SearcheeBot

Telegram-каналлар оламидаги сизнинг йўлбошчингиз.

TGAlertsBot

Каналингиз репостлари ва эсловлари ҳақида хабар беради.

Telegram Analytics

TGStat хизмати янгиликларидан бохабар бўлиш учун обуна бўл!

TGStat Bot

Telegram'дан чиқмай туриб каналлар статистикасини олиш

Statistika Saralanganlar

Kopirayter bitiklari

Kanal geosi va tili: O‘zbekiston, Ruscha

Toifa: Marketing, PR, reklama

Ismim Sherzod. "605 Agency"da strateg va kopirayterman. O'rganganlarimni yozaman.
Aloqa: @Sher_Temirov

Связанные каналы | Похожие каналы

Kanal geosi va tili

O‘zbekiston, Ruscha

Toifa

Marketing, PR, reklama

Statistika

Postlar filtri

O‘chirilganlarni yashirish

Repostlarni yashirish

Kopirayter bitiklari

26 Apr, 14:16

Muvaffaqiyat nima?

Siyqasi chiqib ketgan, lekin muhim savol.

Bu savolga javobda ko'pchilik e'tibordan chetda qoldiradigan jihat bor.

So'zning o'zagiga qarasak, muvaffaqiyat "muvofiq" so'zidan yasalgan. Muvofiq - mos degani.

Ya'ni, erishganingiz xohlaganingizga mos bo'lishi.

Xohlaganingiz nima bo'lishidan qat'iy nazar. Erishdingizmi, muvaffaqiyatlisiz.

Ko'rib turganingizdek u ikki qismdan iborat: 1) xohlash; 2) erishish.

Ko'pchilik o'ylaydi "erishish" qismi muhimroq va qiyinroq. Shuning uchun birinchi qism — "xohlash"ga ko'p kuch va vaqt sarflab o'tirmaydi. Ko'p o'ylab o'tirmay, tezda ikkinchi qismga o'tib ketadi.

Aslida esa aksincha, "xohlash" qismi ancha muhimroq. Bu yerda shunchaki xohlash emas, to'g'ri narsalarni xohlash haqida gap ketyapti. Shuning uchun ham bu qism qiyinroq ham.

To'g'ri narsalarni xohlash ham ikki qismdan iborat:

1. Xohish aynan o'zingizniki bo'lishi, atrofdagilarniki emas.

Haqiqat shuki, biz o'zimizniki deb o'ylaydigan ko'p xohishlarimiz aslida o'zimiz ich-ichimizdan xohlaydigan xohishlar emas, balki qarindoshlarimiz, do'stlarimiz, jamiyatning xohishlari.

2. Xohish arzirli bo'lishi. Ya'ni u siz sarflaydigan resurslaringiz — diqqatingiz, energiyangiz va vaqtingizga arzishi kerak.

Bu qismida adashmaslik uchun siz ushbu resurslarni yetarlicha qadrlaydigan inson bo'lishingiz kerak.

Ko'pchilik muvaffaqiyatli ko'ringanlar aslida muvaffaqiyatli (baxtli) emasligi shundan.

Erishish, erishmaslik ikkinchi darajali narsa. Muhimi — to'g'ri narsalarni xohlash.

135 1 2

Kopirayter bitiklari

22 Apr, 16:09

Bir yaqin do'stim bor. 10 yillar oldin universitetda tanishganmiz. Men bilgan eng ilmli insonlardan biri. Hozirgacha undan ko'p narsa o'rgandim.

Shu do'stimni anchadan beri blog ochib, ilmini boshqalarga ham ulashib borishga targ'ib qilib kelardim. Nihoyat, blog yuritishni boshladi.

Yuqoridagiga o'xshash o'xshash juda qimmatli va manfaatli postlarni bepulga bo'lishib boryapti.

O'zim birinchilardan bo'lib obuna bo'lib, kuzatib boryapman. Sizga ham tavsiya qilaman. Obuna bo'ling, kuzatib boring, foyda oling.

228 0 1 4

Kopirayter bitiklari

22 Apr, 15:47

Yangiboyev blogi! dan repost

💸 "Pul qayerga ketyapti?" degan savol tanishmi?

Ko‘pchiligimiz oylik olamiz, harajat qilamiz... lekin oy oxiriga kelib yana hech nima qolmagan. Aynan shunaqa paytlarda pulni nazorat qilish nima deganini tushunamiz.

