Prezident Shavkat Mirziyoev 4 mart kuni kambag'allikni qisqartirish, aholi bandligini ta'minlash, investisiya va eksport ko'rsatkichlarini tahlil qilish bo'yicha yig'ilish o'tkazdi.
Yig’ilishda amalga oshirilgan vazifalar va kelgusidagi rejalar muhokama qilindi.
Mamlakatimizda aholi bandligini ta’minlash, ularning daromad manbalarini diversifikasiya qilishga qaratilgan uzoq muddatli islohotlar amalga oshirilmoqda.
Yurtimizda joriy yilning yanvar oyida
239 ming kishi, fevral oyida 480 ming kishi ishli bo'ldi, 14 trln so'm kreditlar tadbirkorlik va kichik biznesni qo'llab-quvvatlashga yo'naltirildi, “Mahalla bankirlari” tizimi joriy qilinib
, mahalliy aholini tadbirkorlikka jalb etish mexanizmlari kuchaytirildi.
Shuningdek, yil boshidan buyon
6 milliard dollar xorijiy investisiya va kreditlar
o'zlashtirildi.
2,8 milliard dollarlik tovar va xizmatlar eksport qilindi. Ayniqsa, zargarlik mahsulotlari eksporti o'tgan yilga nisbatan 7 barobar, kimyoda 1,7 marta, elektrotexnika va oziq-ovqatda 1,2 barobar, turizm xizmatlari 1,6 barobar o'sgan.
132 ta korxonada xalqaro standartlar joriy qilingan. 521 ta korxona ilk bor tashqi bozorga chiqib, birgina fevral oyida qo'shimcha 183 million dollar eksport qilgan.
Yig’ilishda mutasaddilar birinchi chorak yakuni bilan 8 milliard dollardan ziyod xorijiy investisiyani o'zlashtirish rejalari, qo'shimcha eksport imkoniyatlari yuzasidan axborot berdi.
Aholi farovonligini oshirish, tadbirkorlikni qo'llab-quvvatlash va ijtimoiy barqarorlikni ta’minlash borasidagi islohotlar Yangi O‘zbekistonning barqaror rivojlanishini mustahkamlash yo‘lidagi muhim qadamlardir.
@Shaxnoza_Xolmaxamatova