Toxirjon | Eslatma

Bir ovqatni sog'indim.

Lekin u ovqatni hozir topib, sotib olib yeyishim mumkin.

Masalliqlari bir xil. Lekin bir masalliq kamchiligi bilan.

Bu ota-onalarning sirli masalliqlari: Mehr

#eslatma

Qarshingdagi bilan qanday gaplashishing,
O'zing bilan qanday gaplashishingdir!

#sher

Solihlar karvoniga qo'shilmoq istadim!

Qo'shilmoq istadim Solihlar karvoniga,
Bardosh bera olmadim bu da'vo dovoniga,
Qadamlar og'ir, yo'l uzoq, qiyshiq,
Ular tezda ketmoqdalar, Qadamim esa emas pishshiq.

Keyin bildim, bu da'vo talabi ekan - pok bir qalb.
Qalbga nazar tashlasam, qora ekan ichi to'la dard.
Dardin so'rasam andin, dedi: "Gunoh, va gunoh"
Da'vo istab shaylandim, da'vo ekan - tavba va savob.

Ulardek bo'lmasam ham, Solihlarga muhabatim bor,
Nurlarga burkangan, qalblari chin, pok.
Toki ular orqali shafoatga erishish, umidim bor.

Tijorati - gunoh bo'lganlarga yomonligim bor,
Garchi men ham shu molda tijorat qilsam,
Qalbim qora, gunohlar zanjirida bo'lsam.

Ey Robbim, yo'ldam toyildim ko'p,
Adashsam to'g'irla, ey Oshi'g'i ko'p,
Zero, Yo'l va Xidoyat sening rahmating,
Adashish va toyilish mening fitratim!

12/01/25

#eslatma

"Output depends heavily on the input"

- Natija, tikilgan sarmoyaga qattiq bog'liq

Ko'p misollarda ko'rish mumkin:
- Chat GPT ni javoblari hammaga xar hil, chunki inputlar (prompt) lar xar hil. Hozir Prompt Engineering degan soha paydo bo'ldi.
- Kunning qanday o'tishi, tongga tikkan sarmoyangga bog'liq
- Sog'liqdagi natijalaring, sog'liqqa tikkan sarmoyalaringa bog'liq (E.g., Ovqat, suv, gazaklar)
- Qanchalik iching (qalbing) toza bo’lishi, shuncha toza output’lar chiqaradi.

Qachonki:
Eng ko’p inputni ilm talab qiladi!
Eng ko’p sarmoyani ilm talab qiladi!
Eng ko’p vaqtingni ilm talab qiladi!

Shunda ilmdan foydalarni ola boshlaysan.

Amal bilan esa ziyodalashadi!

Shunaqa, ilm qilayotgan ishlarimiz ichida eng rashqchisi. U eng ko’p e’tiborni talab qiladi.

#InnerJourney

Fahming yetmaydigan ishlarni tushunmasdan qilaverasan,
Nimaga qilayotganingni bilmaysan,
Ishlarning hikmatini bilmasdan qilaverasan.

Eng muhimi, amal qilishda davom etganing sari hikmatlarini tushunib borasan!

Hamma hikmatlar hamma uchun ochilavermaydi.

Eng maxfiy hikmatlar oshiqlar davrasida bo'ladi.

Bugungi xulosalarimdan biri:
"Amal qilganing sari, ilming ziyodalashadi"

Ilm yuqishining talabi - amal.

Amal bo'lishi uchun esa davomiylik kerak, hatto nimaga qilayotganingni to'liq tushunmasang ham.

- Otasiga qarab, tasbeh aytib yurgan bola. Nima uchun aytayotganini biladimi? Bilmasligi mumkin, hatto havasga qilayotgan bo'lishi mumkin.

Lekin bu ishda umri davomida bardavom bo'lsa, zikrning hikmatlari va foydalarini o'zi uchun kashf qilishni boshlaydi.

Yo'lga sochilgan hikmatlarni - yo'lga chiqmagan qayerdan ham topsin?!

