Qidiruv uchun matnni kiriting
Ilg‘or kanal qidiruvi

Продам твой канал за сутки.

Любой по федеральной программе.
img
reklama

Продам канал с доходом 138090

Всего за 55 000. Срочно нужны деньги.
img
reklama

Telegram Analytics

TGStat хизмати янгиликларидан бохабар бўлиш учун обуна бўл!
img
reklama

Ilyos Safarov

@haqiqatdaIlyos
Kanal geosi va tili: O‘zbekiston, O‘zbekcha
Toifa: Bloglar

Jurnalist Ilyos Safarovning rasmiy telegram sahifasi. Murojaat uchun – @Ilyos_SafarovChatBot
🇺🇿🇹🇷🇰🇿🇫🇷🇩🇪🇦🇹🇨🇭🇰🇬

Связанные каналы  |  Похожие каналы
Kanal geosi va tili
O‘zbekiston, O‘zbekcha
Toifa
Bloglar
Statistika
Kanal siznikimi? Tasdiqlash Канал в реестре блогеров РКН? Tasdiqlash Kanal tarixi
Postlar filtri

Ilyos Safarov

24 Jan, 12:37

Telegram'da ochish Ulashish Shikoyat qilish
❗️ Hurmatli kuzatuvchilar!

Sizni “Vatandosh” intellektual klubi yig‘ilishiga taklif qilamiz.

Klubning bu safargi yig‘ini “Toshkent havosi: uni qanday yaxshilash mumkin?” mavzusida bo‘lib o‘tadi.

Siz loyihani jonli kuzatishdan tashqari, Toshkent shahri havosining ifloslanishi, uni yuzaga keltirayotgan omillar va bartaraf qilishda hukumat, ilm-fan oldida turgan vazifalar haqida ma’lumot olish, shuningdek, mavzu yuzasidan o‘zingizni qiziqtirgan savollarga javob topish imkoniyatiga ega bo‘lasiz.

Intellektual klub yig‘ilishi 2025-yil, 25-yanvar kuni, soat 10:30 da “Edu Master” tadbirlar zalida bo‘lib o‘tadi.

Manzil: Toshkent shahar, Bunyodkor shoh koʻchasi, 7g uy.

Mo‘ljal: “Millat umidi” universiteti, Ekologiya va atrof-muhitni muhofaza qilish vazirligi binosi yonida.

@haqiqatdaIlyos
12.3k 2 49 16 65
Ilyos Safarov

24 Jan, 10:52

Telegram'da ochish Ulashish Shikoyat qilish
Do‘stlar, ayni paytda og‘ir dard bilan kurashayotgan namanganlik Muhtabarjon Bozorova va uning oilasiga yordamingiz zarur. Muhtabarjon opaga shifokorlar tomonidan halqum-hiqildoq va qizilo‘ngach saratoni 3-bosqich (og‘ir daraja) tashxisi qo‘yilgan. U ayni paytda Turkiyadagi Anadolu klinikasida tekshiruvlardan o‘tmoqda, ammo davolanishga mablag‘i tugagan.

Opaning xayriyasi masalasida yordam so‘rab bog‘langan qizi Muhayyojon Ahmadjonovaga ko‘ra, uning o‘zi ham bo‘lajak shifokor, sohasi bo‘yicha izlanishlari va ijodi orqali “Zulfiya” nomidagi davlat mukofoti sovrindori ham bo‘lgan.

“Onam 1975-yilda Namangan viloyatida tug‘ilgan. 2024-yil 8-mart kuni u kishiga “Halqum-hiqildoq va qizilo‘ngach saratoni 3-bosqich og‘ir daraja” tashxisi qo‘yildi. Onkolog shifokor menga onamni bir yoki uzog‘i bilan 3 oy umri qolganini aytgandi. Ammo qaysi farzand onasi darddan qiynalarkan, jim qarab turoladi?! Mana, 9 oydirki, onamning shifo topishi uchun kurashyapman.

Alloh mehribon. Yaqinda bir tadbirkor bilan uchrashib qoldik. Savob umidi-da onam ikkimizning Turkiyaga borib, tekshiruvlardan o‘tishimizga yetarli mablag‘ xayriya qildi. Hozir shu mablag‘ bilan Turkiyada tekshiruvlarni davom ettiryapmiz. Ammo bu mablag‘ onamning davo muolajalarini boshlashi uchun yetarli emas.
Menga hozir onamni davolatib, uyga sog'lom olib ketish uchun pul juda zarur. Turkiyalik shifokorlarga ko‘ra, hali umid bor…”, – deydi u.

Muhayyojonga ko‘ra, Muhtabarjon opa ko‘p yillar Sanitariya-epidemiologik osoyishtalik va jamoat salomatligi tizimida mehnat qilgan.

