Boysun Tumani Hokimligi

🏢 Maktab ta’limi tizimidagi islohotlar samarasi

Mamlakatimizda yoshlar ta’lim tarbiyasi bilan shug‘ullanish, muammolarini vaqtida hal etish, shaxs sifatida rivojlanishi uchun barcha shart sharoitlar yaratish vazifalarga e’tibor qaratilmoqda.

Davlatimiz rahbari yoshlar kelajagi bilan bog‘liq har qanday vazifa birlamchi ahamiyatga ega deb bejizga ta’kidlamagan. Bu yondashuv O‘zbekiston 2030 strategiyasida ham o‘z aksini topgan. Misol uchun ushbu muhim hujjatning har bir insonga o‘z salohiyatini ro‘yobga chiqarishi uchun munosib sharoitlarni yaratish deb nomlangan birinchi yo‘nalishi 44 banddan iborat bo‘lsa, 25 bandi bevosita yoshlarning manfaatiga qaratilgan.

Bugungi kunda Boysun tumanida 59 ta davlat umumta’lim maktablari bilan birga 1 ta ixtisoslashtirilgan maktab va 1 ta Barkamol avlod bolalar maktabi faoliyat yuritib kelmoqda.

Boysun tumanidagi 6-son umumta’lim maktabida jami 1624 nafar o‘quvchilarga 115 nafar oliy ma’lumotli o‘qituvchilar ta’lim tarbiya berib kelmoqdalar.

Ushbu maktabda o‘quvchilarning bilim olishlari uchun barcha sharoitlar yaratilgan. Zamonaviy o‘quv xonalari, kutubxonalar, kompyuter  jihozlari o‘quvchilar ixtiyorida.

Berilgan imkoniyatlar o‘quvchilarni fan olimpiadalariga ishtirokini ta’minlab, viloyat hamda respublika bosqichlarida faxrli o‘rinlarni egallamoqda.

Yoshlarni milliy va umuminsoniy qadriyatlar ruhida tarbiyalash dolzarb vazifalardan biri hisoblanadi. Shu bois ta’lim muassasasida ta’lim sifatini yanada oshirish, yoshlarni bo‘sh vaqtlarini alohida mazmunli o‘tkazishga alohida e’tibor qaratilgan.

Ta’lim maskanida tashkil etilgan bugungi ochiq dars mashg‘ulotlarida o‘quvchilarning yetarlicha bilim ko‘nikmalarini mustahkamlashga va kelajakda o‘zlari qiziqqan sohani egasi bo‘lib yetishishiga yetarlicha e’tibor qaratilganini ko‘rish mumkin.

👉 Kanalga ulanish 👉https://t.me/boysunaxborotxizmati

✅ Telegram 💬 Facebook 📹 YouTube 🌍 Web-site

✨ “Yilning eng namunali mahalla yoshlar yetakchisi” tanlovining respublika bosqichi g‘oliblari aniqlandi!

🎤 “Yoshlar forumi – 2024” doirasida Mahallalardagi yoshlar yetakchilari o‘rtasida “Yilning eng namunali mahalla yoshlar yetakchisi” tanlovining respublika bosqichi bo‘lib o‘tdi.

🎤 Respublika tanlov jarayonlari Toshkent shahridagi Yoshlar markazida 10 ta yo‘nalishda sho‘balarga bo‘lingan holda tashkil etildi. G‘oliblarni taqdirlash marosimida O‘zbekiston mahallalari uyushmasi raisi Qahramon Quranboyev va Yoshlar ishlari agentligi direktori Alisher Sa’dullayev ishtirok etdi!

✅ Quvonarlisi Boysun tumanidagi “Obi” mahallasi yoshlar yetakchisi Nurali Jumayev “Yilning eng namunali mahalla yoshlar yetakchisi” tanlovining respublika bosqichida 1-o‘ringa munosib deb topildi.

Boysun tumani hokimligi jamoasi hamda keng jamoatchilik nomidan Nurali Jumayevni samimiy muborakbod etamiz!

👉 Kanalga ulanish 👉https://t.me/boysunaxborotxizmati

✅ Telegram 💬 Facebook 📹 YouTube 🌍 Web-site

Boysun tumanida O‘zbekiston respublikasi prezidentining “kambag‘allikdan farovonlik sari” dasturini amalga oshirish, birinchi navbatdagi chora-tadbirlar to‘g‘risidagi 2024-yil 23-sentabr, PQ-330-sonli qarorini ijrosini ta’minlash bo‘yicha tuman Kambag‘allikni qisqartirish va bandlikka ko‘maklashish bo‘limiga biriktirilgan "Kofrun" mahallasidan 7 nafar, "Ko‘chkak" mahallasidan 3 nafar jami 10 nafar xonadonni kambag‘allikdan chiqarish va farovon turmush tarziga erishtirish uchun amaliy ishlar tashkil qilib kelinmoqda.

O‘z oilasi va mahallasining tinchligi va farovonligi uchun kuyinish, o‘zaro ahillik va hamjihatlikni ta’minlash, hayotimizdagi o‘zgarish va yangilanishlarga daxldorlik hissini kuchaytirish, bilimli va ma’rifatli farzandlarni tarbiyalash bo‘yicha muntazam ta’sirchan ishlar tashkillashtirildi.

Ushbu 10 nafar xonadonning yosh bolalari o‘z uylarida o‘quv mashg‘ulotlarini olib borish uchun stol va stullar, stollarga berkitilgan kichik kitoblar javonlari tarqatildi.

Bunda albatta, tuman Kambag‘allikni qisqartirish va bandlikka ko‘maklashish bo‘limi xodimlarining hamda hokim yordamchilarining o‘z xizmatlarini qo‘shganliklarini alohida e’tirof qilmoq darkor.

Muhtaram Prezidentimizning ushbu tashabbuslarini amalga oshirish uchun biz boysunliklar labbay deb javob bersak yanada zo‘r bo‘lardi deb o‘ylayman. O‘ylaymanki kelajakda, ushbu yosh o‘g‘il qizlarimizdan vatan ravnaqi uchun yetuk kadrlar yetishib chiqib, o‘z intellektual salohiyatlari bilan o‘z hissalarini qo‘shishlari juda ham ahamiyatlidir - deydi Boysun tuman kambag‘allikni qisqartirish va bandlikka ko‘maklashish bo‘limi boshlig‘i Umedillo Jo‘rayev.

👉 Kanalga ulanish 👉https://t.me/boysunaxborotxizmati

✅ Telegram 💬 Facebook 📹 YouTube 🌍 Web-site