Men ko‘p tajriba qilib, o‘zimga mos bir Google Sheets fayl yaratdim. Unda:

Daromadlarimni tartibga solaman

Xarajatlarimni kuzataman

Qarzlarimni to‘liq nazorat qilaman

Har oyning holatini grafiklarda ko‘raman 📊

Bu — oddiygina jadval emas, bu sizning shaxsiy moliyaviy boshqaruv tizimingiz.
Agar siz ham moliyangizni nazorat qilishni boshlamoqchi bo‘lsangiz — bu fayldan bemalol foydalanishingiz mumkin.

📥 Link: Google Sheets – Shaxsiy Moliya
📌 "File" > "Make a copy" qiling va o‘zingizga moslashtiring.
📺 Mana bu yerda uni qanday ishlatishni tushintirganman: https://youtu.be/GOY1JwtVa2U

Har qanday savol bo‘lsa — bemalol yozing. Men ochiqman.
Shaxsiy moliyani boshqarish — bu faqat boy bo‘lish emas. Bu xotirjam yashash degani.

SHAXSIY MOLIYA 001

211 0 5

Kopirayter bitiklari

16 Apr, 06:27

Qaytish dan repost

Insonning eng muhim resursi nima?

Bu savolga javob topishim to'rt davrga bo'linadi.

1. Eng muhimi pul — u bo'lsa hammasi bo'ladi, deb o'ylardim hali juda yosh paytlarimda.

Chunki qolgan muhimroq resurslar — vaqt va energiya u paytlarda muammo emasdida.

2. "Bugun hamma narsani sotib olishga qurbim yetadi, lekin afsuski vaqtni sotib ola olmayman." — milliarder Vorren Baffetning bu gapidan keyin demak eng muhumi — bu vaqt, degan fikrga keluvdim.

Rostdan, inson vaqtdan iborat-ku.

3. Keyin tushunib yetdimki, tirik ekanmiz hammamizda bir sutkada bir xil — 24 soat bor.

Unda nega hammada natija har xil? Muvaffaqiyatlilarni muvaffaqoyatsizlardan, baxtlilarni baxtsizlardan ajratib turadigan asosiy omil nima?

Energiya.

Rostdan, dunyodagi bor vaqt senda bo'lsayu, lekin undan foydalanishga energiyang bo'lmasa...

Yuqoridagi resurslar haqida uzoq gapirish mumkin.

4. Hozirgi kelgan xulosam: eng muhim resurs — bu diqqat.

Nega?

Chunki diqqatim qayerda bo'lsa qolgan barcha resurslarim — energiyam (aqliy, jismoniy, ruhiy), vaqtim, pulim barchasi o'sha yerga sarflanadi.

XXI asrning "nefti" bekorga — diqqat emas.

Facebook, Instagram, TikTok, YouTube, X(Twitter)larni milliard dollarlik kompaniyalarga aylantirgan — bu bizning diqqatimiz.

TVga bir necha soniyalik reklama joylash narxini bir necha yuz million qilgan bizning diqqatimiz.

Inflyunserlarning blogiga bir marta chiqishni bir necha ming dollar qilgan bizning diqqatimiz.

Bizni smartfonga qul qilgan bizning diqqatimiz.

Xulosa: qimmatbaho, hattoki bebaho resursimizni bunchalar arzon garovga sotib qo'ymaylik.

Unutmang, kontent tekin emas, narxi — diqqatingiz.

P.S. Facebook, Instagram, TikTok, X'ga anchadan beri kirmayman, telefonimdan ilovalarini ham o'chirib tashlaganman. YouTube ko'rmayman, faqat yo'lda tinglayman. Yangilik o'qimay, ko'rmay qo'yganimga yillar bo'ldi. Hatto kitoblarni chertib-chertib o'qiyapman. Lekin shunda ham baribir diqqatimni to'g'ri joyga sarflashda oqsayapman deb o'ylayman.

@tafakkur_blogi

301 0 4 1

Kopirayter bitiklari

15 Apr, 17:34

Oz yoz — soz yoz! dan repost

Bir umr qobiliyating bo'lmagan sohada ishlagandan ko'ra bir umr qobiliyating bo'lgan sohani qidirgan yaxshiroq.

231 0 1 2

Kopirayter bitiklari

24 Mar, 09:41

Aziz Axtamov dan repost

Marketolog sifatida loyihalaringizga haqiqiy pul olib kela olmayapsizmi?

Yuqori ehtimol bilan qalamingiz o'tmaslashib qolgan.

Ya'ni, kopiraytingni yaxshi bilmaysiz yoki doimiy mashq qilmay qo'ygansiz.

Kopirayting bu — insonlarga yozma matnlar orqali ta'sir ko'rsatish quroli.

O'zini zo'r, tajribali marketolog deb da'vo qilayotgan inson agar kopiraytingni bilmasa...

