Aktam XAITOV | rasmiy kanal

☑️ Партиямиз аҳолининг муаммоларини ўрганишда янгича ёндашувларни амалга оширади

ЎзЛиДеП Сиёсий Кенгаши мажлисида партия ташаббуси билан ўтказиб келинаётган инсон манфаатларига хизмат қиладиган амалий лойиҳалар, ташаббуслар, акцияларнинг натижадорлиги таҳлил қилинди. Хусусан, “Инсон ҳаёти – бебаҳо неъмат, у барча нарсадан устун” тамойили асосида республика бўйлаб “Огоҳ бўлинг, ис гази!” акцияси ўтказилди. Партия инсонларга амалий кўмак берадиган бу каби ўндан ортиқ амалий лойиҳаларни амалга ошириб келмоқда. Йиғилишда мазкур лойиҳаларнинг самарадорлигини янада ошириш борасида вазифалар белгилаб олинди.

Мажлисимизда шу йил давомида давлатимиз раҳбари томонидан муҳим йўналишларда белгилаб берилган вазифалар ижросида партиянинг иштироки билан боғлиқ масалалар ҳам кўриб чиқилди. Хусусан, коррупцияга қарши курашиш бўйича Миллий кенгашнинг коррупциянинг олдини олиш бўйича ишлар натижадорлиги ва келгусидаги устувор вазифаларига бағишланган кенгайтирилган йиғилишида Президентимиз томонидан белгилаб берилган устувор вазифалар аҳамияти ҳақида сўз юритилди.

Таъкидланганидек, давлатимиз раҳбари коррупцияга қарши курашиш учун 55 та аниқ мақсадга йўналтирилган ташаббусларни илгари сурди. Улар доирасида 5 та қонун, 12 та фармон ва қарорлар ишлаб чиқилади. Коррупцияга қарши курашишда парламент, Миллий ва ҳудудий кенгашлар, фуқаролик жамияти институтларининг роли оширилади. Бу жараёнда партиямиз ва фракциямиз янада кўпроқ ва масъулият билан ишлаши талаб этилади. Мазкур белгилаб берилган барча ташаббуслари асосида партиямизнинг узоқ муддатли чора-тадбирлар режаси ишлаб чиқилди. Жойларда партиямиз қуйи бўғинларидан тортиб, Қонунчилик палатасидаги фракциясигача – барча вакилларимиз фаол иш олиб боришади.

Йиғилишида Давлатимиз раҳбарининг кичик ва ўрта бизнес вакиллари билан соҳанинг иқтисодиётдаги ўрнини ошириш ва ривожланишини янги босқичга олиб чиқиш масалаларига бағишланган учрашувида белгиланган долзарб масалаларга ҳам алоҳида тўхталиб ўтилди. Тадбиркорликни қўллаб-қувватлаш – бу бизнинг стратегик йўлимиз экани таъкидланиб, тадбиркорликни жадал ривожлантириш мамлакатимиз иқтисодий қудрати ва халқимиз фаровон ҳаётининг кафолати экани қайд этилди. Сиёсий Кенгаш аъзолари давлатимиз раҳбарининг соҳа ривожидаги ташаббуслари партиямиз сайловолди дастуридаги вазифаларга уйғун ва ҳамоҳанг эканини қайд этишди.

Йиғилишда Президентимизнинг жорий йил 14 февраль куни ёшлар билан видеоселектор шаклида бўлган учрашувининг мазмун-моҳияти ва аҳамияти хусусида ҳам фикр алмашилди. Давлатимиз раҳбарининг ёшлар учун манфаатли иш ўринларини яратиш, тадбиркорлик фаолиятини молиялаштиришга кўмаклашиш йўналишида тизимли иш олиб бориш, ёшлар бандлиги ва ишбилармонлигини фаол қўллаб-қувватлаш, уларни тадбиркорликка жалб қилиш учун микромолиялаш хизматларини кенгайтириш каби йўналишларда илгари сурган таклиф-ташаббуслар ижросида фаол иштирок этиши таъкидланди.

