Mukhriddin.com

Kibrlilarga oson emas!

Bir joyda qotib qolgan tanishlarimni kuzatishni boshladim. Tahlil qildim.  Yillar o’tsa ham nega ko’proq o’rganmayapti, ko’proq pul topmayapti? Rivojlanmayapti? 

Pul topish ikkita narsaga bog’liq: Qobiliyat, o’rganish tezligi. Qobiliyat ham o’rganishsiz bo’lmaydi.  Yangi narsani o’rganish uchun esa eski biladiganlarimiz ishlamayotgan yoki yetmayotgan bo’lishi kerak. 

Ya’ni biron nimani o’rganish uchun odam “hozirgi holatim yetarli emas, qilayotgan ishim xato” deb tan olishi kerak. 

Tan olish = uyalish. 

Demak uyalishdan qo’rqmasang o’sasan. Qo’rqsang — yo’q. 

Qotib qolgan insonlar uyalishdan qo’rqib kamchiliklarini tan olishmaydi. Eski ishlari xatoligi tan olinmasa yangi narsa o’rganilmaydi. 

Odam xatosidan nega uyalishi mumkin? Axir hamma xato qilsa? Egilgan boshni qilich kesmasa?

Uyalishning asosiy sababi u odam xato qilmayman deb o’ylaydi.  Doimo o’z fikrini yuqori sanaydi. Fikri haqligi uchun emas. Uniki bo’lgani uchun. Kibrning ham asl tarifi shu — xato bo’lsada o’z fikridan qolmaslik. 

Xulosa: Imkon bo’la turib qotib qolish kibrga borib taqalyapti.  Kibrning zararlarini ko’zim bilan tanishlarimda ko’rayapman. 
Meni holatimda inson kibrining darajasi fikrlash torligi va daromad kamligiga proporsional bo’lib chiqyapti. 

Yuqori kibr = Kam bilim. Kam bilim = kam daromaddan chiqishning imkonsizligi. Kam daromad = qiyin hayot.

Demak tanlov oddiy. Kibrga to’la qiyin yoki tavozuli oson hayot. 


2024.08.18


@mukhriddin_com

Tortishish qonuni

Fizikaning “Tortishish qonuni” faqatgina Yer bilan emas, barcha olamlar bilan bog‘liq qonuniyatdir.
Instagram’ga ketkazayotgan vaqtimni o‘lchadim, statistika qo‘rqinchili bo‘lib chiqdi. ( va bundan kechdim,kechdilar qachondirlar )


Kitob o‘qishni boshlaganimdan beri hech kimni bunga targ‘ib qilmadim. Kitob o‘qish mumkin bo‘lgan barcha joyda o‘qidim.

Qolgani esa tortishish qonuni. 
Do‘stlarim men sababli Instagram’ga boshqa kirmayotganini aytdi. Atrofimdagi meni taniganlarning ko‘pchiligi kitob o‘qishni boshladi.
Yaxshi odatlar ham, yomon odatlar ham o‘z-o‘zidan paydo bo‘lmaydi. Barchasi tortishish qonuniga ko‘ra harakatlanadi.

@mukhriddin_com

🗣💬👍

Insonlar sevilish uchun yaratildilar. Buyumlar esa foydalanish uchun.

Dunyodagi muammolarning sababi shu: narsa-buyumlar sevilib, insonlar foydalanilmoqda...

Jamil Marich (Cemil Meriç)

@mukhriddin_com

🗣💬👍

Parvoz qilishni xohlasang, oyog‘ingdan tortayotgan narsalardan voz kech.

Tonniy Morrison

@mukhriddin_com

Nega odamlar tez taslim bo'ladi yoki tez kechib keta oladi?

Ba’zan ular muvaffaqiyatsizlikdan yoki boshqalar nima deydi, deb qo‘rqadi. O‘ziga ishonchi yetarli bo‘lmaganda, inson tavakkal qilishdan cho‘chiydi va orzularidan voz kechadi. Ba’zilar esa tez natija kutadi, lekin katta maqsadlar vaqt va sabr talab qiladi. Natija tezda ko‘rinmaganda, ular umidsizlikka tushib, taslim bo‘ladi.

Vaqt o‘tishi bilan insonning qadriyatlari yoki hayotiy sharoitlari o‘zgarishi ham mumkin. Bir paytlar muhim bo‘lgan orzular boshqa vaziyatlarda unchalik ahamiyatli bo‘lmay qoladi. Yoki oila, do‘stlar yoki jamiyatning bosimi tufayli inson o‘z istaklarini qurbon qiladi. Boshqalarning umidlarini oqlash yoki moslashish uchun o‘z orzularidan voz kechadi. Ba’zida esa qayg‘u yoki umidsizlikdan himoyalanish uchun his-tuyg‘ularini ichiga yutadi yoki ularni rad etadi. Bu ichki himoya mexanizmi bo‘lib, inson o‘zini ruhiy jarohatlardan asraydi.

Lekin shunday vaziyatlarda o‘ylab ko‘rish kerak: Orzulardan voz kechayotganingizning sababi haqiqatan ham ularning ahamiyatsizligi yoki shunchaki qo‘rquv va yoki kimnidir rozi qilishmi , shular sizni ortga tortyaptimi?

Hech qachon taslim bo‘lmang! Yo'q deya oling , hammani rozi qila olmaysiz. Unutmang Rozi qilishingiz kerak bo'lgan insonlar Ota-Ona bo'lsa va asosiysi yaratgan Allohning roziligi.