Unga ishonmang.

Va xuddi shuning aksi ham to'g'ri.

Ya'ni, istalgan kuchli marketologni olib qarang, u kopiraytingni yaxshi biladi.

Insonlarning sotib olish psixologiyasini tushunadi.

Ularga yaxshi ta'sir ko'rsata oladi.

Marketing, sotuv va kuchli reklamalarning fundamenti bu — KOPIRAYTING.

Xop, endi amaliy qismga o'tamiz.

😵 Qanday qilib qisqa muddatda kopirayting ko'nikmangizni oshira olasiz:

✅ Qadam 1: Fundamentni o’rganing (eng yaxshi start: "Copywriting Secrets" Jim Edwards)
✅ Qadam 2: Har kuni sotuvchi matn yozing (Kuchli va ko’p pul olib kelgan reklamalarni toping va ularni qayta yozib chiqing).
✅ Qadam 3: Afsonaviy kopirayterlarni o’rganing, o’qing (Gary Halbert, David Ogilvy, Eugene Schwartz etc.).

Tushuning, sotuvchi matnlar yoza olmasangiz...

Pulda natija ko'rsata olmaysiz.

539 0 5 2

Kopirayter bitiklari

11 Mar, 15:32

Marketing kommunikatsiyalari haqida juda qiziq va foydali maqola yo'limdan chiqib qoldi. Sarlavhasiyam qiziq: "The consumer has a mind as well as a stomach"

Eng qizig'i, maqola 1972-yilda yozilgan ekan. Klassika baribir klassikada.

Aynan o'zbek marketingi uchun juda dolzarb mavzu yoritilgan.

Oxirgi paytlar post yozishga qo'l tegmayapti, aybimni yuvish uchun siz bilan bo'lishgim keldi.

Iftorlikdan keyin desertga yesangiz zo'r ketadi)

Yoqimli ishtaha: https://www.bestofbullmore.com/content/the-consumer-has-a-mind-as-well-as-a-stomach-1972

*Yuqoridagi rasmlar spoyler)

@matn_ustasi

383 1 2 4

Kopirayter bitiklari

8 Mar, 14:00

Sun'iy idrokning qora tomoni

Bugunning asosiy тема'laridan biri — bu AI(sun'iy intellekt)ning foyda va zararlari.

Ikki tomon ham haq.

AI'ning foydali tomonlari ko'p. Shubhasiz.

U kelib ishimizni bir qadar yengillashtirdi.

Zararlari ham yetarlicha. Masalan, asosiy qo'rquvlardan biri — u ko'p kasb egalarining nonini yarimta qilishi mumkin, va qilyapti ham.

Lekin eng asosiy xavf nimada, hech o'ylab ko'rganmisiz?

Tez orada sun’iy intellekt bizni har qanday narsa haqida fikrlash "yuk"idan xalos qilishi mumkin.

Eng katta tahdid shu.

Tafakkur sohiblari shundoq ham anqoning urug'i bo'lib borayotgan bir paytda,

Tafakkur qilmaydilarmi?!

xitobi yanada dolzarb masalaga aylanadi.

AI'ning bu tahdidi qisqa videolar ko'rish epidemiyasidan ham xavfliroq.

AI'ga haddan ortiq bog'lanib qolib, tabiiy aql-idrokimiz vazifasini sun'iy idrokka to'liq topshirib qo'ymayapmizmi? — tafakkur qilaylik!

Unutmang, tanangizning biror funksiyasini ishlatmasangiz, organizm undan voz kechadi. Next level —> zombi

Yechim?

1. AI'ni ishlatishda me'yor.

2. Ko'p savollar berish. Sun'iy idrokka emas, o'zingizga)

3. Va albatta — tafakkur qilishdan to'xtamaslik.

@matn_ustasi

401 0 6 1

Kopirayter bitiklari

5 Mar, 05:58

Jordan B Peterson yozib fikrlash haqida

367 0 1 2

Kopirayter bitiklari

28 Feb, 09:18

Ramazon = kichik o'zgarishlar, katta natijalar oyi.

O'zgarish o'zini o'zi tahlil qilishdan boshlanadi.

Ramazon = o'tgan umrni (o'zini) tahlil qilish oyi.

Eng zo'r tahlil yozma bo'ladi.

Agar siz yozmasdan fikrlayotgan bo’lsangiz, siz fikrlayapman deb o‘ylayapsiz xolos.

Bundan tashqari, Ramazon = "автопилот"da yashashni bas qilib, ongli yashash oyi.

Yozma tahlil = ongli yashash.

Eng foydali ikki odat — yozish va o'zini o'zi tahlil qilishni odatga aylantirish uchun Ramazondan qulayroq fursat yo'q.