“Oilamiz badavlat emas. Onam shu sharoitda o‘zi qiynalib bo‘lsa-da, meni shifokorlikka o‘qitdilar. Hozir magistratura bosqichida akusherlik va ginekologiya sohasida o‘qishimni davom ettiryapman. Nasib etsa, hech kim onamdek og‘rimasligi uchun qo‘limdan kelganicha harakat qilaman. Halol ishlayman. Iltimos, onajonimni qutqarish uchun yordam beringlar”, – deydi Muhayyojon Ahmadjonova.

Do‘stlar, Muhtabarjon Bozorovaga kerakli muolajalar uchun imkoningiz boricha yordam bering! Nasib qilsa, yordamingiz, ko‘pning duosi bilan Muhtabarjon opa oyoqqa turar, bir oilaga yana xursandchilik qaytar.

9860 0824 8876 1220

Bozorova Mukhtabarjon (Humo)

Bemorning barcha ma’lumotlari tekshirilgan.

@haqiqatdaIlyos
3.1k 0 40 4 48
Ilyos Safarov

24 Jan, 09:05

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
Jurnalistni qonunbuzarlardan himoya qiling!

MY5 kanali muxbiri Ruxsora G‘ofurova Jizzaxdagi bank xodimasining firibgarligi yuzasidan material tayyorlagan. Jurnalistik surishtiruv jarayonida bank xodimasining fuqarolar nomiga kredit rasmiylashtirib, o‘zlashtirgani tilga olinadi.

Video lavhada tilga olingan qonunbuzarlikka oid hujjatlarni o‘rgandim va qonunga muvofiq, ko‘rsatuv efirga uzatilgach, xodimaga nisbatan darhol jinoyat ishi qo‘zg‘atilishi lozim edi. Chunki O‘zbekiston Respublikasi JPK talablariga ko‘ra, ommaviy axborot vositasining jinoyat haqida bergan xabari jinoyat ishi ochilishiga asos bo‘ladi.

Ammo teskarisi - bank xodimasining arizasiga ko‘ra Ruxsoraning o‘ziga nisbatan ma'muriy ish qo‘zg‘atilgan. Emishki, jurnalist bank xodimasining sha'n va qadr-qimmatini kamsitibdi hamda uning jinoyati haqida xabar berib, qonunbuzarlik sodir etibdi.

Hujjatlardan ko‘rinishicha, bank xodimasining o‘zga shaxslar nomiga olingan kreditining bir qismini uning eri - O‘zbekiston Respublikasi Oliy sudi sudyasi Sharofiddin Boliyev o‘z plastik kartasi orqali to‘lab kelgan. Sudya bu qonunbuzarlikdan xabardor bo‘lgan va qonunbuzar ayolini himoya qilgan. Katta ehtimol bilan jurnalistga hujum ortida ham janobning o‘zlari turibdi.

Qonun amal qilmaydigan jamiyatda bu kabi unsurga ajablanmayman. Bu jinoyatlarni Oliy sudning o‘zi qo‘llab-quvvatlasa ham hayratlanmayman - Jungli qonuni. Kimdir o‘zini Ruxsoraga hamkasb hisoblasa, birlashaylik, haq so‘zni himoya qilaylik. Advokat do‘stlarimiz, iltimos, yordam qo‘lini cho‘zing! Zo‘rovonlikka to‘qnashish hammamizning boshimizda borga o‘xshaydi.

@haqiqatdaIlyos
11.3k 3 122 14 162
Ilyos Safarov

23 Jan, 19:03

Telegram'da ochish Ulashish Shikoyat qilish
Nuqtalar: “Shakl oson, mazmun uchun ishlash esa qiyin” – ta’limdagi forma muammosi va Toshkent shahar hokimi qaroriga chizgilar


Dasturimizning ushbu soni 21-yanvar kuni muhokamaga chiqqan, bir-biridan farqli ikki sohadagi bir-biriga o‘xshash ikki vaziyat tahliliga bag‘ishlandi.

Qashqadaryoda maktab direktorining o‘qituvchilarga forma uchun pul yig‘ish va formasiz o‘quvchilarni maktabga kiritmaslik haqidagi ko‘rsatmasi hamda Toshkent Shahar hokimi Shavkat Umurzoqovning poytaxtda milliylik targ‘ibotini oshirishga qaratilgan qarori.

Suhbatdoshlarimiz, ta’lim ekspertlari Iroda Azimova va Komil Jalilov bu ikki voqelikning o‘zaro bog‘liq jihatlari hamda ilmdan uzoqlashib, shamoyilga berilish xatarlari, oqibatlarini tahlil qilishdi.

