Men oila qurish yoshida bo'lgan, ammo hali uylanmay yurgan yigitlarni ko'rsam, sababini so'rab, qo'limdan kelsa, yordam berishga harakat qilaman.

Chunki bizdan talab qilinadigani shu deb bilaman. Biror rivoyat, biror dalilni bilmaymanki, ulug'lar, sharafli kishilar bir bo'ydoqning ustidan kulib, mazax qilganlari haqida gap bo'lsa.

Yigitlar havas uchun uylanmay yurmaydi. Ko'pincha imkon bo'lmagani yoki munosib juft topilmasligi sabab bo'ladi. Siz ularga moddiy yoki ma'naviy yordam bering, haqqiga duo qiling, ustidan kulmang!

Ularni kamsitadigan videolar qilib, "Bo'ydoqlarga yuborib qo'yamiz" deyish ham uyatli holat!..

#Oila_qurish

@GiyosiddinYusuf