Yozma tahlil + kichik o'zgarishlar = katta natijalar sari olg'a!

Ramazon muborak azizlar!

477 0 6 1

Kopirayter bitiklari

27 Feb, 12:33

Sohadagi kuchli mutaxassislardan foydali iqtiboslar.

Shu oddiy va fundamental prinsiplarga amal qilishning o'zi ishingizni anchagina yaxshilaydi.

369 0 3 1

Kopirayter bitiklari

27 Feb, 09:08

Biz tashqi reklamalarning har bir burchagiga nimadir qo'shimcha element tiqishga harakat qilayotgan bir paytda, chetda tashqi reklamalar borgan sari minimalistik va estetik bo'lib boryapti.

Unutmang, assosiy (bitta) messedjdan tashqari banneringizga qo'shgan har bir ortiqcha elementingiz — bu shovqin.

Tashqi olam shundoq ham shovqinga to'la. Har bir biznes insonlar diqqati uchun "qonli" kurashda. Sizda shans juda kam — bor yo'g'i 3 sekund.

Bu 3 sekunddan unumli foydalanishning formulasi oddiy:

Oddiy va kuchli vizual + O'ta qisqa matn = Yagona messedj.

P.S. Bu Braziliyaning CLARO degan telekommunikatsiya kompaniyasi reklamasi. Messedj nima? Nima deb o'ylaysiz?

341 0 0 2

Kopirayter bitiklari

21 Feb, 14:44

Kuchli vizual + oz va soz matn = kuchli hissiyotlar, chuqur tafakkur.

Shunchaki o'tib keta olmaysiz.

Sexrli formula shu.

441 0 2 1

Kopirayter bitiklari

14 Feb, 14:12

"Reklama — bu insonlar haqidagi soha. Shu sababli, odamlar va ularning muammolarini tushunish va his qila olish biz uchun boshqa hamma narsadan muhim." — Rob Kampbell

553 1 3 2

Kopirayter bitiklari

10 Feb, 15:13

Effektiv kreativ = "izohga hojat yo'q". Bittada tushunarli!

552 0 1 2

Kopirayter bitiklari

7 Feb, 09:44

Biz hech bir ishimizni sovrin uchun qilmaymiz. Biror ishimiz qandaydir mukofotga loyiq topilsa xursandmiz — bu jamoamiz bilan bir birimizni quchoqlab, tabriklab qo'yish uchun yana bir imkoniyat.

Yevgeniy Primachenkoning podkastda aytgan shu so'zlari esimga tushdi. Bejizga emas, o'tgan kuni butun 605 yig'ilib o'tgan yilni sarhisob qildik, oldimizga yangi maqsadlar qo'ydik.

Uchrashuv so'ngida rahbarimiz Otabek aka:

Biz sovrinlar uchun ishlamaymiz. Dunyodagi hamma festivallarni yutdim deb hisoblayveringlar. Eng kattasi — O'zbekistondan hali hech qaysi agentlik qo'lga kiritmagan Kann festivalining “Oltin sher”lari bo'lsa, uni ham qoʻlga kiritdim deb hisoblayveringlar,

deb jamoadan sakkiztamizga kutilmagan sovg'a — yuqorida rasmda ko'rib turganingiz Kann sherlari va sertifikatlarini topshirdi va shuni ta'kidlab qo'ydi:

Sizda endi Kann sheri bor. Endi yangi kreativ gʻoyalar ustida bemalol ishlashda davom etsangiz bo'ladi.

Shunday qilib, kreatorlar yig'ilishi shunaqa kreativ yakunlandi.

Xulosa va prinsip o'sha-o'sha:

Sovrinlar uchun emas, insonlar uchun ishlash kerak.

Eng katta sovrin ichkaridan keladi, tashqaridan emas.

Eng katta zavq — bu jarayondan maza qilish.

Eng zo'r sovg'a — bu hech bo'lmasa bir insonning hayotiga pozitiv (o'zgarish) olib kirish.

Eng muhim brend — bu insonlar.

Eng zo'r mukofot — ularga xizmat qilish.

605 sizga xizmat qilishda davom etadi!

521 0 6 5

Kopirayter bitiklari

6 Feb, 14:43

Ijtimoiy tarmoqlar, target, SEO, TV, bannerlar — hammasi yaxshi, lekin baribir eng zo'r media — bu insonlar.

Har qanday inson brendingiz yoki mahsulot/servisingiz haqida tanishlariga, do'stlariga va yaqinlariga gapirib berishi yoki tavsiya qilishi mumkin. Eng zo'r reklama shu.

