G'iyosiddin Yusuf | blog

Ayolni qadrlash haqida men eshitgan eng kuchli gaplardan biri:

— Ayolimga ozor bermasin deb 20 yildan beri sarimsoqpiyoz yemadim!

#Erkaklar

@GiyosiddinYusuf

Domlalar, ustozlarning foydali videolari keng tarqalgani yaxshi, albatta, lekin buning uchun ularning obro‘lariga, saviyalariga mos bo‘lmagan ishlar qilmaslik kerak deb o‘ylayman. Masalan, "Izohda subhanalloh deb yozib qoldiring" kabi gaplar bilan din dushmanlariga kulgi bo‘ldik!

Ha, subhanalloh deyish savobli amal, lekin domlaning ma’ruzasiga munosabat sifatida yozilmayapti bu so‘z! Subhanalloh ma’ruzalarni keng tarqalishi uchun ishlatiladigan zikr emas, aytiladigan o‘rni boshqa uning!

#Mulohaza

@GiyosiddinYusuf

Ustozimga ba'zi do'stlarimiz "Ketdik" desa, "Xo'p" der edilar. "Nega qayerga demaysiz?" deyilsa, "Siz qayerga desangiz ham ketaveraman", — der edilar.

Bu yuksak ishonch, sadoqat, do'stlik belgisi edi. Shunday yaqinlaringiz bo'lsa, qadrlang!

#Do‘st

@GiyosiddinYusuf

Savollarga javob berish tartibi:

▪️botga kelgan savolni yordamchim mavzularga ajratilgan telegram guruh/kanallarga yuboradi — takroriy yoki men javob bermaydigan, uzun matnli savollarni yubormaydi;
▪️men imkonim bo'lishiga qarab turli mavzulardagi kanal/guruhlardan tartib bilan savolni olaman;
▪️ savol tahrirlanib, imloviy xatolari tuzatilib, savolga sarlavha qo'yiladi;
▪️so'ng javob yozib Yechimhubbuna kanaliga yuboraman;
▪️mas'ul xodim savolga tartib raqam qo'yadi;
▪️dizayner savolga mos rasm ishlab, tahrirlab qo'yadi.

Juda ko'p savollar kelgani sababli odatda bitta savolga javob bergunimcha 2-2,5 oy vaqt o'tib ketyapti. Jarayonni tezlashtirish uchun menga ko'proq vaqt kerak. Bugun biroz vaqtim bo'lganidan foydalanib o'ndan oshiq savollarga javob berishga harakat qildim. Yechimhubbuna kanalidan o'qishingiz mumkin. Kanalni kuzatib borsangiz, manfaatli bo'ladi, inshaalloh.

@GiyosiddinYusuf

Kichik bola bilan telefonda gaplashishda nimalarga e’tibor qaratish kerak?

Bolalar bilan telefonda gaplashish biroz qiyin bo'lsa-da, dastlabki vaqtlarda bu juda qiziqarli va o'zgacha zavqli bo'ladi. Ayniqsa, farzandingizning endi tili chiqayotganda.

Kichik bola bilan telefonda suhbatlashishni osonlashtirish uchun quyidagi jihatlarni inobatga olish tavsiya etiladi:

1. Yoshga mos muloqot qilish.
Bolalar odatda 1,5–2 yoshdan boshlab telefonda qisqa suhbatlarga qiziqish bildiradi, ammo bu bosqichda ular faqat bir necha so‘z yoki sodda jumlalar bilan muloqot qiladi. 3–4 yoshga kelib, bolalar fikrlarini yaxshiroq ifodalay oladi, bu esa telefonda muloqotni sezilarli darajada osonlashtiradi.

2. Qisqa va oddiy gaplarni ishlatish.
Bolalar bilan telefonda gaplashayotganda gaplaringizni sodda va qisqa qilib tuzing. Bolaning diqqatini uzoq vaqt ushlab turish qiyin, shuning uchun ortiqcha so‘zlardan qochib, asosiy mazmunni yetkazishga harakat qiling.

