҳифаларимизга уланинг

Президент Янги Ўзбекистонимиз янги парламенти билан бирга ўз тараққиётининг ҳал қилувчи босқичига қадам қўяётганини таъкидлади. Бу янги даврда кечаги талаб ва мезонлар билан, эскича ишлаб бўлмаслиги қайд этилди.

Шу боис Ҳукумат ўз фаолиятини мутлақо янгича асосда ташкил этиши керак, бунинг учун унга кучли раҳбар, яъни, Бош вазир зарур.

Давлатимиз раҳбари бу масалани атрофлича ўйлаб, Ўзбекистон Республикаси Бош вазири лавозимига Абдулла Нигматович Арипов номзодини кўрсатишга қарор қилганини айтди.

Абдулла Арипов катта ташкилотчилик салоҳиятига эга бўлган, ижро ҳокимияти тизимида бой билим ва тажриба орттирган, масъулиятни доимо чуқур ҳис этадиган раҳбар экани таъкидланди.

Ушбу номзод бугун Ҳукумат олдига қўйилган, кўлами ва миқёси бениҳоя катта бўлган муҳим вазифаларни ҳал этишда Вазирлар Маҳкамаси фаолиятини самарали ташкил қилиши, Ҳукумат аъзолари, вазирлик ва идоралар раҳбарларини бирлаштириб, ягона мақсад сари сафарбар эта олишига ишонч билдирилди.

Президентимиз Абдулла Арипов номзодини депутатлар муҳокамасига тақдим этди.

🖥 Расмий саҳифаларимизга уланинг

📌 Айни вақтда Олий Мажлис Қонунчилик палатасининг навбатдаги мажлиси ўз ишини бошлади. Мажлисда Президент Шавкат Мирзиёев иштирок этмоқда.

📑 Кун тартибига мувофиқ, мажлисда Ўзбекистон Республикаси Бош вазири номзоди тўғрисидаги масала кўриб чиқилади.

📍 Унда Олий Мажлис Қонунчилик палатаси депутатлари, Сенати аъзолари, Ҳукумат аъзолари, марказий муассасалар раҳбарлари, Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимлари, мамлакатимизда фаолият кўрсатаётган дипломатик корпус вакиллари, оммавий ахборот воситалари ходимлари иштирок этмоқдалар.

#uzlidep #munosabat

🖥 Расмий саҳифаларимизга уланинг

Президентимиз таъкидлаганидек, фуқароларнинг қонунчилик таклифларини қуйи палатага киритиш жараёни тўлиқ рақамлаштирилади, электрон овоз бериш имконияти яратилади ҳамда Қонунчилик палатаси ҳузурида Жамоавий ташаббуслар бўйича парламент комиссияси тузилади. Шунингдек, қонун лойиҳаларини ишлаб чиқиш, экспертизадан ўтказиш жараёнларига сунъий интеллектни жорий қилиш бошланади.

🔗 Батафсил

• Абдуманноп Бўриев
Олий Мажлис Қонунчилик палатаси депутати,
O'zLiDeP фракцияси аъзоси

#uzlidep #munosabat

🖥 Расмий саҳифаларимизга уланинг

Иқтисодий ислоҳотларни амалга оширишда парламентнинг иштироки кенгаяди

— Президентимиз ўз маърузасида Қонунчилик палатаси янги чақириқ депутатлари олдида турган муҳим вазифаларни белгилаб берди.

Палата фаолиятини янада такомиллаштириш бўйича давлатимиз раҳбари аниқ ва манзилли режаларини билдирди. Қўмиталар сонининг мақбуллаштирилиши Президентимиз ташаббуси билан ўтказилаётган маъмурий ислоҳотларнинг Парламент фаолиятида акс этиши деб айтсак, муболаға бўлмайди.

Қўмиталар сони камайиши иш сифати тушиб кетади, дегани эмас. Аксинча, қўмиталар фаолиятида сонга эмас, натижадорликка эътибор ортади.

🔗 Батафсил

• Наргиза Саломова
Олий Мажлис Қонунчилик палатаси депутати,
O'zLiDeP фракцияси аъзоси

#uzlidep #munosabat

🖥 Расмий саҳифаларимизга уланинг