5-oktabr kuni o'zbek tili mavzusiga bag'ishlab "Vatandosh" intellektual klubi yig'inini o'tkazyapmiz. Mavzudan kelib chiqqan holda yig'ilishining bu galgi sonida kafe, restoran, xizmat ko'rsatish shoxobchalari va boshqa ko'ngilochar muassasalarda mijozlarga mahsulot haqida o'zbek tilida ma'lumot berilmasligi yoki ma'lumot berish xohlanmasligi masalasini ham muhokama qilmoqchimiz.
Afsus, bugun to'rtinchi kun, qo'ng'iroq qilmagan joyimiz qolmadi hisob, ammo shu masalada javobgarlikni zimmasiga olgan, savollarga javob beradigan biror organni topolganimiz yo'q. Davlat tilini rivojlantirish departamenti Raqobat qo'mitasini, Raqobat qo'mitasi Toshkent shahar reklama ofisi hududiy boshqarmasini, boshqarma hokimlikni, hokimlik uni, u buni, bu esa yana departamentni tavsiya qilmoqda. Bizning vazifa emas-da bu, to'g'ri tushunasiz, deydi gaplashayotganlar va o'z vazifa chegaralarini uzoooq tushuntirishga o'tishadi. Xullas, mamlakat miqyosida til masalasida javob beradigan biror tuzilma yo'q, tushunyapsizmi?
Ha, davlat tili haqidagi qonunimiz 1989-yil, hali qullik, mustamlakalik tafakkuri bizni tark etmagan paytda qabul qilingandi. 1995-yildagi o'zgarishlar ham qonundan SSSR, sovet degan so'zlarni tozalashdangina iborat bo'lgan. Konseptual o'zgarish qilinmadi. Buni ham tushunish mumkindir, hali yosh davlat edik. Lekin nega bugun, mustaqilligimizning 33yilligida ham uni yangilashdan, til borasidagi har bir masalada ma'sul, javobgarni aniq qilib qo'yishdan qo'rqamiz?!
Abdulla Qahhor aytmoqchi, ko‘cha harakati qoidasini buzgan kishiga militsiya hushtak chaladi-yu, nega butun bir tilni buzayotgan odamlarga hech kim hushtak chalmaydi? Nega til qoidalarini buzganlarni jazolaydigan organimiz, umuman, shu ishlarni tartibga keltiradigan qat'iy qonunchiligimiz yo'q?
Afsus, bugun 37 million aholiga ega davlatning potensiali "tishi yo'q" qonunni yilda bir bayram qilishdan nariga o'tolmaydi.
@haqiqatdailyos.
Afsus, bugun to'rtinchi kun, qo'ng'iroq qilmagan joyimiz qolmadi hisob, ammo shu masalada javobgarlikni zimmasiga olgan, savollarga javob beradigan biror organni topolganimiz yo'q. Davlat tilini rivojlantirish departamenti Raqobat qo'mitasini, Raqobat qo'mitasi Toshkent shahar reklama ofisi hududiy boshqarmasini, boshqarma hokimlikni, hokimlik uni, u buni, bu esa yana departamentni tavsiya qilmoqda. Bizning vazifa emas-da bu, to'g'ri tushunasiz, deydi gaplashayotganlar va o'z vazifa chegaralarini uzoooq tushuntirishga o'tishadi. Xullas, mamlakat miqyosida til masalasida javob beradigan biror tuzilma yo'q, tushunyapsizmi?
Ha, davlat tili haqidagi qonunimiz 1989-yil, hali qullik, mustamlakalik tafakkuri bizni tark etmagan paytda qabul qilingandi. 1995-yildagi o'zgarishlar ham qonundan SSSR, sovet degan so'zlarni tozalashdangina iborat bo'lgan. Konseptual o'zgarish qilinmadi. Buni ham tushunish mumkindir, hali yosh davlat edik. Lekin nega bugun, mustaqilligimizning 33yilligida ham uni yangilashdan, til borasidagi har bir masalada ma'sul, javobgarni aniq qilib qo'yishdan qo'rqamiz?!
Abdulla Qahhor aytmoqchi, ko‘cha harakati qoidasini buzgan kishiga militsiya hushtak chaladi-yu, nega butun bir tilni buzayotgan odamlarga hech kim hushtak chalmaydi? Nega til qoidalarini buzganlarni jazolaydigan organimiz, umuman, shu ishlarni tartibga keltiradigan qat'iy qonunchiligimiz yo'q?
Afsus, bugun 37 million aholiga ega davlatning potensiali "tishi yo'q" qonunni yilda bir bayram qilishdan nariga o'tolmaydi.
@haqiqatdailyos.