📹👉 https://youtu.be/gA_cMbAcJd0

@haqiqatdaIlyos
“Shakl – oson, mazmun – qiyin” – jamiyat og'rig'iga chizgilar
Dasturimizning ushbu soni 21-yanvar kuni muhokamaga chiqqan, bir-biridan farqli ikki sohadagi bir-biriga o‘xshash ikki vaziyat tahliliga bag‘ishlandi. Qashqadaryoda maktab direktorining o‘qituvchilarga forma uchun pul yig‘ish va formasiz o‘quvchilarni maktabga kiritmaslik haqidagi ko‘rsatmasi hamd...
4.3k 2 28 24 39
Ilyos Safarov

21 Jan, 07:30

Telegram'da ochish Ulashish Shikoyat qilish
Oxirgi vaqtlarda ovozi ozgina balandroq chiqayotgan jurnalist, bloger va tahlilchilar borki, g’amxo’rlari ko’payib qoldi. Bir necha kun avval siyosatshunos Hamid Sodiq “mahalla raisligi” uchun hujjatlari obdon o’rganilayotganidan xabar topganini yozgandi. Kecha Abdurahmon Tashanov o’ziga, oilasiga nisbatan kuchaygan trollar hujumi haqida ma’lum qildi. Bugun xabar keldiki, mening ham qishloqda nechta chorvam borligidan tortib, uyimizdan qancha chiqindi chiqishigacha surishtirishayotgan ekan. Odatda bunday surishtiruvlarga o’rganib ketganman. Sababi, jamiyatga otni qashqasidek ma’lum kasbim orqali imkon qadar oila tebratib yurgan oddaman. Chetdan pul olmayman, ikkinchi xotinim yo’q, orientatsiyam ham tog’ri, shukr. Ammo uydan chiqadigan kartoshka, piyozingizni chiqindisigacha surishtirisharkan, bu endi haddan oshish.

O’rtoqlar, qo’yinglar endi bunday sxemalarni. Agar sizlarga firibgar, odam og’risi, poraxo’r kerak bo’lsa, ana, OAVni kuzatmaysizmi, har kuni qanchasi haqida xabarlar beriladi-yu, qanchasi jazosiz qolyapti. Surishtiring piyoz po’chog’igacha o’shalarning.

Gaplashish, muhokama qilish mumkin emas ekan, nima qilasiz har xil dasturlarni muhokamaga qo’yib?!

@haqiqatdaIlyos
5.1k 2 67 22 264
Ilyos Safarov

20 Jan, 18:13

Telegram'da ochish Ulashish Shikoyat qilish
Maishiylik masalasi, senzura, dramaturgiya va saviya muammosi – o‘zbek teatrlari faoliyatiga chizgilar


Teatr hayotning aksimi yoki hayotning aynan o‘zi?

Bir qarashda juda oddiy va soddadek eshitiladigan bu savol yuz yillardan beri san’at olamini hayratga solib keladi. Sahna yorug‘ligida turib, yuzlab, minglab nigohlar sizni kuzatib turganida, nafaqat rolingizni ijro etasiz, balki hayotning o‘zi haqida mulohaza qilasiz.

Xo‘sh, hayot va san’atning chegarasi qayerda? Balki ular umuman mavjud emasdir? Sahnadagi har bir harakat va so‘z ortida biz ko‘rishga odatlanmagan haqiqatlar yotadi. Nuqtalar dasturining navbatdagi sonida muallif sizni siyosat, iqtisod kabi masalalardan san’at, jumladan, teatr dunyosi, o‘zbek teatrlari haqiqatlari muhokamasiga taklif qiladi.

Dastur mehmonlari san’atshunos, professor Ma’murjon Umarov va sa’natshunos, dramaturg Maftuna Muhammadaminova bo‘ldi.

📹👉 https://youtu.be/bZ5sPXUOfns

@haqiqatdaIlyos
Maishiylik masalasi, senzura va saviya muammosi – teatr haqiqatlari
Teatr hayotning aksimi yoki hayotning aynan o‘zi? Bir qarashda juda oddiy va soddadek eshitiladigan bu savol yuz yillardan beri san’at olamini hayratga solib keladi. Sahna yorug‘ligida turib, yuzlab, minglab nigohlar sizni kuzatib turganida, nafaqat rolingizni ijro etasiz, balki hayotning o‘zi haq...
3.9k 0 22 3 19
Ilyos Safarov

18 Jan, 23:34

Telegram'da ochish Ulashish Shikoyat qilish
Islohotlarimiz yurmayotganining asosiy sababi sifatida Rossiya ta’siri ko’rsatilishiga ko’p guvoh bo’laman. Putin bo’lmaganda hammasi boshqacha bo’lardi, degan ritorika hatto hukumat ichidagi kishilar tilidan-da tez-tez (bevosita bo’lmasa ham) yangrab turadi.

