Toxirjon | Eslatma

Do’stlarimni yutig’i meni ko’p xursand qiladi!

Alloh xayrli qilsin!

Murod qo’lidan kelganicha sabablarini qildi, va mana natija!

Bu hali boshlanishi. Sodiq Schooldan dunyo liderlari chiqishda davom etadi!

Mustafo va Murod do’stlarimizni tabriklaymiz! O’qishlarni ham eng kamida shunday xursandlikda tamomlash nasib qilsin!

#eslatma

Xasaddan kelgan harakat, zaharni og'izga olib kelishdek.

Havasdan chiqqan harakat, bolni og'izga olib kelishdek.

#eslatma

Bugun ko'p olsang, u kun mahrum bo'lasan,
Hech narsasiz ketsang, abadiy boy bo'lasan!

Tinglash - hurmat belgisi

Tushunish - aloqa kaliti.

Hayotda qanday qo'llashimiz mumkin?

- Bizni tinglashni xohlaydigan kishilarimizni avval o'zimiz tinglash: Gapni bo'lavermasdan eshitish
- Qarashlar farqlansa ham, tushunishga harakat qilish - "Men seni tushunayapman, lekin mana bu tomondan ham qarash mumkin"
- Gapirganda boshqalarni ham holatidan kelib chiqib gapirish: Gapirganda boshqalarni xafa qilmaydigan va hijolat qilmaydigan qilib gapirish.

Muloqot - 2 tomonlama jarayon. Inson insonga kerak, bir birdan ko'p narsada muhtoj, xususan firklarda ham.

#eslatma

Yo'ldagilarga emas, yo'lga diqqatingni qarat!

Boshqalarning ayblari bilan emas, o'zingni aybingni tuzatish bilan mashg'ul bo'l.

Eski eslatmalarni qayta o'zimga eslatadigan vaqt kelibdi.

Izoh:

Diqqat so’raysan, chalg’ituvchi omillar ko’payadi.

Kuch so’raysan, qiyinchiliklar yopirilib keladi.

Azimat, Intizom so’raysan,
Lekin hech eplolmaysan, battar qiyinlashadi.

Sabr toqat so’rasang,
Sabirsizlik bilan sinalasan.

Ilm so’raysan, imkoniyatlar va tanlovlar ko’payib ketadi. Qaysi yo’lni tanlashni bilmaysan.

Tinchlik so’raysan, lekin hayoting alg’ov- dalg’ov notinch.

Alsidachi:
- Diqqatli bo’lish uchun, avval chalg’ish kerak. Qanday chalg’imaslikni o’rganish uchun
- Kuchli bo’lish qiyinchiliklar oftobida tebranish bilan bo’ladi
- Azimat, kam-kamdan oshib boruvchi eplolmasliklardan keyin bo’ladi
- Sabrli bo’lish, sabrsiz bo’lib ko’rish bilan, xatolar bilan o’rganiladi
- Imkoniyatlar va tanlovlar ichidan eng munosibi va muhimini tanlay bilishni o’zi - Ilmli ekaningni bildirmaydimi?
- Tartibsiz hayotda bo’lib, tinchlikka - uni qadriga yetish bilan yetishiladi.

Bu muammolarni yechimi emas, yechimga qanday yetish, asl yo’l emasmi?

Richard Feynman aytganidek. (Twitterdagi blogimda)

Endi tushunayotgandirsan, Hayotni o’zi seni tarbiyalayapti.

#eslatma #sher

Aslida shuni so’ramaganmidim?

So’rovim edi diqqat,
Chalg’ishim oson bo’ldi,
Kuch so’ragan edim,
Qiyinchilik mo’l bo’ldi!

Chin Azimat edi niyat,
Umri 1 haftalik ekan faqat,
Sabr bo’ldi keyingi maqsad,
Dim[1] sabrsiz bo’pqoldim, Dahshaat!

Ilm kerak faqat deb, ilm istadim endi,
Shu desangiz bu miyada - qiziqishlar ko’p endi.
Hammasiga ergashishim,
etmas edi ILMli meni!

Tinchlik kerak endi deb,
Ko’p so’radim Sakinat.
Hayotga bir qarasam,
Ho’p tartibsiz ekanim edi haqiqat.

O’ylab ko’rdim, tur endi,
Nima so’rasam, tersi[2] keldi,
Shuncha so’rasam ham,
Bo’lganim bo’ldi, shu endi.

Aslidachi haqiqat,
Tez chalg’uvchi bo’lishlik-
Ilk qadam tomon Diqqat.
Qiyinchiliklar meni qilmaydimi baquvvat?!

Xulosam bo’ldi bunday,
Feynman tog’amiz gapirgan edi shunday:

Muammoning go’zalligi, yechimda emas, bunda,
Balki unga olib boruvchi,
Qiyinchilik, asli shu yo’lda!

Lug’at:
: [1] Dim - Juda (Xorazm shevasida)
: [2] Ters - Teskarisi

#InnerJourney

Dardni ham beradigan u, Davosini ham beradi emas.

Dard orttirgan o’zim, davoni esa U beradi.

Biz dardlarni orttiruvchimiz, o’zimizga zulm qiluvchimiz, bizni tiklab, yana yo’liga boshlab qo’yuvchi U dir!

"Self-reflection" xatolarni topish, tahlil, va isloh uchun yaxshi usul.

Isloh bo'lmaslikni sabablaridan biri - Xato nimaligini bilmaslik, bilganda ham tezda unutib yuborish.

Xatolarni bilganda ham, eslab qolganda ham, Tahlil qilmaslik esa ikki karra xato.

Shuning uchun bu usulni odat qilishga harakat qilayatganlardanman.

Shu paytgacha Obsidian ilovasida, har haftalik, oylik, va yillik reflection yozar edim.

Journaling va self-reflection haqida Aziz Rahimov ustozdan o'rganganman.

Quyidagi postdan ko'p narsani chopganman (nusxa ko'chirganman)

Quyida men hozir yozadigan jurnallarim:
1. Failures Journal - Kalla qo'ygan holatlarimni yozib yuraman
2. Life-changing events - Hayotni bir trassadan boshqa trassaga ko'chirib yuboradigan voqealar
3. Relationship advices - Munosabatlar haqida (do'stlar, oila, ustozlar, va boshqalar)
4. Wisdom Hub - Hadis, iqtiboslar, hikmatli so'zlar va ularga amal qilish qadamlari yoziladi
5. Distraction journal - Meni chalg'itayotgan har qanday omilni, payqagan zahotim yozib qo'yaman. Keyingi safar qanday oldini olishni ham yozib ketaman
6. Dream Journal - Orzular va ulargacha bo'lgan qadamlar yoziladi
7. Ideas Journal - Yangi fikrlar, biznes idealar, yoki yangi loyihalar
8. Journals of Lessons - Ustozlardan olingan yangi darslar (hayot saboqlari)
9. Memory Journal - Farzandlarim va hammaga aytib berishim mumkin bo'lgan qiziq voqealar
10. Daily Reflection - Har kuni o'zimdan so'rab oladigan savollarimga javob beraman.

Journaling va reflection yozishning foydasi men o'ylaganimdan 3 barobar ko'pligini hozir sezmasman, lekin vaqt o'tgan sari bu narsa sezilib boradi. Foydasini sezib boraman.

Obsidian ilovasi bilan ham shunday bo'lgan. 2 yildan beri ishlataman. Lekin boshlaganimdan juda qiyin bo'lgandi, hatto "bir tiynlik foydasi yo'q ekan" degan vaqtlarim ham bo'lgan. Lekin ishlatishda davom etdim. Hozir esa 2-miyam desam bo'ladigan, ma'lumotlar, fikrlarim, xotiralarim bor.

————————————————

Endi, shu journalingga 11 chi jurnalni qo'shmoqchiman. 2025-yilni boshidan harakatni boshladim.