@mukhriddin_com

Qattiq sovuq tushganda podshoh qasriga qaytdi. Darvoza oldida yupun kiyimdagi soqchiga koʻzi tushdi. Podshoh unga yaqinlashib:

- Sovuq qotmayapsanmi? - dedi.
- Sovuq qotyapman, lekin, nailoj, issiq kiyimlarim shu, chidashdan o‘zga choram yo‘q, - dedi soqchi.
- Hozir xizmatkorlardan biriga tayinlayman. Senga issiq kiyim olib keladi, - deb podshoh qasriga kirib ketdi...

Soqchi podshohning va’dasidan xursand bo‘ldi. Ammo podshoh qasrga kirishi bilan va’dasini unutdi. Ertasi kuni tongda soqchini jonsiz holda topdilar. Uning yonida qog‘oz, titroq qo‘llar bilan yozilgani ko‘rinib turgan xat bor edi. Unda:

"Ey, shoh, har kecha qattiq sovuqlarga bardosh berardim. Lekin sening issiq kiyimlarni va’da berishing, quvvatimni sug‘urib oldi va meni o‘ldirdi" deb yozilgandi...

P.S: Qo‘lingizdan kelmasa, odamlarga umid bermang! Aks holda, ularning halokatiga xizmat qilishingiz mumkin.

(c) foydali moliya


@mukhriddin_com

Maqsadli auditoriyani qanday aniqlash mumkin?

Maqsadli auditoriyangizni aniqlash uchun o'zingizga quyidagi savollarni bering:

Mening ideal mijozlarim kimlar? Ularning demografik holatini (yoshi, jinsi, ma'lumoti, daromadi), qiziqishlari, hal qilmoqchi bo'lgan muammolari nima?
Masalan, Sport pitaniya (oziq, vitaminlar, protein, qo'shimchalar) sotadigan "My body" nomli do'kon. Uning maqsadli auditoriyasi: 15-40 yoshgacha bo'lgan (ma'lumoti shart emas) erkaklar va daromadi o'rta sinfga kiradigan, qiziqishlari ko'proq bodybuilding bo'lgan hamda tanasi xunuklashib yoki semirib ketmaslikni xohlaydigan mijozlardir.

Ular vaqtlarini qayerda o'tkazadilar? Ular qanday ijtimoiy tarmoqlardan foydalanadilar?
Bularni ikkiga guruhga bo'lamiz yani "qizlarga yoqish maqsadidagi" o'smirlar hamda sog'lom turmush tarzi va tanasini nazorat qilib yuradigan erkaklar. Birinchi guruh uchun eng ko'p vaqtini instagram, tik-tok, telegram, ikkinchi guruhga esa facebook, telegramdir.

Ularni nima undaydi? Ular sizning mahsulotingiz bilan qanday muammolarni hal qilishni xohlashadi?
Birinchi guruh auditoriya uchun chiroyli qomat va kuchli ko'rinish bo'lsa, ikkinchi guruhga esa semiz ko'rinmaslik, baquvvat va sog'lom turmush tarzidir.

#marketing

@mukhriddin_com

Biznesni qanday bankrot qilish mumkin?

Sizga biznesni o'ldirishning oson va keng tarqlagan yo'lini aytaman va buni amalda qo'llamang. Bu deyarli barcha tadbirkorlarning savol marketingga taqalganda yo'l qo'yadigan eng katta xatolaridan biri hisoblanadi.

Bu keng tarqalgan muammo va nega ko'pchilik kichik bizneslarning bozori bankrot bo'ladi degan savolning asosiy javobidir.

Kichik tadbirkorlarning keng tarqalgan xatosi shundaki, ular sohada ma'lum bir muvaffaqiyatga erishgan katta raqobatchilarga qarab taqlid qiladi. Mantiqan olib qaraganda bu to'g'ri bo'lib tuyiladi - muvaffaqiyatga erishgan bizneslar nima qilsa, sen ham shuni qil va sen ham muvaffaqiyatli bo'lasan.

To'g'rimi?

Lekin real hayotda bu biznesni o'ldirishning eng tezkor yo'li va ishonchim komilki, aynan shu narsa ko'pchilik bizneslarning yopilishiga sabab bo'ladi. Buning ikkita muhim sababi bor:

➖Katta kompaniyalar marketingga qo'ygan masalasi umuman boshqa.

➖Katta kompaniyalar JUDA KATTA byudjetga ega

Allan Dib

@mukhriddin_com

Katta kompaniyalar marketingi

Katta kompaniyalar marketingi ko'pincha mass marketing yoki brending ham deyiladi. Bu marketingni maqsadi odamlarga o'z brendini imkon boricha ko'proq eslatib turish.

Brendni qanchalik ko'p eslatish, odam ong ostiga joylashishiga bu esa mijoz sotib olishga kelganda, bu brendni tanlash ehtimolini oshiradi.

Juda ko'p katta kompaniyalarning marketingi aynan shu maqsadda. Agar siz to'xtovsiz "Coca-cola", "Nestlee" yoki "Nest One" kabi brendlarning reklamasiga ko'zingiz tushgan bo'lsa, demak, siz mass marketingga duch kelgansiz. Bu mass marketing juda samarali natija beradi, lekin juda qimmat va ko'p vaqt talab etadi.

Bunday katta byudjetlarni katta kompaniyalar ko'tara oladi. Lekin, kichik bizneslar o'zlarining kichik byudjeti bilan katta korxonalarga taqlid qilishadi. Agar sizda katta pullar bo'lmasa, katta ehtimol bilan bu mass marketing sizni jarga itarib yuboradi.

Kichik bizneslar uchun esa boshqa marketing, buni keyingi postlarda gaplashamiz.

Allan Dib

(c) msd academy


@mukhriddin_com