Laylo Sobir qizi

Yaxshilar, Ramazon muborak bo‘lsin! 🌙

Salom, gripp! 🤕🤒

Sendan qo‘rqmayman, ammo hammani injiqligim bilan bezor qilaman 🥱

Buncha sarguzashtlardan keyin "qotvorishim" osonlashdi va hech nima yozmadim🙈

Xulosam shu: shukr qilishga sabablarimiz kamayib ketganda, Alloh mana shunday signallar bilan baxtli ekanimizni eslatib qo‘yadi 😊😊

Shukr qilishga arziydigan sabablarim juda ko‘p ekan. Bolalarim sog‘, qo‘limda oflayndagilar topa oladigandan ham ko‘proq summa keltiradigan kasb, sevimli jamoam, insonlarim bor!

Alhamdulillah 😊😊

YALQOV KOPIRAYTERNING SARGUZASHTLARI 😁😁😁

Qaydasan "Ona va bola skrining markazi"? —deya yo‘l oldim shifoxona tomon

Ertalabdan qizim bilan akasini bog‘chasiga tashladik. Keyin ona va bolalar shifoxonasiga olib boradigan avtobusga mindik. Ketyapmiz, ketyapmiz... Umrimda ko‘rmagan yo‘llardan o‘tyapmiz. Qarabmizki, avtoda men, qizim yana bir yo‘lovchi va haydovchi qoldik. Oxiri haydovchidan so‘radim shu markaz qayerda deb.
— Teskari yo‘nalishga minibsiz avtobusga, singlim, — javobini oldim. Shu yerda to‘xtayman. Yo‘lni narigi tomoniga o‘tib, yana shu raqamdagi aftobusga minasiz...
— Rahmat, bilmagandan keyin shu-da...

Yo‘ldan naryoqqa o‘taman. Baloning teshilgurlar yo‘lovchi o‘tadigan joyda yo‘l beray demaydi ba'zilar. Qizim bilan o‘tib, yana avtoga mindik. Ertalab singlisiga sosiska beribdi akasi o‘zinikidan. Bir tishlam yegandi o‘zi. O‘shani qayt qildi qizim va sulayib qoldi. Skrining markazga ketayotgan men uni ko‘rib, fikrimdan qaytdim va uyga keldim. Qizim gapirmay qo‘ydi. Bilaman, uning kayfiyati chog‘ bo‘lsa, jim turmaydi. Aniq mazasi chatoq, oshqozonini buzdik dedimda, bolalar shifoxonasiga yo‘l oldik. Taksiga o‘tirdim qovun tushirmay deb. Yaqin poliklinikaga oboring deb, keyin bolalar shifoxonasiga haydashini so‘radim. Gadoytopmas joylarga ko‘chirib ketishgan-ey! Bordik, rosa navbatlar bilan pediatrga uchradik. Haliyam uncha jiddiymas ekan. Sirop va hazmga mos dorilar yozib berdi. Navigatsiyani qo‘shib o‘zimning ishim bo‘yicha skrining tekshiruviga yo‘l oldim.(Vaaay, taksi to‘xtatgani shu joyidayam ziqnalik qilamanmi🫠) 900 metr deb ko‘rsatilgan manzilga odimlab boraverdim. Cho‘lda ketayotganda to‘satdan sarob paydo bo‘lib qoladi-ku, xuddi o‘shanday skrining markazi ko‘z oldimdan chiqdi. Bordim, qovun tushiribman shu joyida — cho‘ntagimni cheklardan tozalayman deb skrining yo‘llanmasini uyga tashlab chiqibman(qovunmandaaa!)... Uzooooq navbatlardan keyin galim kelay deganda, shifokor tushlikka chiqib ketdi. Qizimning bu orada chiroyi ochilib, zerika boshladi. Yerda o‘rmalab yurgan chumolini ko‘rib, ortidan quvlab yurdi...

Bu yerdan ham amallab chiqdik, bo‘ldi taksi minmayman, avtobusda ketaman deb turganimda bitta avtobus keldi. Mindik, 3 nafar yo‘lovchimiz. 20 metr yurgandan keyin avto to‘xtadi va haydovchi tushishimizni so‘radi. Baloni teshilibdi avtobusning 🥹

Keyin yana kutdik... Bu o‘rtada yana bitta avtobus keldi. Unda keta boshladik. Manzilga yetay deganimizda uniyam baloni teshilsa deng🥹 (hammasiga yo‘llar aybdor! Meni aloqam yo‘q).

Ballonning dami chiqqan holatda bizning bekatgacha keldik va tushdik. Ungacha malika Sofiya allaqachon uxlab yuborgandi. 3-qavatga chiqib, yelkam uzilgudek, qo‘lim qo‘lligiga pushaymon bo‘lib, arang kalit bilan eshikni ochdim. Qizimni uxlatib, o‘zim qatorlashib ketgan tzlarni yozdim (baraka topishsin, vaziyatimni aytib qo‘ygandim, kutib turishdi)
Shu payt kartam kerak bo‘pqoldi. Cho‘ntagimdan topolmadim. Yo shifoxonada, yo Avtobusda tushirib qoldirganman! Rosa izladim. Ammo yo‘q. Ichidagi pulini boshqa kartaga o‘tkazib, uni bloklab qo‘ydim...

Xullas, teskari yo‘nalishga sayohat, balloni teshilgan 2 ta avtobus, mazasi bo‘lmagan ona-bolalar, yo‘qolgan plastik karta, pushaymon qo‘l va yelkalar bilan kunni kech qildik 🤣

Uzlarim, uxlab qolibman😢

Bugun shu yerga bitta va'dacha berib ketay. Kechga uuuuuzuuuuun post qo‘yaman bitta:

YALQOV KOPIRAYTERNING SARGUZASHTLARI degan sarlavha bilan boshlanadi 🤣

Ko‘chada ketayotganingda sen ishlagan brendlarning nomiga ko‘zing tushsa — yoqimli hislar beradi-a? 😊

Lirik chekinish. Mening qalamim adabiyotdan uzoqlashib ketyapti deb o‘ylagandim... Hali umid bor ekan 🥹🥹

Tong — baraka! Tong — duo! Tong — xayr! Tong — xush kayfiyat! ☺️

🌸 Tonglarga, duolarga, barakalarga, xayrga, xush kayfiyatga limmo-lim umr barchaga nasib aylasin!

Xullas, yangi yilni shifoxonada o‘tkazsam kerak deb o‘ylayotgan edim. Shukrki, uyga javob berishdi. Rosti bu yerdagi ayollarning turfa taqdirini eshitib, o‘zim ba'zi yo‘qotish va topishlariga guvoh bo‘lib, angladimki, men go‘zal hayotda yashayotgan ekanman...

Meni qo‘llovchi yaqinlarim, onlayn bo‘lsada ishim, meni tushunuvchi, qo‘llovchi o‘z jamoam borligi ko‘nglimni shukronalik hislariga limmo-lim qildi.

Hoziram juda yaxshi emasdirman, juda energiyaga to‘lmagandirman. Ammo maksimal darajada harakat qilaman avvalgi Layloday yonishga! 🔥

Qiz-ayollar, o‘zingizni asrang! Hech qachon qurbon obrazida qolib ketmang! Hayotingizning mas'uliyatini zimmangizga oling. Sizni ezishlariga, shaxsiyatingizni sindirishlariga yo‘l qo‘ymang. Unutmang: farzandlarimiz bizdan o‘rnak olishadi!

Manov kim-ey🫠🫠🫠