11. Video journals - Har oyni videolarda yoritib boraman. Yaxshi vizual xotira bo'ladi.

Yaqin orada, Yanvar oyini video jurnalini ulashaman.

Muammo sening atrofingdamas, seni ichingda, fikrlaringda bo’ladi.

*Ustozlardan

#eslatma

Faqat ilm va tajriba emas, kim bilan do’st ekanliging va ular bilan aloqang qandayligi ham hayotingda katta ahamiyatga ega.

Shuning uchun, Sodiqlar bilan do’st bo’l va ular bilan aloqangni mustahkamla.

Yutuqqa bir-birlaringa yelkadosh bo’lib, yordam berib yetishiladi.

*Ustozlardan eslatma

#reflection

Alxamdulillah, kecha stressli imtixondan o'tib oldim.

Oldinda yana 3 tasi mushtoq.

Ularni ham nasib qilsa, ortiqcha stressiz topshirishni nasib qilsin!

#InnerJourney

Keyingi tushunib yetayotgan darslarimdan biri:

Rivojlanishdagi eng katta devor va toʻsiq – EGO (kibr).

Bir ishni qilaman, yaxshi koʻrinadi, hatto azimati ham boʻladi. Keyin kimdandir yashirmay, “Bu kibr emas-ku”, deb aytib beraman. Ertasi kuniyoq bardavomlik va baraka ketadi.

“Kimda zarracha kibr boʻlsa ham, Jannatga kirmaydi” degan xabarni qalbimizda qanday his bilan qabul qilamiz? “Ha, kibr qilmayapmanku” deb qoʻyamiz-da…

Aslida kibr qiluvchi, koʻp hollarda, oʻzi kibrda ekanini biladi. Lekin buni tark qilish uchun yetarli sabab topolmagani bois, bu illatdan qutula olmaydi. Chunki odamlarning eʼtibori, ulardan ajralib turish — daladagi baland lola yoki qizgʻaldoq kabi koʻzga tashlanish — nafsga juda yoqadi.

“Kibr qilmayapman,” deganimizda — kibr qilayotgan boʻlamiz.
“Ixlos qilayapman,” deganimizda — ixlos qilmayotgan boʻlamiz.
“Ilm olayapman,” deganimizda — aslida oʻzimizga qarshi hujjat toʻplab yurgan boʻlamiz.

Kibrdan ham ogʻirroq dard bor — UJUB

Hasanxoʻja ustozimni “Kibrni doʻsting sezishi va aytib berishi mumkin, lekin ujubni na oʻzing va na atrofdagilar payqashadi,” deb aytganlari esimda. Ustozlar aynan shu bois ham kerak.

Kibrni doʻst koʻrishi mumkin. Men haqiqiy yaqin doʻstlarimni “kibrimni yuzimga ochiq aytganlar” deb bilaman. Chunki ular mening Jannatga kirishimni istab, rostdan ham qaygʻuradiganlardir.

Doʻstlarimdan yagona iltimosim shuki:
- Qayerda boʻlmay, menda zarracha kibr alomatini koʻrsangiz — meni tarsaki bilan boʻlsa ham hushyor qiladigan yoʻlni tutishingizni so'rayman!

#eslatma

Hayot tez o'tib ketyapti. Toxirjon degan tanishim Universitetda 1-semesterni tugatish arafasida.

Shu bola kelganimdan beri eng ko'p qilgan ishi - Bekorchilik.

Aniqrog'i - mayda va keraksiz ishlar bilan band bo'lish.

Bugun men unga shu paytgacha eng dolzarb va muhim deb bilgan 2 ta maslahatni eslatdim:

> Maqsadga erishishdagi sabablarni yaxshi qilish uchun - ko'p vaqt sarflashing shart emas. Eng ko'p keragi - Diqqatingdir (Ya'ni chalg'imaslik)

> Oxiratga va dunyoyinga foyda bermaydigan ishni tark qil. Bekor o'tirma!

"Aslini olganda, eng amal qilish qiyin bo'lgan maslahatlar ham shular edi", - deb kulib qo'ydi Jigarim.