3. Savol-javob usulini qo‘llash.
Bola bilan faol muloqot qilish uchun unga oddiy savollar bering. Masalan: “Bugun nima qilding?”, “O‘yinchoqlaring bilan o‘ynadingmi?” kabi savollar bolani javob berishga undaydi.

4. Ohangga e’tibor bering.
Bolalar so‘zlardan ko‘ra ovoz ohangiga ko‘proq e’tibor beradi. Mehrli, quvnoq va bolaga mos ohangda gapirish orqali suhbatni qiziqarliroq qilishingiz mumkin.

5. Bolani rag‘batlantirish.
Agar bola gaplashishga urinayotgan bo‘lsa, uni maqtang va qo‘llab-quvvatlang. Bu, ayniqsa, nutq rivojlanayotgan davrda bolaning ishonchini oshiradi.

6. Texnik vositalardan ortiqcha foydalanmaslik.
Telefonda muloqot qilishni bolaga o‘yin sifatida ko‘rsatmaslik kerak. U texnik vositalardan faqat aloqa uchun foydalanish lozimligini his qilishi muhim.

Kichik bola bilan telefonda gaplashish sabr va tushunishni talab qiladi. Ularning qobiliyati yosh o‘tishi bilan rivojlanadi, shuning uchun bolaning ehtiyojlarini inobatga olib, muloqotni asta-sekin kengaytirib borish kerak.

#parvarish

@GiyosiddinYusuf

Ajrashish uchun ruxsat berilgan o'rinlar bor, lekin bu haqida ommaviy gapiravermaslik kerak deb o'ylayman. Toki ajrashish fikri erkak va ayollarda variant sifatida xayolining bir chetida turmasin. Bor imkoniyatini ishga solib oilani mustahkamlash, farovon hayot kechirishga harakat qilsin, mabodo og'ir holatlar bo'lib qolsa, ikki tomon birgalikda ishonchli kishilarga maslahat solsa, ana unda haqiqatda ajrashish o'rinli deb topilsa, shunda xotirjam holda, yaxshilikcha ajrashish kerak.

Ba'zi psixologlar ijtimoiy tarmoqlarda osonlikcha ajrashishni taklif qilyapti: "O'zingni yomon his qilyapsanmi, mehr-e'tibor ko'rmayapsanmi — ajrash!" degan ma'noda. Bu juda noto'g'ri, bunga qarshi turishimiz, bunday kishilarni tinglash, ularga ergashishdan o'zimiz va oilamizni saqlashimiz lozim.

#Ajrashish #ogohlantirish

@GiyosiddinYusuf

Xola ona o‘rnidadir

Bugun xolamni ko‘rdim, viloyatda yashaganlari sababli anchadan beri ko‘risha olmagan edik. "Ko‘rgim kelsa, internetdan videolaringizni topib, ko‘rib o‘tiraman", — deydilar. Juda ta’sirlandim...

@GiyosiddinYusuf

Bolalar uchun juda kerak bo‘lgan 7 narsa

1. O'ziga ishongan kattalar.
Agar siz doim bolangizdan “Qayerda uxlashni xohlaysan?”, “Nima yeysan?” deb so‘rab, uning istagini topishga urinaversangiz, natijada bola kattalarni boshqarishni o‘rganadi. Aynan shunday — kattalar bolalarni emas, bolalar kattalarni boshqaradi.

Ba’zida bola birdaniga to‘rt kattani: onasi, otasi, buvisi va bobosini boshqarib qoladi. Bu bolaga juda og‘ir yuk bo‘ladi va uning ichki resurslari tez tugaydi. Bu esa injiqlik, agressiya, yomon uyqu va ovqatlanish kabi muammolarga olib keladi. Bolaga yo‘l ko‘rsatadigan va unga ishonch beradigan katta kerak.

Davomi bor

#tarbiya #tarjima

@GiyosiddinYusuf

Sovun jismni poklagani kabi mutolaa ham ruhimizni poklovchidir!

#Kitob

@GiyosiddinYusuf