Endi tasavvur qiling, Rossiya Ukraina bilan urushda yengildi va bir necha o’n yil o’z muammolariga o’ralashib qoldi. Markaziy Osiyodagi siyosatga jiddiy ta’sir etolmaydigan darajada kuchsizlandi. Xo’sh, sizningcha, siyosiy tizim keskin o’zgarib, yurmayotgan islohotlarimiz yura boshlaydimi?

Ha, Rossiya ta’siri inkor etib bo’lmas, ammo O’zbekiston davlatchiligining bugungi asosiy muammosi u emas. Rossiya va Putin omili bugun biz uchun ehtimol, “uchlikka” ham kirmaydi.

Fikrimcha, hamma gap ichkarida. Aynan ichkarida potensial bilan bog’liq jiddiy muammolar davom etmoqda va u ishlarni to’g’ri tizimlashtirishga yo’l bermayapti. Bu yerda islohotlarni xohlamaslik degan versiyaga ham unchalik qo’shilmayman. Xohish bor, bo’lmasligi mumkin emas, ammo uning realizatsiyasiga yetarli potensial mavjud emas. Shunaqasi bo’ladi-ku, a?

Bugun o’z-o’zidan miyamga bir fikr keldi: agar ta’limda hammasi o’sishga qarab ketayotganda edi, ehtimol, qolgan muammolarga ko’z yumish mumkin bo’lardi. Chunki, bilasiz, ta’lim o’ssa, qolgan masalalarning yechilishiga ham umid saqlanib qoladi. Oxiri plyus ekanini bilib turasiz. Ammo…

Menda odamlarning qanchasi qanday o’ylashi bo’yicha biror statistika yo’q, lekin jamiyatda ko’pchilik hech bo’lmasa, bittasi yaxshi bo’lsaydi, degan xulosaga ketayotgan bo’lsa, bu aniq potensialdagi muammo bo’ladi.

Ma’lumni e’lon qilib bo’lmaydi. Ehtimol, postdagi xulosaning yangiligi yo’qdir. Endi fikr-da buyam.

@haqiqatdaIlyos
5k 1 29 27 140
Ilyos Safarov

18 Jan, 18:35

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
Nurzod Vohidov – yaxshi bola, jonkuyar jurnalist. Ayniqsa til, alifbo masalalariga befarq emas. U bu safar Abduqodir Husanov transferi atrofida takror bo’y ko’rsatgan og’riqli bir muammoga e’tibor qaratibdi. Shunga qo’shib o’zini-da ayamagan.

Fikrimcha, og’riq bersa-da, mediada shu kabi materiallar ko’payavergani ma’qul. Ko’paysinki, familiyasiga qo’shib xato ko’tarib yurganlarning bariga yetib borsin. O’zim guvoh, materiallarimizda familiya yo ismidagi xatoni to’g’rilab yozsak, asliga qaytarishni so’raydiganlar necha-necha.

@haqiqatdaIlyos
7.6k 3 51 25 123
Ilyos Safarov

17 Jan, 17:36

Telegram'da ochish Ulashish Shikoyat qilish
Milliy teatr. Ota-onam va boshqa yaqinlar bilan spektakl tomoshasiga kelganmiz. Zalda biz bilan birga yana yuzlab tomoshabin. Ammo belgilangan vaqt - 18:00 dan 15 daqiqa o’tdi hamki, spektakl boshlanayotgani yo’q. Teatr xizmatchilaridan kechikish sababini so’rasak, buni “Prezident akademiyasidan mehmonlar kelishi kerak, kelishsa, boshlayveramiz”, deya tushuntirishdi. Javob ohangidan sezildiki, odamlarni kuttirish ularga ham yoqayotgani yo’q. Ammo majburlar.
…

18:20. Mehmonlardan darak yo’q. Tomoshabinlar betoqat bo’lyapti. Umumiy qarsak to’rt-besh qayta yangrab o’tdi.
…

18:25. Butun zal kutgan mehmonlar va nihoyat kirib keldi. Ko’pi rasmiy kiyingan, 35-40 yoshlardagi kishilar. O’ylashimcha, akademiya tinglovchilari – bo’lajak rahbarlar.

Kelganlar odamlar oldidan bir-bir o’tib borishdi-da, faxrli mehmonlar uchun belgilangan joy - o’rta qatorlarga joylashishdi. Uzoq kuttirgani uchun hammaning ko’zi ularda. Ammo kelganlarda biror noqulaylik, kuttirgan insonlaridan uyalish, uzr so’rashni ko’rmadim.