Hikmat bulog'laridan, ilm sutlaridan ichishimizga muvaffaq qilsin!

#kechki_savol

Kunlar nimalar bilan o'lchanishi kerak?

Topilgan pullar, foyda miqdori bilanmi?

Belgilangan vazifalarni bajarilganligi bilanmi?

Qilingan tafakkur vaqti bilanmi?

Qilingan ibodat bilanmi?

Yoki qanchalik "U" ni ko'p eslanganligi bilanmi?

#eslatma

Har bir odamzotning kamchiligi, zaif tomoni bor.

Ya'ni har bir odamning dushmani (shayton) yaxshi biladigan Vasvasa nuqtalari mavjud.

Lekin, bu umuminsoniy nuqtalardir, insoniy mohiyatimizning bir qismidir.

Kimdirda zaiflik bo'lsa, uni ayblamaymiz!

Aksincha, kim shu zaifligini payqamasa, tan olmasa, ayblaymiz!

#from_scholars

Odob - bir kishi kelganda chiroyli muomila qilib qo'yish emas,
Odob - butun mavjudot bilan chiroyli muomilada bo'lishdir!

*Shayx Muhammad Sodiq Muhammad Yusuf

#from_scholars

Ismlarimiz bizniki.
Sifatlarimiz esa, odamlarniki.

Kuni kelib ismlar ketadi, sifatlar qoladi.

*Adham Sharqoviy

#eslatma

Hozir qiyin tuyulayotgan ishlar davomiylik bilan “sevimli” ga aylanadi.

Qiyinchilik takror bilan oson bo’ladi

#eslatma

Husayn Buxoriy ustozning aytgan ushbu gaplari hali ham qulog’imning ostida yangraydi (lekin kech yangradi)

Foniyga ergashgan Foniydur,
Boqiyga ergashgan Boqiydur!

Birinchilardan bo’lib qolishdan o’zi saqlasin!

Ulug’lardan bir aytishar ekan: “Men bugungi yopilgan nondan ko’ra, kechagi yopilganni nonni afzal ko’raman”

“Nima uchun axir kechagisi qotib qolgan bo’ladiku” deb savol berishsa

“Chunki u non Nubuvat zamoniga 1 kun bo’lsa ham yaqindir” deb javob berishgan ekanlar

#eslatma

Imkoniyat va fursat kutilmaydi,

U ikkisi faqat ketadi yoki ushlab qolinadi!

#InnerJourney

- Til o'rganishda, gramatikaning foydasi - so'zlashuvda, yozuvda gramatik xatolardan xoli bo'lish.

Lekin, bir nozik jihati: Qachonki til o'rganuvchi gramatikadan o'rgangan qoidalariga amal qilsa, foydasi bo'ladi.

- Iqtisodiyotdagi nazariyalar, qoidalar, tushunchalarnign foydasi - Iqtisodchidek fikr yuritib qaror qabul qilishdir.

Lekin, qachonki amal qilsa.

- Mo'min bo'lishning foydasi - dunyoyu oxiratda saodatdir.
Lekin, qachonki mo'minlik shartlariga amal qilsa.

P.S

Tilshunos so'zlashuvda va yozuvda gramatik qoidalarga rioya qilmasa - o'zini tilshunos demasin.
Iqtisodchi qaror qabul qilishda nazariyalarni, iqtisodiy falsafalarni qo'llamasa - o'zini Iqtisodchiman demasin.

Shuningdek, Mo'min ham har bir amalida mo'minlik shartlariga rioya qilmasa - Men mo'minman demasin!

#eslatma

Qachon gapirmaslikni bilish, qachon nimani gapirishni bilish kabi mahoratdir.

“Odam bolasining aksar xatosi tilidan” deb Rasululloh s.a.w bizga tilning ofatini zikr qildilar.

- Ustozimiz aytishgan: "Bir savolni berishdan oldin, shu savolni so'ramasam ham, javob olishim mumkinmikan deb o'ylab ko'r".