Шунингдек, Президентимизнинг “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги  қарорида белгилаб берилган вазифалар ижросида партиянинг иштироки билан боғлиқ масалалар муҳокама қилиниб, тегишли чора-тадбирлар белгилаб олинди.

@a_xaitov

22 март – Маҳалла тизими ходимлари куни билан барча маҳалла фаолларини самимий табриклаймиз!

Маҳалла аждодларимизнинг юксак тафаккурини, урф-одатлар ва анъаналарини ўзида мужассам этган, бутун жаҳон аҳли ҳавас қиладиган эзгу қадриятларимиз кўзгуси.

Куни кеча бўлиб ўтган Наврўз байрами тантанасида давлатимиз раҳбари ўз нутқида ушбу сана муносабати билан барча маҳалла фаолларини табриклар экан, миллий анъаналаримиз ўчоғи бўлган маҳалла тизимининг ҳаётимиздаги ўрни ва таъсири тобора ортиб бораётгани, ёшлар тарбияси, осойишталикни таъминлаш, камбағалликни қисқартириш, аҳолини тадбиркорликка жалб этиш, ижтимоий ҳимоя ва хотин-қизлар фаоллигини кучайтириш, экология ва ободлик каби бири-биридан муҳим вазифалар маҳалланинг ўзида ҳал этилаётганини алоҳида эътироф этдилар.

Ҳақиқатдан ҳам охирги йилларда бу соҳада катта ўзгаришлар юз берди. Ҳамма соҳа ва йўналишлар бўйича “маҳалла еттилиги” тизими самарали фаолият олиб бормоқда. Бир сўз билан айтганда, Янги Ўзбекистонда амалга оширилаётган ислоҳотлар марказида - маҳаллада яшовчи ҳар бир инсонни рози қилиш сиёсати ётибди.

Маҳалла тизимида ишлаётган юртдошларимизга, юрт ободлиги ва хотиржамлиги йўлида эл корига яраётган барча маҳалла фаолларига мустаҳкам соғлиқ, хонадонларига файзу барака, серқирра ва масъулиятли фаолиятида улкан ютуқ ва омадлар тилайман.

@a_xaitov

☑️ Наврўзнинг янгиланиш руҳи юртимиздаги улкан ислоҳотлар мазмунига ҳамоҳанг

Бугун Тошкент шаҳридаги “Янги Ўзбекистон” боғида Наврўз тантанаси бўлиб ўтди. Унда Президентимиз нутқ сўзлаб, халқимизни байрам билан муборакбод этди. Ушбу тадбирда мен ҳам қатнашдим.

Давлатимиз раҳбари Наврўзда мужассам бўлган бунёдкорлик руҳи Янги Ўзбекистонимизда амалга оширилаётган улкан ислоҳотлар ва жадал ўзгаришларнинг асл мазмуни ва эзгу ғояларига ҳамоҳанг эканлигини таъкидлади. Мамлакатимизда инсон қадрини улуғлаш, ижтимоий адолат тамойилларини мустаҳкамлаш, аҳоли даромадлари ва турмуш даражасини юксалтириш йўлида қатъий қадамлар қўйилаётгани эътироф этилди.

Таъкидланганидек, юртимизда кўплаб замонавий саноат мажмуалари, инфратузилма ва логистика тармоқлари, янги иморат ва уй-жойлар, боғча ва мактаблар, олийгоҳлар, шифохоналар, маданият ва спорт масканлари бунёд этилмоқда. Шаҳар ва қишлоқларимиз, бутун юртимиз обод бўлиб бормоқда.

“Яшил макон” умуммиллий лойиҳаси доирасида диёримизда янги экологик муҳит яратилмоқда. “Атроф-муҳитни асраш ва “яшил” иқтисодиёт йили” давлат дастури доирасида бу жараён янада кенг кўлам касб этмоқда.

Президентимиз нутқида ёшлар сиёсатига ҳам тўхталиб, улар Янги Ўзбекистоннинг илғор ва қудратли кучига айланиб бораётганини таъкидлади. Улкан натижаларга эришиб, юртимиз ривожи ва обрўсини ошираётган ақл-идрокли, билим ва малакали, серғайрат ва ишбилармон ўғил-қизларни шарафлади.

