Paziyletuz | Рәсмий канал

#Ибратлы_гүрриңлер

🤣 Данышпанның үгит-нәсияты

😹 Бир қалада данышпан жасапты. Ҳәр жерден оның алдына мәсләҳәт ушын адамлар келеди екен. Ол адамларға баҳалы мәсләҳәтлер береди екен. Оның даңқы узақ үлкелерге жетип барды.
Басқа бир қалада өзиниң данышпанлығы менен танылған бир адамның қулағына да бул хабар жетип барды. Ол адамлардың арасында өзиниң абырайын жоғалтыўдан қорқып, сол данышпаннан өзиниң жоқары екенлигин дәлиллеўди ойлапты ҳәм реже дүзипти. "Бир гүбелекти услап, еки алақанымның арасына алып, ҳәммениң алдында данышпанның алдына бараман. "Қолымда не бар?" – деп сорайман. Әлбетте, ол гүбелек деп жуўап береди. Сонда мен: "Ол тири ме, өли ме?" – деп сорайман. Егер ол тири десе, мен алақанымды билдирмей қысып ашқанымда ҳәмме гүбелектиң тири емеслигин көреди. Егер ол гүбелекти өлген десе, мен қолымды ашып, оны ушырып жиберемен, ҳәмме гүбелектиң тири екенин көреди, сонда ҳәмме оның қәте қылғанын сезеди," деп ойлады.
😩 Ол айтқанын қылып, гүбелекти алып данышпанның алдына барды ҳәм "Қолымдағы не?" деп сорады. "Гүбелек," деп жуўап берди данышпан. "Ол тири ме яки өлген бе?" деп сорады келген данышпан. "Бул енди саған байланыслы," деп жуўап берди данышпан оның көзине қарап.

Билип қойың, өз күшиңди артықша баҳалаў сени де сондай уялдырып қойыўы мүмкин. Данышпанлар: "Өзиңди ер билсең, басқаны шер бил," деп бийкарға айтпаған.(muslim.uz)

👇👇👇👇👇👇👇👇👇👇👇👇👇👇

     Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz

Бир қаланың ортасында үлкен тас тур еди. Ол жолдан өтип баратырғанларға ҳәм арбалардың жүриўине кесент беретуғын еди. Қала ҳәкими кеңесгөйлерин шақырып, таслардан қалай қутылыў мүмкинлигин сорады. Кеңесгөйлерден бири тасларды жарып, майдалаў керек, деди. Бул мәсләҳәт ҳәкимге мақул келмеди. Тас жарылса, әтираптағы үйлерге зыян тийгизиўи мүмкин еди. Екинши кеңесгөй басқа қалалардан тас ойыўшыларды шақырып, оны қол күши менен майдалаўды усыныс етти. Бул усыныс та мақул келмеди. Себеби, бул жумыс ушын көп қаржы ҳәм ўақыт керек еди. Олардың қасынан өтип баратырған бир дийқан бул сөзлерди тосаттан еситип қалды. "Мен таслардан аңсат ҳәм тез қутылыў жолын билемен," деди ол. "Бул жумыс ушын қанша қаржы керек болады?" деп сорады ҳәким. "Ҳеш қандай қаржы керек емес, тек бир жәрдемши берсеңиз болды," деди дийқан.

Дийқан жәрдемшиси менен тастың қасынан шуқыр қаза баслады. Шуқыр таяр болғаннан кейин, көпшилик болып тасларды оның ишине таслады. Дийқан тас үстинен топырақ тартып, тегислеп қойды. Бул исти көрип қуўанған ҳәким дийқанды өзине биринши мәсләҳәтши етип алды.

Билип қойың, жетиспеўшилик ҳәм қыйыншылық адамды көп ойлаўға мәжбүрлеп, данышпан қылып жибереди, ал керисинше, тоқлық адамды ҳәлсиретеди ҳәм ақыл-ойын әззилетеди.(muslim.uz)

👇👇👇👇👇👇👇👇👇👇👇👇👇👇

     Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz