Neft va Gaz Ishi

Долоталар ҳақида видеоролик

Каналга уланиш: @Ngi_Uz

#ШГКМ #21декабрь

Қадрли Шўртан газ кимё мажмуаси меҳнат жамоаси, азиз ҳамкасблар!

Бугун, биз учун алоҳида аҳамиятга эга бўлган — Шўртан газ кимё мажмуаси ташкил этилган кун. Бундан бир неча йиллар аввал, 2001 йил 21 декабрь санасида мажмуамиз тарихи бошланган бўлиб, у замонавий технологиялар асосида ишлаб чиқариш жараёнларини йўлга қўйиш, мамлакатимиз иқтисодиёти ривожига улкан ҳисса қўшиш йўлидаги илк қадамлардан бири бўлди.

Ташкил этилган кунидан бошлаб мажмуамиз нафақат ўзининг юқори сифатли маҳсулотлари, балки тажрибали, фидойи ва ташаббускор жамоаси билан ҳам танилиб келмоқда. Ҳар бир ходимнинг машаққатли меҳнати, фидойилиги ва бир мақсад сари интилиши сабабли биз юксак натижаларга эришиб, ўз олдимизга қўйилган режаларни муваффақият билан амалга ошириб келмоқдамиз.

Ушбу кун муносабати билан мен барчангизни табриклаган ҳолда, ҳар бирингизга чуқур миннатдорлик билдираман! Сиз азизларнинг меҳнаткашлигингиз ва масъулиятингиз туфайли мажмуамиз бугун ўз ўрнига эга етакчи корхонага айланди.

Келажакда бизнинг олдимизда замонавий инновацион технологияларни жорий этиш ва янги бозорларни эгаллаш каби янги-янги марралар турибди. Ишончим комилки, биз буни фақат бирдамлик, фидойилик ва интилувчанлик билан амалга ошира оламиз.

Барчангизга ўзимизга хос бўлган ушбу байрам муносабати билан, сиҳат-саломатлик, бахт-саодат, оила тинчлиги ва меҳнат фаолиятингизда янада улкан муваффақиятлар тилайман! Мажмуамизнинг ва жамоамизнинг келажаги ёрқин, муваффақиятларга бой бўлсин азизлар!

Ҳурмат билан,

Ш.Ч.Асланов
«Шўртан газ кимё мажмуаси» МЧЖ Бош директори,
Олий Мажлис Сенати аъзоси.

Каналга уланиш: @Ngi_Uz

#ШГКМ #21декабрь

Ҳурматли Шуртан газ кимё мажмуаси жамоаси!

Сизларни фаолиятингизнинг 23 йиллик юбилейи билан чин дилдан муборакбод этаман! Йигирма уч йил давомида мажмуа нафақат мамлакатимиз иқтисодиётига, шу билан бирга минглаб оилаларнинг фаровон ҳаёт кечиришига ҳам ҳисса қўшиб келмоқда.

Ўтган давр мобайнида меҳнаткаш ва фидойи ходимлар саъй-ҳаракатлари билан корхона юксак марраларни забт этди ва бу ютуқлар давомли бўлажак.

Яна бир нарсани алоҳида таъкидлаб ўтиш керакки, корхонанинг ҳомийлигидаги воҳамизнинг Насаф футбол клуби минглаб юртдошларимизга катта қувонч улашиб келмоқда, бу учун минглаб Насаф мухлислари қаторида ҳам ўз миннатдорчилигимни билдираман.

Қадрли ҳамкасблар, мажмуанинг барча ходимлари, ушбу байрам муносабати билар сизларга мустаҳкам соғлик, янги зафарлар ва оилаларингизга бахт-саодат тилайман. Фаолиятингиз бундан-да равнақ топаверсин!

Мажмуанинг 23 йиллиги муборак бўлсин!

Каналга уланиш: @Ngi_Uz

Фарғона шаҳридаги АЁҚШда юз берган портлаш оқибатида бир киши вафот этди

2024 йил 17 декабрь куни соат 13:43 да Фарғона шаҳри, “Янги йўл” МФЙдаги АЁҚШ ва АГҚШда суюлтирилган газ тўкиш жараёнида техника хавфсизлиги қоидаларига риоя қилинмаганлиги сабабли портлаш ва ёнғин содир бўлган.

Ҳолат юзасидан Фарғона вилояти ФВБ ахборот хизмати қўшимча маълумот тақдим этди.

Маълум қилинишича, ёнғин-қутқарувчилар соат 13:47 да етиб бориб, ёнғинни 14:12 да тўлиқ бартараф этишди.

Ҳодиса оқибатида 1 нафар фуқаро ҳалок бўлган, 4 нафар фуқаро тан жароҳати олган, 8 нафар фуқаро тиббиёт ходимлари назоратига олинган.

Каналга уланиш: @Ngi_Uz

#No_comment

Ўзбекистоннинг энг совуқ минтақаларидан бири бўлган, Қорақолпоғистон Республикаси, Мўйноқ туманидаги "Ғарбий Қуйи Сурғил" конида қишнинг изғирин совуғида ҳам машаққатли меҳнатини сидқидилдин давом эттираётган фидокор бурғиловчилар иш фаолиятидан лавҳа.

Ҳамкасблар, барчангизга куч-қувват тилайман, барака топингизлар.

Каналга уланиш: @Ngi_Uz

Энергетика соҳасида 18 та мажмуа ишга туширилди, яна 6 тасининг қурилиши бошланди

Ўзбекистон Республикаси Президенти Шавкат Мирзиёев 13 декабрь куни янги энергетика қувватларини ишга тушириш ҳамда навбатдагиларини қуришга бағишланган тантанали маросимда иштирок этди.

Булар мамлакатимизда энергетика тизими барқарорлигини ошириш бўйича қилинаётган кенг кўламли ишларнинг давомидир. Ўтган йили декабрда 5 та қуёш ва 1 та шамол электр станцияси ишга туширилган эди. Давлатимиз раҳбарининг ҳудудларга ташрифларида ҳам кўплаб лойиҳаларга асос солинмоқда.

Бу галги маросимда умумий қиймати 7 миллиард доллардан зиёд 24 та лойиҳа тайёрланган. Хусусан, Бухоро, Навоий, Наманган ва Тошкент вилоятларида қарийб 2,3 минг мегаватт қувватга эга 5 та қуёш ва шамол электр станцияси ҳамда 5 та юқори кучланишли подстанция қуриб битказилган. Ўзбекистонда илк бор Андижон ва Фарғонада 300 мегаваттли энергия сақлаш тизими барпо этилган. Қашқадарёда 400 мегаваттли электр станцияси, Тошкент шаҳрида замонавий когенерация қурилмаси, Андижон, Сурхондарё ва Тошкент вилоятларида 4 та кичик ГЭС шай ҳолатга келтирилган.

Шунингдек, Фарғона, Самарқанд, Навоий, Тошкент вилоятлари ва Тошкент шаҳрида 2,5 минг мегаваттли 6 та электр иншооти қурилиш арафасида.

Ушбу янги лойиҳалар орқали келгуси йилларда қўшимча 9,5 миллиард киловатт соат электр ишлаб чиқарилиб, 2,5 миллиард куб метр табиий газ тежалади, 4,6 миллион тонна зарарли газлар чиқишининг олди олинади.

Энг муҳими, 4 миллиондан зиёд хонадон узлуксиз тоза энергия билан таъминланади. Бу иқтисодиётнинг бошқа соҳаларида ҳам 4 миллиард долларлик қўшилган қиймат яратишга туртки беради.

Умуман, юртимизда келгуси йили жами 84 миллиард киловатт соат электр энергияси ишлаб чиқарилади. Бу 2016 йилга нисбатан 25 миллиард киловатт соат ёки 1,5 баробар кўпдир.
———

Шахсан мен, юртимизда сўнгги йилларда яшил энергетика бўйича амалга оширилаётган ишларни тўлиқ қўллаб-қувватлайман ва олқишлайман. Табиий газ қазиб олиш камайиб кетаётган ва энергия истеъмоли ошиб кетаётган бир вақтда бу жуда яхши ечим!

Каналга уланиш: @Ngi_Uz