Давлатимиз раҳбари байрамда иштирок этган элчилар ва халқаро ташкилотлар вакилларини ҳам халқаро Наврўз куни билан қутлаб, уларнинг халқларига дўстлик саломини йўллади.

@a_xaitov

Баҳор ва янгиланиш байрами – Наврўзи олам билан самимий муборакбод этамиз!

Эзгулик ва саховат, инсонлар ўртасида меҳр-оқибат, ҳамжиҳатлик ва бирдамлик туйғуларини мустаҳкамлайдиган қутлуғ айём - Наврўз муборак бўлсин!

Ўзбекистонда олиб борилаётган инсон қадрини улуғлашга қаратилган янгича ислоҳотлар Наврўз  қадриятлари билан мос келади.

Хусусан одамларнинг дарду ташвиши билан яшаш, кексаларга ҳурмат, муҳтож инсонларга эътибор ва ёрдам кўрсатиш, адолат ва халқпарварлик каби эзгу фазилатлар бунда мужассам.

Ушбу бетакрор байрам барча эзгу ниятли инсонларни бирлаштиради, уларнинг қалбида энг гўзал ва олижаноб туйғуларни уйғотади.

Барча юртдошларимизга сиҳат-саломатлик, бахт, омад, тинчлик-тотувлик ва фаровонлик тилаймиз!

@a_xaitov

☑️ Янги боғ пойтахтимиз чиройига чирой қўшади

“Атроф-муҳитни асраш ва “яшил иқтисодиёт” йилида кўчат экиб, яшиллик яратиш кўлами кенгайди. Пойтахтимизнинг Бектемир туманида яна бир боққа асос солинди. Президентимиз давлат ташкилотлари ва жамоатчилик вакиллари билан бирга бу ерда кўчат экди. Ушбу тадбирда мен ҳам иштирок этдим.

Давлатимиз раҳбари маҳалла фаоллари, нуронийлар ва ёшлар билан самимий мулоқот қилди.

Президент фармойиши билан эълон қилинган долзарб бир ойлик доирасида маҳаллаларда деҳқончилик ва ободонлаштириш ишлари сафарбарлик билан олиб борилмоқда. Баҳор фаслида 125 миллион туп кўчат экилиши мўлжалланган. Бунда экин жойларини тўғри танлаш, суғоришни яхшилашга алоҳида эътибор қаратилмоқда.

“Атроф-муҳитни асраш ва “яшил иқтисодиёт” йили давлат дастурига мувофиқ, бу йил кўчатчиликка ихтисослашган 18 та ўрмон хўжалиги ташкил қилинади. Уларда “илм-лойиҳа-амалиёт” тамойили асосида генетик селекция ишлари кучайтирилиб, плантациялар кенгайтирилади. “Яшил олам” платформаси ишга туширилиб, кўчатларни онлайн сотиб олиш йўлга қўйилади.

Юртимизда яшиллик даражасининг кенгайиб бораётгани партиямиз дастуридаги вазифаларга ҳамоҳанг. Чунки ЎзЛиДеП аҳоли масканларида экологик муҳитни яхшилашни кейинги беш йиллик фаолиятидаги энг муҳим вазифаси деб ҳисоблайди.

@a_xaitov

“ИШБИЛАРМОН АЁЛ” 10 ЙИЛ ИЧИДА БУТУН МАМЛАКАТНИ ҚАМРАБ ОЛДИ

Ўзбекистонлик аёлларнинг ишбилармонлик ва тадбиркорлик соҳасидаги фаолиятини рағбатлантириш, уларнинг иқтидорини юзага чиқариш, раҳбарлик соҳасидаги муваффақиятларини оммалаштириш, мустақил бизнес очиш борасидаги ижтимоий ташаббусларини қўллаб-қувватлаш ва бошқа қатор имкониятларини юзага чиқаришга кўмак берувчи “Ишбилармон аёл” танлови ташкил этилганига ўн йил тўлди!

