​​Sabrina Ley Chalikandi — men italyanman va Yevropa madaniyatiga mansubman. Lekin men o'z xohishimga koʻra musulmonlikni tanladim. Men Islomning butun dunyoda, barcha madaniy va milliy to'siqlardan qat'i nazar, yashash va amal qilish mumkin bo'lgan umumbashariy din ekanligiga chin dildan ishonganman. Boshqacha qilib aytganda, mening fikrimcha, musulmon bo'lsangiz, sharqlik boʻling yo g'arblik, hamma yerni oʻz uyingizdek his qilasiz.

Islomga bo'lgan sayohatim aslida mening ichki o'zimga, mavjudligimning botiniy jabhasiga, mening haqiqiy nafsimga, Alloh insonlarni yaratgan asl fitratga bo'lgan sayohatimdir. Men doktorlik darajasini qoʻlga kiritganimdan keyin Islomni jiddiy o'rganishni boshladim; Biroq, men buni avvalgi dinimni tark etish va Islomni qabul qilish niyatida qasddan boshlagan jarayon emasligini aytishim kerak. Buni avvalgi e'tiqodlarimga amal qilib oʻrganib yurganim chogʻlarimda boshlangan idroksiz sayohat deb ta'riflash mumkin.

Musulmon bo'lganingizda, siz abadiy uyingiz oxirat ekanligiga ishonch bilan yashaysiz. Qolaversa, siz bu dunyo va oxiratdagi hayot haqida to'liq xabardor holda hayot kechirasiz. Menimcha, Islomofobiyaning keskinlashuvi va Islomiy ramzlar va liboslarning jamoat va shaxsiy ko'rinishlariga nisbatan adovat va dushmanchiliklarga qaramay, biz boshqalar bilan o'zaro munosabatlarimizda bag'rikeng bo'lmog'imiz kerak. Islomni qabul qilgan gʻarbliklar g'arblik bo'lganlari uchun ham, G'arb va musulmon dunyosini bog'laydigan ko'prik vazifasini o'z zimmalariga olishlari darkor.

@Tafakkur_chizgilari