Legalazy

Merkantil insonlar tabiatini tushunish qiyin.

Telegram maxfiymi oʻzi? //

Telegramdagi ochiq ma’lumotlardan foydalanish mumkin. Aslida bu maxfiylik siyosatiga qanchalar toʻgʻri keladi, bilmadim. Telegram ma’muriyati muammosi.

Lekin gʻalati va qiziq tuyuladi. Sen qaysi guruhda kimlar bilan xabarlashgansan, reaksiyalashgansan, qaysi guruhga link, ovoz, rasm yoki video joʻnatgansan — hammasi raqamli iz boʻlib koʻrinib turadi.

Bu maxfiylik muammosi ham emas boshqacha olib qaraganda. Biz ochiq guruhlardan foydalanish orqali de fakto rozilik bildiramiz data'dan foydalanishlariga.

Yuzimda tabassum, bir vaqtlar ichki hislarim qilgan xulosani shu botlar orqali aniqlashtirgandek boʻldim.

Botdan foydalanish uchun unga kerakli akkaunt nikneymi yoki ID raqamini joʻnatasiz.

Botlar: Patron, Funstat

*oʻxshasa rahmat aytib ketarsiz))

@legalazy

Ko‘nglum tilagi visol emishtuk, bildim,
Ul vasl dog‘i mahol emishtuk, bildim.
Har qandaki bo‘lsa mehribondur, der edim,
Ul dog‘i g‘alat xayol emishtuk, bildim.


Bayram muborak)

Shu amaliyot mantigʻini tushunmaganman:)

Bionic shriftni sinab koʻrganlar bormi?

Ancha tezlashdi oʻqish sifati. Koʻz toliqmas ekan.

Masalan, menda kuniga kamida 50k ketadi oʻsha muhitni «sotib olish» uchun.

Diqqatning narxi qancha siz uchun?

Diqqat eng qimmat «resurs»

Bir, barchamiz chalgʻituvchi vositalar girdobida yashayapmiz. Instagram, Youtube'ga bir qarayman deymiz-u, yarim soatlab oʻtirib qolamiz.

Vaqt shiddat bilan oʻtyapti. Nazorat qoʻldan chiqdi. Tinch, shovqinsiz, faqat fikrlar toʻlqini his qilgan holda oʻtirib ish qilganim eslolmayman.

Ba’zida bir necha xoʻplam kofe ichib, tartibsiz fikrlarni bir joyga qoʻyaman va oʻtirib ishlayman. Shu men uchun najot boʻlib qolgan.

Komfort muhit qidiraman, oʻylov, qulay muhit meni oʻldirmayaptimi? Oʻzgartirish kerak.

@legalazy

Katta inson //

Voyaga yetish va yetuk (katta) inson boʻlish hayot oʻqining turli bosqichlaridagi shaxsiy-ijtimoiy maqom. Ikkinchi bosqichga erishish uchun yoki kuchli ruhiy intellekt, yoki oilaviy muhit kerak. Oilaviy qoʻllab-quvvatlovsiz, ishonchsiz yetuklik darajasiga chiqish qiyin. Uyingda seni «katta» sifatida qabul qilishlari, qarorlaring hurmat qilishlari, har bir harakating uchun oʻzing javobgar ekaningni anglashlari yuqorida aytilgan bosqich uchun eng yaxshi yoʻldir.

Katta inson — mustaqil, katta inson — oʻziga ishongan, gʻamxoʻr, himoyachi, tayanch.

Yetuk inson mas’uliyatni zimmasiga ololadi, unga javob bera oladi. Yetuk inson yoʻlga yolgʻiz chiqadi. Inson ruhiy jihatdan sog‘lom bo‘lsagina, u o‘z hayotidan zavq olib harakat qiladi, faol va samarali bo‘ladi. Kichkinaligidan ishonilmagan, oʻzidan kuchli taraf tomonidan ruhiy azob berib oʻstirilgan yosh hayot oʻyinchisi birinchi bosqichdanoq boshi berk koʻcha — infantillikka tushib qoladi. Jismoniy voyaga yetganlik vazifalarini bajaradi-yu, lekin shu tahlit «parazit» modeliga aylanib qoladi.

Katta inson boʻlish majburiyat emas, balki ongli tanlov, ichki erkinlik va alohida sifat darajasidir.

*Oilangizda toʻgʻri muhit oʻrnating, farzandingizga ishoning, katta insonlar.

@legalazy

Yaxshi yurist (mutaxassis) boʻlish uchun yoʻla xaritasi bormi?

— Qiziq mavzu.

Oxirgi payt judayam koʻp kofe ichib yuboryapman. Oxiri baxayr boʻlsin)

❤️ Munosabatlarning xizmat muddati //

Nafaqat tovarlar yoki ish, xizmatda, balki munosabatlarning ham oʻz amal qilish muddati bor. Bu muddatni ingliz zabonlar “the expiration date” deb nomlaydi. The expiration date — bu ikki tomon o‘rtasidagi munosabatlarning tugashi yoki nihoyasiga yetishiga olib keladigan vaqt yoki bosqich hisoblanadi.

Bu tushuncha odatda munosabatlarning biror bosqichda yoki qaysidir sabablarga ko‘ra davom etmasligi haqida bilvosita yoki ochiqdan-ochiq koʻrinib turgan belgilatr orqali tasvirlanadi.

📎Ushbu nihoya odatda bir qancha sabablar bilan ifodalanadi. ❤️

Birinchidan, maqsadlar mos kelmay qoladi.
• Tomonlarning (partnyor soʻzini ishlatsak ma’qul) kelajak rejalarida yoki maqsadlarida moslik yo‘qligi (masalan, biri uzoq muddatli munosabat istasa, boshqasi faqat qisqa muddatni ko‘zlasa).

Ikkinchidan, hissiy bog‘liqlik yo‘qoladi.
• Sevgi, ishonch yoki yaqinlik hissi yo‘qolganda, munosabatlar “oʻlim sanasiga” yaqinlashadi.

Uchinchidan, oʻzaro kommunikatsiya (muloqot) muammolari paydo boʻladi.
• O‘zaro tushunmovchilik yoki sogʻlom muloqot yo‘qligi munosabatlarni davom ettirishni ogʻirlashtiradi (faqat xol-ahvol soʻrash bilan cheklanmaydi munosabat).

Toʻrtinchidan, toksik muhit.
• O‘zaro bir-biriga boʻlgan hurmat, sog‘lom muloqot yo‘qligi toksik munosabatlarga olib kelishi va uning erta tugashiga olib kelishi mumkin.

Beshinchidan, hayotdagi o‘zgarishlar.
• Masalan, bir tarafning shaxsiy darajasi ortadi — yaxshi oʻqishga kirish, yuqori daromadli yoki obroʻli ishga joylashish, hayotdagi prioritetlarning o‘zgarishi va boshqa.

❤️Xizmat muddati tugayotganligini qanday anglaymiz?

Taraflardan biri yoki har ikkisi bir-biriga qiziqishni yo‘qotadi, kamroq muloqot qiladi yoki koʻrishishni xohlamaydi. Ba’zan munosabatlar boshidan qisqa muddatli ekanligi seziladi (masalan, oʻsmirlik qoʻzgʻalishi, nomlangan ayrim “period” tugashi). Shuning bilan birga, tomonlar ma’lum bir vaqtda munosabatlar tugashini ochiq gaplashib olishadi (ijtimoiy tarmoqlarda bir necha mashhurlar shu usul bilan munosabatni tugatganligi ommaga maʼlum qildi).

Agar partnyorlar munosabatlarning vaqtincha ekanligini bilsa, ular bundan ortiqcha kutilmalar kutmaydi. Bir tarafdan yaxshi, munosabatlar tugagandan keyin inson o‘ziga ko‘proq e’tibor qarata oladi. Yakun yetishini bilganda ochiq muloqot va kelishuv orqali kutilmagan hissiy drama yoki muammolarni oldini olish mumkin.

Yakun oʻz xususiyati, sabablariga qarab oddiydan to daxshatgacha salbiy oqibatlarga olib kelishi mumkin. Nihoya sanasi kutilmagan bo‘lsa, emotsional drama, unutish, ogʻriq va boshqa nojoʻya kutilmalar koʻproq boʻladi.

“The expiration date”ni sogʻlom muloqot va emotsional intellekt bilan boshqarilsa, har ikki tarafga yetadigan zarar miqdori kamroq boʻladi. Bu tomonlar uchun shubhasiz eng yaxshi emotsional investitsiya boʻla oladi.

@legalazy

Munosabatlarning xizmat muddati bormi?

— Qiziq mavzu.

Moddiy vositalar mehrni, tuygʻuni ifodalash vositasi //

Zamonaviy dunyoda savdo va marketing moddiyatning ahamiyatini oshirib yubordi. Ijtimoiy tarmoqlardagi reklamalar, videolar, rasmlar insonlarni hadya qilish orqali sevgini yoki minnatdorchilik tuygʻusini namoyon qilish kerak, degan g‘oyani singdirishda davom etmoqda.

Kapitalizm. Moddiy sovgʻalar berish hislarni ifodalash vositasi sifatida tabiiy-sotsial akseptlangan. Bu hozirda munosabatlarning ajralmas qismi, tan olasizmi?

Falsafiy qaraganda moddiy ashyolar ko‘rinadi va his etiladi, bu esa tuyg‘ularni abstrakt ifodalar bilan solishtirganda, odamlar uchun sezilarli va qabul qilishga osonroq qilib qoʻyadi.

Soʻzlar, harakatlar, maktub, eshitish, tushunish — gul yoki shokolad berishdan koʻra qiyinrogʻ-a?

Munosabatlar faqat sovg‘alar orqali emas, samimiyat, e’tibor, hissiy va ruhiy bog‘lanish, o‘zaro ishonch orqali quriladi. Moddiy narsalar tuyg‘ularni aks ettirishning oson vositasi bo‘lishi mumkin, lekin ular hech qachon insoniy qadriyatlarni to‘liq almashtira olmaydi.

Oxirgi marta qachon maktub yozgansiz?

@legalazy