18:27. Kelganlar sharafiga (ha, aynan shunday tushundim, tomoshabinlar uchun emas, kelganlar sharafiga) atalgan spektakl boshlandi…
….

27 daqiqalik bu voqeadan o’nlab xulosalar chiqarish mumkin. Ulardan biri - odamlarimiz huquqini talab qilolmaydi. Jamiyatimizdagi barcha muammolarning ildizlaridan biri shu. Katta bo’lsin, kichik bo’lsin, rahbar degan nomi bor ekan, unga hamma narsa mumkin, degan qarash qonimizga singib ketgan.

Tabiiy, rahbarlikka ko’tarilib, qora oynali avtomobilga o’tirgan borki, shu qarash ta’sirida g’urur, kekkayish otiga minadi. Menga hamma narsa mumkin ekan, degan qarashni o’ziga singdiradi.

Muammoning kadrlar tayyorlash tizimidagi eng oliy dargoh – Davlat boshqaruv akademiyasi tinglovchilarida ham davom etayotgani afsuslantirdi…

Bilmadim, siz qanday tushindingiz-u, men shunday xulosalar qildim...

@haqiqatdaIlyos
3.8k 0 53 43 220
Ilyos Safarov

15 Jan, 16:41

Telegram'da ochish Ulashish Shikoyat qilish
Nuqtalar: O‘zbekistonda muxolif huquqlariga oid qonun: bu nima degani?

2025-yilda O‘zbekiston parlamentida muxolifat huquqlariga oid qonun loyihasi ishlab chiqiladi. Bu jamoatchilik muhokamasi uchun e’lon qilingan 2025-yilga mo‘ljallangan davlat dasturi loyihasida nazarda tutilgan.

Qayd etilishicha, parlamentda muxolifatning kafolatlangan huquqlarini yanada kengaytirish ko‘zda tutilmoqda. Bunda muxolifatning kafolatlangan huquqlari sonini 3 tadan 6 taga oshirish hamda muxolifat vakillari 1 nafar qo‘mita raisi va 2 nafar qo‘mita raisi o‘rinbosari lavozimlarini kafolatli egallashi belgilangan.

Bundan tashqari, har chorakda «hukumat soati» va parlament so‘rovi doirasida muxolifat tomonidan kamida bittadan masala kiritish kabi qo‘shimcha huquqlar berishni nazarda tutilgan.

Nuqtalar dasturining navbatdagi soni davlat dasturi loyihasidagi ana shu band va uning mohiyati tahliliga bag‘ishlandi.

Dastur mehmonlari Inson huquqlari “Ezgulik” jamiyati raisi Abdurahmon Tashanov va siyosatshunos Hamid Sodiq bo‘ldi.

📹👉https://youtu.be/nsdjVDxY6_w

@haqiqatdaIlyos
"Muxolifatni probirkada yetishtirib bo'lmaydi" – tahlil
2025-yilda O‘zbekiston parlamentida muxolifat huquqlariga oid qonun loyihasi ishlab chiqiladi. Bu jamoatchilik muhokamasi uchun e’lon qilingan 2025-yilga mo‘ljallangan davlat dasturi loyihasida nazarda tutilgan. Qayd etilishicha, parlamentda muxolifatning kafolatlangan huquqlarini yanada kengaytiri...
10.7k 1 45 5 54
Ilyos Safarov

15 Jan, 11:46

Telegram'da ochish Ulashish Shikoyat qilish
O‘zbekiston Professional futbol ligasi (O’zPFL) klublardan liboslarda futbolchining ism yoki familiyasini o‘zbek tilida to‘g‘ri yozishni talab qilmoqda.

Endi Milliy chempionatimizda Kholmatov, Kasimov, Khusanov kabilarni ko‘rmaymiz!

PFL rahbariyatiga rahmat.

@haqiqatdaIlyos
4.7k 1 15 19 286
Ilyos Safarov

15 Jan, 08:44

Telegram'da ochish Ulashish Shikoyat qilish
Firdavs Abduxoliqov hali Kinematografiya agentligi rahbari ekan, Toshkentda Rossiya bilan hamkorlikda Kinematografiya instituti ochilgandi. Keyinchalik Abduxoliqovning bu lavozimdan ketishi sababmi yo ishlar boshidan “xalta” qilinganmi, institut faoliyatidagi jiddiy muammolar haqida chiqishlar ko’paydi.

Bugun menga ham institutning bir guruh talabalari nomidan yozilgan shunday murojaat yetib keldi. Unda institutning talabalar turar joyi, sport maydonchasi va o’quv paviloni yo’qligidan tortib, ta’lim olishga to’siq bo’ladigan yana o’nlab muammolar haqida yozilgan.

Talabalar shuningdek, O’zbekiston hukumatidagi turli vazirlik hamda shaxslarga qilingan arzlar natijasiz qolgani, shu sabab, endigi murojaat Putinga (ha aynan Rossiya prezidentiga) bo’lishini ma’lum qilgan.

Bilishimcha, Kinematografiya instituti Madaniyat vazirligi qaramog’iga berilgan muassasa. Lekin vazirlik qaramog’idagi institut talabalarini bugungi kabi qarovsiz qoldirarkan, aftidan, hali ko’p prezidentlarga qilingan murojaatlarni o’qiyveramiz.

P.S: Rossiya bilan hamkorlikda boshlangan qaysi loyiha borki, so’ngda doim muammo bo’ladi a?!

@haqiqatdaIlyos
5k 1 46 8 111
Ilyos Safarov

13 Jan, 08:25

Telegram'da ochish Ulashish Shikoyat qilish
Velosiped ixtiro qilinganiga 150 yilga yaqin vaqt o’tyapti. Davlat boshqaruvida adolatli sudlar bo’lsa, o’sha mamlakat gullab yashnashi ham insoniyatga yuz yillardan beri ma’lum. Ammo, O’zbekistonda bu haqiqatlar hamon anglanmagan yo anglanadi-yu, tor doira manfaatlariga mos emas.

“Dolzarb 40 kunlik”da ushlanib, sud qarori bilan qamalganlar ozodlikka chiqarila boshlanibdi. Ba’zilarining ishi qayta ko’rilishi mumkin. Kamiga ish boshida turganlardan ba’zilarning o’zi bugun ichkarida so’roq qilinmoqda.

Xulosa chiqadi-ki, 2024-yil fevral, mart oylarida o’tgan sudlar ishiga jiddiy kuchlarning jiddiy aralashuvlari bo’lgan.

Normal davlat, normal jamiyat uchun albatta adolatli sud yo’lidan o’tiladi. Va, nasib, biz ham bir kuni albatta durust jamiyatga aylanamiz hamda uning asosi adolatli, mustaqil sud orqali qo’yiladi.

@haqiqatdaIlyos
5.3k 0 27 15 141
Ilyos Safarov

12 Jan, 11:56

Telegram'da ochish Ulashish Shikoyat qilish
Nuqtalar: O'zbekistonda biznes: soliq siyosati, kreditlash tizimi, lobbizm, energetika muammolari va "xitoylashuv xavfi"

O‘zbekistonda biznes boshlash, uni yuritish osonmi yoki qiyin? Oson bo‘lsa, osonligi nimada-yu, qiyin bo‘lsa, qiyinchiliklar qaerda, qaysi nuqtalarda? Savol ko‘p, javoblar esa har xil. Nuqtalar dasturining navbatdagi sonida ana shu savolning tub mohiyatini ochishga harakat qildik.

Dastur mehmonlari soliq maslahatchisi, yurist Abdug‘ani Muhammedbayev va Iqtisodiyot fanlari doktori, professor Barnogul Sanoqulova bo'ldi.

📹👉 https://youtu.be/P9_teymcK8Y

@haqiqatdaIlyos
5.5k 0 16 6 59
Ilyos Safarov

11 Jan, 10:42

Telegram'da ochish Ulashish Shikoyat qilish
Futbol ishqibozlari 11-yanvar tongini katta xursandchilik bilan qarshiladi. Milliy terma jamoamiz himoyachisi Abduqodir Husanov Angliyaning “Machester City” klubi safiga o’tmoqda. Taniqli futbol insayderi Fabritsio Romano transfer haqida bugun yoki ertaga rasman e’lon qilinishini ma’lum qildi.

Ha, biz bu transfer ahamiyatini hali to’la anglab yetganimiz yo’q. Sababi, Husanovning yangi chempionatga moslashib olishi va o’yinini yaxshilab borishiga qarab voqelikning mohiyati yanada ortadi. Ammo naqdi shuki, hamyurtimiz dunyoning eng kuchli va tomoshabop ligasi - APLga, bo’lib ham chempionatning eng kuchli, chempionlikka asosiy davogar klublaridan biri safiga qo’shilmoqda. Shubhasiz, o’zbek futboli tarixidagi eng yorqin voqealardan biri bu.

Ba’zilar Husanov transferi atrofidagi voqealarni tahlil qilarkan, uning milliy chempionatimizda bir daqiqa ham o’ynamaganini gapirmoqda. Husanov o’z vaqtida chindan, “Bunyodkor”ning hatto o’rinbosarlari tarkibiga ham qabul qilinmagan. Bu huddi Kamerun terma jamoasida o’ynamoqchi bo’lganda, pul talab qilingani uchun Fransiyaga qaytgan va dunyoning eng yaxshi futbolchilaridan biriga aylangan Klian Mbappe tarixiga o’xshaydi. (Shu voqea orqali bugun Kamerunni korrupsiyaga botgan, qoloq davlat sifatida tasavvur qilaman.) Ha, balki, vaqt o’tib Husanov misolida o’zbek futbolidagi Kamerunnikiga o’xshash tizimsizlik muammolari yanada yaxshiroq ochilar, gapirilar, ammo, keling, bugun voqelikning o’zidan xursandchilik his qilib olaylik. Muammolar haqida ko’p gapiriladi, lekin har kuni ham Husanov chiqavermaydi, har kuni ham futbolchimiz APLga o’tavermaydi.

Naqadar shirin voqelik. Bugun faqat shu haqda o’ylagim kelyapti.

@haqiqatdaIlyos
6.5k 0 25 23 261
Ilyos Safarov

10 Jan, 09:35

Telegram'da ochish Ulashish Shikoyat qilish
Prezident Administrasiyasi Axborot siyosati departamenti sobiq mulozimi Komil Allamjonovga suiqasd ishi yuzasidan Harbiy sudda mahkama boshlangan. Bu haqda Inson huquqlari “Ezgulik” jamiyati raisi Abdurahmon Tashanov ma’lum qildi.

“Mahkama sudlanuvchilar soni ko‘pligi, qo‘yilayotgan ayblov jiddiyligi va uning jamoatchilik uchun muhimligiga qaramay yopiq tarzda olib borilmoqda”, – deb yozdi huquq himoyachisi.

@haqiqatdaIlyos
5.6k 0 38 15 150
Ilyos Safarov

9 Jan, 11:08

Telegram'da ochish Ulashish Shikoyat qilish
Uzdiplomat | Расмий канал dan repost
Video oldindan ko‘rish uchun mavjud emas
Telegram'da ko‘rish
⚡Илёс Сафаров: "2024 йилнинг Медиа лидери бу Отабек Бакировдир"

Журналист Илёс Сафаров “Йил танлови – 2024” номинациялари бўйича номзодларини айтиб ўтди.

“2024 йилнинг энг намунали вазирлиги”

— 2024 йилда матбуотга энг очиқ вазирлик, деб AKT (Рақамли технологиялар вазирлиги)ни эътироф этаман. Ўзбекистон бюджетида даромадида IT маҳсулотларининг ўрни ошиб бораётгани ва шунга мос тарзда вазирликнинг матбуот хизмати ҳам ОАВга энг очиқ бўлган вазирлик сифатида кузатдим.

“2024 йилнинг энг намунали вилоят ҳокимлиги”

— Вилоят ҳокимлиги қайси бири яхши ишлади, бу жудаям нисбий тушунча бўлади. Матбуот хизмати фаолиятидан келиб Навоий вилояти ҳокимлигини айтган бўлардим.

“2024 йилнинг энг фаол партия лидери”

— Ўзбекистонда партия йўқ деб ҳисоблайман – бу менинг шахсий фикрим.

“2024 йилнинг “Йил одами”

—“Эзгулик” инсон ҳуқуқлари жамияти раиси Абдураҳмон Ташанов

— BBC “Дунёнинг энг иродали 100 аёли” қаторида ўзбекистонлик аёлни ҳам эътироф этди. Бу аёлни ҳам мен айтган бўлардим.

“2024 йилнинг Медиа лидери”

— 2024 йилнинг Медиа лидерини Отабек Бакировга берган бўлар эдим.

Отабек Бакиров гарчи ўзи иқтисодчи бўлишига қарамай бир неча йиллардан буён ҳукумат қилаётган ислоҳотларга ва бу ислоҳотлардаги камчиликларни топиб унга тўғри йўналиш кўрсатиши жамиятда тўғри фикр, муносабат шаклланиши юзасидан катта ишлар қиляпти ва бу ишлар, албатта эътироф этилиши керак.

ТАНЛОВ ҲАҚИДА➡️ https://t.me/uzdiplomat/9868

Telegram | Instagram | You Tube | Facebook | X
5.7k 0 17 34 196
Ilyos Safarov

7 Jan, 10:04

Telegram'da ochish Ulashish Shikoyat qilish
Do‘stlar, kecha Sharqshunoslik universiteti talabasi Laylo Baxtiyorovaning to‘lov-kontrakti uchun xayriya boshlagan edik va bugun shu masalada xushxabar oldim. Layloning aytishicha, xayriyada unga kerakli mablag‘ yig‘ilgan va u bugun universitet marketing bo‘limiga to‘lovni amalga oshirdi.

Laylo xayriyada qatnashgan insonlarga ko‘pdan ko‘p minnatdorchilik bildirdi. “To‘g‘risi, oilamizdagi ahvol sabab, o‘zimni talabalikdan ketishga ruhan tayyorlab yurgandim. Bir kunda bo‘lib ketgan bu o‘zgarishlar esa menga tushdek tuyilmoqda.

Siz mening oilamni xursand qildingiz, Olloh ham sizni va oilangizni doim xursand qilsin. Qilgan xayriyalaringiz o‘zingizga yuz, ming barobar bo‘lib qaytsin.

Begona bo‘lsam ham, yordamlarini ayamaganlari uchun minnatdorman. Bu yil boshidan shunchalar omadli boshlandi, oxirigacha ham shunday omadli bo'lsin, deb niyat qilaman”, – dedi u.

Demak, Layloning muammosi hal bo‘ldi, u endi o‘qishini davom ettiradi. Buning uchun shaxsan o‘zim nomimdan ham sizlarga minnatdorchilik bildiraman.

Rozi bo‘lsangiz, ilk xayriya postidagi karta raqamni o‘chirmayman. Aytganimdek, oila boshida bundan tashqari ham otaning bemorligi va dori-darmon muammosi bor. Istaganlar oilaning shu muammolari uchun ham xayriya qilaverishlari mumkin. Lekin aytganimdek, Layloning o‘qish muammosi hal bo‘ldi.

Savobli ishlarda barchamizni bardavom qilsin.

@haqiqatdaIlyos
23k 2 33 37 365
Ilyos Safarov

7 Jan, 09:18

Telegram'da ochish Ulashish Shikoyat qilish
O'zbekiston xalqaro IQ reytingida ikki pog'ona yuqoriladi


Xalqaro IQ reestri har yili foydalanuvchilar tomonidan oʻz platformasida oʻtkazilgan testlar natijalariga koʻra oʻrtacha IQ – aql koefissienti boʻyicha mamlakatlar reytingini eʼlon qiladi. 2024-yilda o‘tkazilgan tadqiqotda butun dunyodan 1,4 million kishi qatnashdi.

2025-yil 1-yanvar holatiga ko‘ra reytingda quyidagilar yetakchilik qilmoqda:

Xitoy - o'rtacha IQ 107,43
Eron – 106,63
Janubiy Koreya – 106,57
Yaponiya – 106,54
Singapur - 105,25.

Dunyo boʻyicha oʻrtacha IQ 100. Sharqiy Osiyo mamlakatlari yuqori oʻrtacha koʻrsatkichga ega, Markaziy va Janubiy Afrika va Lotin Amerikasi koʻrsatkichlari esa pastroq.

Markaziy Osiyo davlatlarining 2025-yilgi reytingdagi o‘rinlari:

Qozog‘iston — 66-o‘rin, o‘rtacha IQ 97,27
O‘zbekiston — 69-o‘rin, o‘rtacha IQ 96,98 (2023-yilda 71-o'rin)
Qirg‘iziston — 84-o‘rin, o‘rtacha IQ 93,46
Tojikiston – 96-o‘rin, o‘rtacha IQ 93,17.

Turkmaniston boʻyicha maʼlumotlar test ishtirokchilari soni yetarli emasligi sababli reytingga kiritilmagan.

Shunisi qiziqki, Markaziy Osiyo mamlakatlari yaqinlik va madaniy aloqalarga qaramay, oʻrtacha IQ darajasida farq qiladi. Qozog‘iston mintaqada 66-o‘rinda yetakchilik qilgan bo‘lsa, Tojikiston 96-o‘rinda. Bu farqlar ta’lim tizimidagi tafovut, axborot resurslaridan foydalanish imkoniyati va boshqa ijtimoiy-iqtisodiy omillar bilan bog‘liq bo‘lishi mumkin.

Shuni hisobga olish kerakki, reyting ma'lumotlari ma'lum chalkashliklarni keltirib chiqarishi mumkin bo'lgan onlayn test natijalariga asoslanadi.

Umuman olganda, Xalqaro IQ reestry reytinglari mamlakatlar bo'ylab o'rtacha zakovat darajalari haqida qiziqarli ma'lumotlarni taqdim etadi, ammo ularning natijalari mumkin bo'lgan cheklovlar va ma'lumotlarga ta'sir qiluvchi omillar nuqtai nazaridan talqin qilinishi kerak.

@haqiqatdaIlyos
12.8k 3 48 3 48
Ilyos Safarov

6 Jan, 16:04

Telegram'da ochish Ulashish Shikoyat qilish
10.6k 17 115 45 255
20 ta oxirgi post ko‘rsatilgan.