Chunki, seni savolingga, istiqbolda javob berilishi mumkin. Shuning uchun kut!

Unutib qo'yar darajada xotirang past bo'lsa, yozib ol (Eng yaxshisi ham shu)

Javob butun suhbat davomida berilmasa, so'ra.

Xullas: "Savoling - umumiy, to'xtalishi kutiladigan bo'lsa, so'rama!"

2) Suhbatdoshingdagi charchoq ifori - senga kamroq gapirishdan xabar beradi

Uning foydasi uchun ham uni qiynamasdan, hurmat qilgan holda, suhbatni qisqa qil!

Chunki, bunday qilish, suhbatdoshing oldida hurmatingni oshiradi.

3) Hasanxo'ja ustozim aytishgandi: "Gapning ta'mini boshqalarga tottirishdan oldin o'zimiz totib ko'rishimiz lozim"

- Gapiradigan gapingni 2-shaxsda o'zinga nisbatan bir aytib ko'r, shunda gapingni o'ylab gapiradigan bo'lasan.

4) Og'zinga kelgan so'zlarni, qor to'piga ishlov berganingdek ishlov bermay chiqarma!

- Ma'noni qancha qisqa gapda yetkazib bera olsang, shuncha dahoroqsan.

- Daholik odatda tayorgarlik bilan keladi.

Amerikaning 28-prezidenti, Vudrov Vilson, aytgandi:
"Agar bir joyda 10 daqiqa so'zlashim kerak bo'lsa, unga 1 hafta tayorgarlik ko'raman. 15 daqiqa bo'lsa, 3 kun tayorlanaman, agar 1 soat gapirishim kerak bo'lsa, unda men hozir ham tayyorman!"


5) Til - aqlning tarjimonidir

- Qanday gapirishing, aqlingning modelini suhbatdoshinga namoyon qiladi


Doimgidek:

"Qanday" > "nima" dan muhimroq.

1 narsa haqida 5 odam 5 xil usulda gapiradi.

Ularning qanday gapirishi - eshituvchilarni yoki zavqlantiradi yoki zeriktiradi!

#reflection

“Nima uchun kerak?” deganim ishlarni foydasini endi his qilyapman!

Bugun darsda mendan bir masalani yechib berishimni so’rashdi.

Doskaga chiqib yechib ko’rsatdim.

Professor oldimga keldida:
- “Tokhir, sen qayerlik eding?” , dedi.

Men: “Uzbekistan”

- “Shu bilasanmi, shu paytgacha meni o’qitgan va men o’qitgan O’zbeklat Matematikada juda kuchli bo’lishgan. Yana Algeriyaliklar ham shunday… Shunga seni ham O’zbekistonlikmisan deb ishonch hosil qilmoqchi edim”, dedi Professor.

Endi, birdan ichimdan faxr his qildim. Shunchaki, shu paytgacha menga ustozlik qilgan, meni urishib bo’lsada, qiynab bo’lsada o’qitgan va shunga hissa qo’shgan har bir yaqinimga, ustozlarimga nisbatan maqtov edi bu. Ularga cheksiz tashakkurlarim bo’lsin.

Bir paytlar bu usulni nima keragi bor, qayerda ishlataman, hayotda keragi yo’q deganlarim hozir bir kishini O’zbeklar haqida fikrini iyjobiy bo’lishiga sababchi bo’ldi.

Hozir, Alxamdulillah, kurslarimda Matematikaga doir ishlarida qiynalmayapman. Shu bilan birga, mana nima uchun maktabda matematikani yaxshi o’qish kerak degan xulosalar kelayapti.

Matematikam yaxshi bo’lgani uchun ham o’zlashtirish yaxshi bo’layatganini sezayapman. Nafaqat matematika balki, IT ya’ni kompyuter savodxonligidan ham xabardor bo’lish, ko’p ishlarni osonlashtirmoqda.

#eslatma

Qachonki sen ta'lim va o'yin-kulguni aralashtirsang, ikkalasini ham olmaysan!

*Naval Ravikant