Мазкур лойиҳанинг бу йилгисида маҳалла саралаш босқичларида 9 443, туман (шаҳар) босқичларида 208, вилоят босқичларида эса 14 нафар тадбиркор, фермер ва томорқачи ишбилармон хотин-қизлар қатнашади ҳамда улар ўзлари ишлаб чиқарган маҳсулотлари, хизматларини намойиш этади. Натижада 100 га яқин партиянинг бошланғич ташкилотларини очиш ҳамда партия сафига 10 000 га яқин хотин-қизларни жалб этиш кўзда тутилган.

“XXI asr” газетасининг 2025 йил 20 март сонидан.

ЗАҲМАТЛИ МЕҲНАТ ОРТИДА МУНОСИБ ЭЪТИРОФ ҲАМ БОР

Яқинда ҳаммамиз кўриб, гувоҳи бўлдикки, давлатимиз раҳбари иштирокидаги ичимлик суви ва иссиқлик таъминоти, маҳаллалар ободлиги ва қишлоқ хўжалиги билан боғлиқ масалалар бўйича видеоселектор йиғилишида ушбу соҳаларда эришилаётган ютуқлар ва улкан имкониятлар билан бирга ҳали олдинда турган долзарб вазифалар, муаммолар атрофлича таҳлил қилинди.

Йиғилишда қайд этилганидек, бугун мамлакатимизда жами 93 мингдан зиёд фермерлар турли тармоқда фаолият кўрсатиб келмоқда. Уларнинг натижадорлик рейтингини энди ҳосилдорлик, ишчи сони, маҳсулот ҳажми ва шу каби муҳим кўрсаткичлар, мезонлар бўйича баҳолаш таклиф қилингани айни муддао бўлди.

“XXI asr” газетасининг 2025 йил 20 март сонидан.

@a_xaitov

Курс на активизацию деловых инициатив

Все эти тенденции проявились и в ходе государственного визита Президента Узбекистана Шавката Мирзиёева во Францию, важнейшим итогом которого стало установление отношений стратегического партнерства. Для налаживания системного диалога и «сверки часов» условлено создать Группу стратегического планирования во главе с министерствами иностранных дел с подключением экономических ведомств.

👉 № 53 (8897) газеты «Народное слово», от 15 марта 2025 года

@a_xaitov

☑️ Ўзбекистон ва Россия ўртасидаги парламентлараро ҳамкорлик янада кенгайиб бормоқда

Президентимиз 14 март куни Россия Федерацияси Федерал Мажлиси Давлат Думаси Раиси Вячеслав Володинни қабул қилди. Ўзбекистон билан Россия ўртасидаги кенг қамровли стратегик шериклик ва иттифоқчилик муносабатларининг долзарб масалалари кўриб чиқилди.

Учрашувда ўтган йил май ойида Россия Президентининг Ўзбекистонга давлат ташрифи чоғида эришилган келишув ва битимларнинг амалга оширилишини назорат қилиш мақсадида парламентлараро ҳамкорликни кенгайтиришга алоҳида эътибор қаратилди.

Мамлакатимиз етакчиси Парламентлараро комиссиянинг иккинчи йиғилишига пухта тайёргарлик кўриш ва уни Ўзбекистонда, икки мамлакат ҳудудларини кенг жалб этган ҳолда ўтказиш муҳимлигини таъкидлади.

Савдо-иқтисодий ва инвестициявий ҳамкорликнинг устувор лойиҳаларини, меҳнат миграцияси ва маданий-гуманитар алмашинув борасидаги қўшма дастурларни қўллаб-қувватлаш ва жадаллаштиришда парламентлар фаол иштирок этиши зарурлиги қайд этилди.

Таъкидлаш жоизки, куни кеча Россия Федерацияси Федерал Мажлиси Давлат Думаси Раиси Вячеслав Володин бошчилигидаги делегация  Қонунчилик палатасига ҳам ташриф буюриб, парламентлараро форумлар, партиялар ва фракциялараро мулоқотлар ўтказиш бўйича фикрлар алмашилди, ҳамкорликни ривожлантиришнинг истиқболли йўналишлари белгилаб олинди.

@a_xaitov