Media platformalar uchun kreativ yaratmang, insonlar uchun yarating.

Shunchaki, "Qayerda reklama chiqaramiz?", emas "Shu insonlarga aytmoqchi bo'lganimni qayerda, qachon, va qanday (yo'l va ohangda) yetkazsam/aytsam ular meni yaxshiroq tushunishadi? degan savolni bering.

Balki shunchaki reklama emas, interaktiv nimadir chiqib kelar.

Hammasi "maqsadli auditoriya"ngiz maneken yoki robot emas, balki atrofingizdagi do'stlaringiz va yaqinlaringiz kabi qalbi, hissiyotlari va ehtiyojlari bor oddiy, jonli insonlar ekanini anglashdan boshlanadi.

405 0 2

Kopirayter bitiklari

6 Feb, 09:35

Oz yoz — soz yoz! dan repost

Maqsading urinib ko'rish bo'lsa, hech qachon muvaffaqiyatsizlikka uchramaysan. Chunku urinib ko'rishning o'zi sen uchun muvaffaqiyat.

301 0 0

Kopirayter bitiklari

5 Feb, 09:14

Robotlar juda foydali va kuchli bo‘lsa-da, ular hech qachon sizdek kreativ bo‘la olmaydi, chunki sizda ularda yo‘q narsa bor: ulkan qalb va cheksiz tasavvur.

— Ogilvi

370 0 3

Kopirayter bitiklari

4 Feb, 08:57

Kamyob = qimmat

Bugun eng defitsit ko'nikma — bu diqqat. Eng qimmat resurs ham — diqqat.

Bilasiz, defitsit = qimmat.

Eng ko'p diqqat talab qiladigan ikki ko'nikma — bu o'qish va yozish. Chunki bu ikkisi bilan band paytingizda boshqa narsaga chalg'iy olmaysiz. Shuning uchun eng ko'p diqqatni rivojlantiradigan ko'nikmalar ham — o'qish va yozish.

Qizig'i, o'qish va yozish ham eng defitsit bo'lib borayotgan ko'nikmalardan. Ayniqsa yozish.

Defitsit = qimmat.

Foydali (educational) kontent ko’radiganlar kam. O’qiydiganlar undan kamroq. Yozadiganlar esa eng kami. AI (sun'iy intellekt) chiqib ular keskin kamaydi. Bu degani yozadiganlarning (Sizning) qadri (qiymati) yanada oshadi.

Yozishning foydalari behisob. Ham aqliy, ham ma'naviy, ham moddiy. Yozgan uchun ham, o'qigan uchun ham.

Matnni yozgan odam, matnni o'qigan odamdan ko'proq foyda oladi. Eng katta foydasi — matnda doim uni o’qigandan ko'ra yozgan ko'proq o'rganadi.

Minglab odam video kontent yaratib, ajralib turishga harakat qilayotgan vaqtda, bir yil yozgan muallif:

1. Kam bo’lsa-da, nisbatan saviyali va o’qimishli auditoriyani jalb qiladi.

2. Odam yuzlab videoga tushganidan keyin o’zgarmasligi mumkin, lekin yuzlab matn yozganidan keyin aniq o’zgaradi.

3. Yaxshi video kontentni bir-necha yildan keyin hech kim ko'rmasligi mumkin, lekin vaqt sinovidan o'tgan matn yillar o'tib ham qayta-qayta o'qilaveradi.

Oldingi postda yozma kontentni qiziq qilish qiyinligi katta imkoniyatlar ochadi, deganda shularni nazarda tutgandim.

Menga eng ko’p foyda keltirgan odatlarimdan biri — bu yozish. Eng ko’p tavsiyam qiladiganim ham — yozish.

Yozing — bir o'q bilan ikki emas, bir nechta quyonni urasiz.

@matn_ustasi

371 0 6 6

20 ta oxirgi post ko‘rsatilgan.

579

obunachilar

Kanal statistikasi

Kanalda mashhur

Insonning eng muhim resursi nima? Bu savolga javob topishim to'rt davrga bo'linadi. 1. Eng muhi...

Bir umr qobiliyating bo'lmagan sohada ishlagandan ko'ra bir umr qobiliyating bo'lgan sohani qidir...

Bir yaqin do'stim bor. 10 yillar oldin universitetda tanishganmiz. Men bilgan eng ilmli insonlard...

💸 "Pul qayerga ketyapti?" degan savol tanishmi? Ko‘pchiligimiz oylik olamiz, harajat qilamiz... ...

Muvaffaqiyat nima? Siyqasi chiqib ketgan, lekin muhim savol. Bu savolga javobda ko'pchilik e't...